బంగాళాఖాతంలో అల్పపీడనం.. 16, 17 తేదీల్లో ఏం జరగబోతోంది? ఏపీ, తెలంగాణకు వెదర్ అలర్ట్!

బంగాళాఖాతంలో మరో అల్పపీడనం ఏర్పడే సూచనలు కనిపిస్తున్నాయి. దక్షిణ అండమాన్ సముద్రం, పరిసర ప్రాంతాల్లో ఏర్పడిన ఉపరితల ఆవర్తనం ప్రభావంతో నవంబర్ 13 నాటికి ఆగ్నేయ బంగాళాఖాతంలో అల్పపీడనం ఏర్పడే అవకాశం ఉందని వాతావరణ శాఖ అంచనా వేస్తోంది. ఇది వాయువ్య దిశగా కదులుతూ తదుపరి 24 గంటల్లో మరింత బలపడే అవకాశం ఉందని తెలిపింది. అనంతరం నవంబర్ 15 నాటికి వాయుగుండంగా మారవచ్చని వాతావరణ నిపుణులు అంచనా వేస్తున్నారు.

అయితే నవంబర్ 16, 17 తేదీల్లో దక్షిణ కోస్తాంధ్ర లేదా ఉత్తర తమిళనాడు తీరానికి సమీపంలో తీరం దాటే అవకాశం ఉందని నిపుణులు భావిస్తున్నారు. ముఖ్యంగా ఒంగోలు నుంచి చెన్నై, పుదుచ్చేరి మధ్య తీర ప్రాంతాలపై దృష్టి సారిస్తున్నారు. అయితే సముద్రం నుంచి భూభాగం వైపు కదిలే సమయంలో పొడి గాలుల ప్రభావంతో ఈ వ్యవస్థ బలహీనపడే అవకాశముందని విశ్లేషిస్తున్నారు. దీంతో ఇది వాయుగుండం లేదా తీవ్ర వాయుగుండం స్థాయిలోనే తీరం దాటవచ్చని అంచనా వేస్తున్నారు. రానున్న రోజుల్లో దీని కదలిక, తీవ్రతపై మరింత స్పష్టత వచ్చే అవకాశం ఉంది.

బంగాళాఖాతంలో సముద్ర పరిస్థితులు క్రమంగా మారనున్నాయి. శనివారం నుంచి మంగళవారం వరకు సముద్రం అల్లకల్లోలంగా ఉండే అవకాశం ఉందని హెచ్చరికలు జారీ అయ్యాయి. ఈ నేపథ్యంలో ఆగ్నేయ, నైరుతి, మధ్య బంగాళాఖాతంలోని పరిసర ప్రాంతాల్లోకి మత్స్యకారులు వేటకు వెళ్లవద్దని అధికారులు సూచించారు. ప్రస్తుతం ఈ వాయుగుండం ప్రభావం ఆంధ్రప్రదేశ్‌పై లేదని వాతావరణ శాఖ వెల్లడించింది. ఏపీ, యానాం దిగువ ట్రోపో ఆవరణంలో ఈశాన్య దిశగా గాలులు వీస్తున్నాయి. వీటి ప్రభావంతో రానున్న మూడు రోజుల పాటు కోస్తాంధ్ర, యానాం, రాయలసీమ ప్రాంతాల్లో పొడి వాతావరణం కొనసాగుతుందని అమరావతి వాతావరణ కేంద్రం తెలిపింది.

మరోవైపు తెలంగాణలో చలి ప్రభావం క్రమంగా పెరుగుతోంది. రాష్ట్రవ్యాప్తంగా రాత్రి ఉష్ణోగ్రతలు తగ్గుతుండటంతో తెల్లవారుజామున, రాత్రి వేళల్లో చలి ఎక్కువగా ఉంటోంది. పగటిపూట మాత్రం ఎండలు కొనసాగుతుండటంతో ఉదయం, రాత్రి చలి.. పగలు ఎండ అన్నట్లుగా వాతావరణం మారింది. రాబోయే వారం రోజుల పాటు తెలంగాణలో వర్షాలు కురిసే అవకాశాలు లేవని వాతావరణ శాఖ అంచనా వేస్తోంది. రాత్రి ఉష్ణోగ్రతలు మరింత తగ్గే సూచనలు ఉండటంతో ప్రజలు చలి నుంచి రక్షణ కోసం తగిన జాగ్రత్తలు తీసుకోవాలని సూచిస్తున్నారు.

