follow us:
సినిమా అంటేనే నవరసాల కలబోత. అందులోనూ థియేటర్ కి వచ్చిన ప్రేక్షకుడిని కడుపుబ్బా నవ్వించడం అందరికీ సాధ్యం కాదు. అందుకే మన టాలీవుడ్‌లో కమెడియన్లకి ఎప్పుడూ ఒక స్పెషల్ ప్లేస్ ఉంటుంది. అయితే, కేవలం నవ్వించడమే కాదు… నవరసాలు పలికించగలమని నిరూపించి, కమెడియన్ సీటు నుండి డైరెక్ట్‌గా హీరో సీట్లోకి ప్రమోషన్ కొట్టేసిన మన టాలీవుడ్ స్టార్స్ ఎంతమంది ఉన్నారో తెలుసా?
అవునండి… కమెడియన్లుగా కెరీర్ స్టార్ట్ చేసి, ఆ తర్వాత హీరోలుగా మారి బాక్సాఫీస్ దగ్గర హిట్లు కొట్టిన వాళ్లు కొందరైతే… హీరోగా లక్ చెక్ చేసుకుని మళ్లీ సెకండ్ ఇన్నింగ్స్ స్టార్ట్ చేసిన వాళ్లు మరికొందరు. అస్సలు టాలీవుడ్‌లో ఈ ‘కమెడియన్ టు హీరో’ జర్నీ ఎలా సాగింది? పాతతరం నుండి కొత్తతరం దాకా ఎవరెవరు ఈ రూట్లో సక్సెస్ అయ్యారు? ఇప్పుడు వాళ్లంతా ఏ పొజిషన్‌లో ఉన్నారు? అనేది ఈరోజు మన స్పెషల్ స్టోరీలో చూసేద్దాం… లెట్స్ వాచ్!”
పాతతరం కట్ చేస్తే పద్మశ్రీ బ్రహ్మానందం ‘బాబాయ్ హోటల్’ వంటి సినిమాల్లో హీరోగా చేశారు. కానీ, ఆయన కామెడీ కింగ్ గానే సెటిల్ అయ్యి ఇప్పటికీ ఇండస్ట్రీలో ఒక లెజెండ్‌గా కొనసాగుతున్నారు. రాజేంద్ర ప్రసాద్ కమెడియన్ గా కెరీర్ స్టార్ట్ చేసి, ‘కామెడీ హీరో’గా ఒక కొత్త ట్రెండ్ క్రియేట్ చేశారు. ‘లేడీస్ టైలర్’, ‘అప్పుల అప్పారావు’ లాంటి ఎన్నో హిట్స్ ఇచ్చారు. ప్రస్తుతం క్యారెక్టర్ ఆర్టిస్ట్‌గా బిజీగా ఉన్నారు. ఆలీ ‘యమలీల’, ‘ఘటోత్కచుడు’ సినిమాలతో హీరోగా సూపర్ హిట్స్ అందుకున్నారు. ఇప్పుడు టీవీ షోస్, క్యారెక్టర్ రోల్స్ చేస్తూ ఇండస్ట్రీలో కొనసాగుతున్నారు. బాబు మోహన్ ఈయన కూడా కొన్ని సినిమాల్లో హీరోగా మెరిశారు, ఆ తర్వాత పాలిటిక్స్, క్యారెక్టర్ రోల్స్ లో సెటిల్ అయ్యారు.