దక్షిణ అండమాన్ సముద్రం వద్ద ఏర్పడిన ఉపరితల ఆవర్తనంతో వాతావరణం ఒక్కసారిగా మారబోతోంది. దీని ప్రభావంతో నవంబర్ 13 నాటికి ఆగ్నేయ బంగాళాఖాతంలో అల్పపీడనం ఏర్పడనుందని వాతావరణ శాఖ అంచనా వేస్తోంది. ఆగ్నేయ బంగాళాఖాతంలో ఏర్పడనున్న అల్పపీడనం వాయువ్య దిశగా కదులుతూ తదుపరి 24 గంటల్లో మరింత బలపడనుంది. నవంబర్ 15 నాటికి ఇది వాయుగుండంగా మారే అవకాశం ఉందని వాతావరణ నిపుణులు చెబుతున్నారు. ఈ వ్యవస్థ కదలికలపై పూర్తి స్పష్టత లేకపోయినప్పటికీ, నవంబర్ 16 లేదా 17 తేదీల్లో దక్షిణ కోస్తాంధ్ర, ఉత్తర తమిళనాడు మధ్య తీరం దాటే సూచనలు కనిపిస్తున్నాయి. ముఖ్యంగా ఒంగోలు నుంచి చెన్నై, పుదుచ్చేరి మధ్య తీర ప్రాంతాలపై నిపుణులు ప్రత్యేక దృష్టి సారించారు. అయితే, సముద్రం నుంచి తీరం వైపు వచ్చే క్రమంలో పొడి గాలుల ప్రభావంతో ఇది కొంత బలహీనపడే అవకాశం ఉంది. దీంతో ఇది వాయుగుండం లేదా తీవ్ర వాయుగుండం స్థాయిలోనే తీరం దాటవచ్చని విశ్లేషిస్తున్నారు.

అల్పపీడన ప్రభావంతో శనివారం నుంచి మంగళవారం వరకు సముద్రం అల్లకల్లోలంగా మారనుంది. ఈ నేపథ్యంలో ఆగ్నేయ, నైరుతి, మధ్య బంగాళాఖాతంలోకి మత్స్యకారులు వేటకు వెళ్లవద్దని అధికారులు హెచ్చరికలు జారీ చేశారు. ప్రస్తుతానికి ఈ వ్యవస్థ ప్రభావం ఆంధ్రప్రదేశ్‌పై లేదని అమరావతి వాతావరణ కేంద్రం స్పష్టం చేసింది. ఈశాన్య గాలుల ప్రభావంతో రానున్న మూడు రోజుల పాటు కోస్తాంధ్ర, యానాం, రాయలసీమ ప్రాంతాల్లో పొడి వాతావరణమే కొనసాగనుంది. ఇక తెలంగాణ విషయానికొస్తే… రాష్ట్రంలో చలి తీవ్రత క్రమంగా పెరుగుతోంది. రాత్రి ఉష్ణోగ్రతలు పడిపోతుండటంతో తెల్లవారుజామున, రాత్రి వేళల్లో చలి వణికిస్తోంది. పగటిపూట ఎండలు, రాత్రి వేళ చలి అన్నట్లుగా వాతావరణం మారింది. రాబోయే వారం రోజుల పాటు తెలంగాణలో వర్షాలు కురిసే అవకాశాలు లేవని, రాత్రి ఉష్ణోగ్రతలు మరింత తగ్గుతాయని వాతావరణ శాఖ తెలిపింది.