కొత్తతరం విషయానికి వస్తే సునీల్ ‘అందాల రాముడు’, ‘మర్యాద రామన్న’ సినిమాలతో హీరోగా బ్లాక్‌బస్టర్స్ కొట్టారు. కొంతకాలం హీరోగా చేసి, ప్రస్తుతం మళ్లీ ‘పుష్ప’, ‘జైలర్’ వంటి సినిమాలతో విలన్‌గా, క్యారెక్టర్ ఆర్టిస్ట్‌గా సెకండ్ ఇన్నింగ్స్‌లో దూసుకుపోతున్నారు. వెన్నెల కిషోర్ ప్రస్తుతం ఇండస్ట్రీలో మోస్ట్ బిజీ కమెడియన్ అయిన ఈయన, రీసెంట్‌గా ‘చారి 111’ అనే మూవీతో సోలో హీరోగా మారి లక్ చెక్ చేసుకున్నారు. అటు పెద్ద సినిమాల్లో నవ్విస్తూనే, ఇటు హీరోగానూ క్రేజీ ప్రాజెక్ట్స్ చేస్తూ టాప్ పొజిషన్‌లో ఉన్నారు. హీరో సప్తగిరి ‘సప్తగిరి ఎక్స్‌ప్రెస్’, ‘సప్తగిరి ఎల్‌ఎల్‌బీ’ చిత్రాలతో హీరోగా ట్రై చేశారు. ప్రస్తుతం మళ్లీ కామెడీ రోల్స్ వైపు టర్న్ తీసుకుని బిజీగా ఉన్నారు. శ్రీనివాస్ రెడ్డి ‘గీతాంజలి’, ‘జయమ్ము నిశ్చయమ్మురా’ సినిమాలతో హీరోగా, లీడ్ రోల్స్ లో మెప్పించి ప్రస్తుతం ఇండస్ట్రీలో సపోర్టింగ్ యాక్టర్ గా కంటిన్యూ అవుతున్నారు.
ప్రియదర్శి & రాహుల్ రామకృష్ణ ‘మల్లేశం’, ‘బలగం’ వంటి సినిమాలతో ప్రియదర్శి హీరోగా నేషనల్ లెవెల్ గుర్తింపు తెచ్చుకున్నారు. వీరిద్దరూ అటు హీరోలుగా చేస్తూనే, ఇటు పెద్ద సినిమాల్లో కమెడియన్లుగా క్రేజీ పొజిషన్‌లో కొనసాగుతున్నారు. సత్య రీసెంట్‌గా ‘మత్తు వదలరా’ సిరీస్‌తో తన కామెడీ టైమింగ్‌తో హీరోలకు ఈక్వల్ రేంజ్ క్రేజ్ సంపాదించుకుని టాప్ పొజిషన్‌లో ఉన్నారు. వేణు ఎల్దండి కమెడియన్ గా వచ్చి, ‘బలగం’ సినిమాతో ఏకంగా డైరెక్టర్ గా మారి ఇండస్ట్రీని షేక్ చేశారు. ఇక వీరి కోవలోనే షకలక శంకర్, ధన్‌రాజ్ వీరు కూడా హీరోలుగా సినిమాలు శంభో శంకర చేశారు. కానీ హీరోలుగా ఆశించిన స్థాయిలో సక్సెస్ కాకపోవడంతో ప్రస్తుతం పెద్ద సినిమాల్లో అవకాశాల కోసం ఎదురుచూస్తున్నారు లేదా చిన్న చిన్న రోల్స్ కే పరిమితమయ్యారు.
చూశారుగా… కమెడియన్లుగా మనల్ని నవ్వించి, హీరోలుగా మారి మెప్పించడం అంత ఈజీ కాదని మన వాళ్ల జర్నీ చూస్తేనే అర్థమవుతోంది. సునీల్ లాంటి వాళ్లు హీరోగా పీక్ స్టేజ్ చూసి, ఇప్పుడు విలన్‌గా, క్యారెక్టర్ ఆర్టిస్ట్‌గా వర్సటైల్ పొజిషన్‌లో ఉంటే… ప్రియదర్శి, సత్య లాంటి కొత్త తరం నటులు అటు కామెడీ చేస్తూనే, ఇటు కంటెంట్ ఉన్న సినిమాల్లో హీరోలుగా రాణిస్తున్నారు. ఎవరైనా సరే… రూట్ ఏదైనా, టాలెంట్ ఉంటే టాలీవుడ్ ఎప్పుడూ గుండెల్లో పెట్టుకుంటుంది అని వీళ్లందరూ నిరూపించారు. మరి వీళ్లందరిలో హీరోగా మీకు బాగా నచ్చిన కమెడియన్ ఎవరు? వాళ్ల యాక్టింగ్ మీకు ఏ సినిమాలో బాగా నచ్చింది? అనేది కింద కామెంట్ సెక్షన్ లో షేర్ చేసుకోండి.
