follow us:
ప్రస్తుతం ఇండియన్ సినిమా అంటేనే సౌత్ సినిమా! మన కథలు, మన మేకింగ్, మన నటీనటుల ప్రతిభ ఇంటర్నేషనల్ లెవెల్లో దుమ్మురేపుతోంది. కానీ, కొంతమంది ఉత్తరాది భామలకు మాత్రం ఇంకా ఈ విషయం అర్థం కాలేదో.. లేక అరిగిపోయిన టేపు రికార్డర్‌లా పాత ముచ్చట్లే మాట్లాడుతున్నారో తెలియదు కానీ.. ఈ మధ్య తాప్సీ పన్ను, జాన్వీ కపూర్, రాధికా ఆప్టే లాంటి వాళ్లు టాలీవుడ్‌ను, ఇక్కడి పనితీరును ఉద్దేశించి చేసిన కామెంట్స్ ఒక పెద్ద ‘నార్త్ వర్సెస్ సౌత్’ వివాదానికి దారితీశాయి. అయితే.. ఇదే వివాదంపై మన టాలెంటెడ్ యాక్ట్రెస్ రెజీనా కసాండ్రా స్పందించిన తీరు ఇప్పుడు నెట్టింట సంచలనంగా మారింది!
ఇప్పటివరకు అందరూ ఈ ఇష్యూని ఒక గొడవలా చూస్తే.. రెజీనా మాత్రం ఇంతవరకు ఎవ్వరూ టచ్ చేయని ఒక సరికొత్త పాజిటివ్ కోణాన్ని తెరపైకి తెచ్చారు! బాలీవుడ్‌లో ఉండే రీజినల్ వివక్షను ఎండగడుతూనే.. మన సౌత్ ఇండస్ట్రీ ఎంత గొప్పదో, ఇక్కడ నటీనటులకు ఎలాంటి స్వేచ్ఛ, గౌరవం ఉంటాయో చాటిచెప్పారు.
అసలు ఏం జరిగిందంటే.. బాలీవుడ్ స్టార్ హీరో అక్షయ్ కుమార్ నటించిన బిగ్గెస్ట్ మూవీ కేసరి చాప్టర్ 2 లో రెజీనా హీరో భార్యగా, చాలా కీలకమైన పాత్ర పోషించారు. కానీ, కరణ్ జోహార్‌కు చెందిన ధర్మ ప్రొడక్షన్స్ మాత్రం ఆమెను ప్రమోషన్ల నుంచి ఉద్దేశపూర్వకంగా పక్కన పెట్టేసింది. ఎంతలా అంటే.. ఆ సినిమాలో కేవలం రెజీనా మాత్రమే కనిపించే ఒక సాంగ్‌ను రిలీజ్ చేసి, సోషల్ మీడియాలో కనీసం ఆమె పేరును ట్యాగ్ చేయడానికి కూడా బాలీవుడ్ పెద్దలకు మనసు రాలేదు! “నేను సౌత్ యాక్ట్రెస్ నైనందుకే నన్ను ఇలా పక్కన పెట్టారా?” అని రెజీనా స్ట్రెయిట్ గా ప్రశ్నించారు.
కానీ ఇక్కడే రెజీనా అసలైన పాయింట్ మాట్లాడారు! మాకు కంఫర్ట్ లేదు, వాయిస్ లేదు అని కొందరు ఉత్తరాది హీరోయిన్లు సౌత్ మీద పడి ఏడుస్తుంటే.. రెజీనా మాత్రం గట్టి కౌంటర్ ఇచ్చారు. “మీకు అంతగా నచ్చకపోతే, అన్‌కంఫర్టబుల్‌గా ఉంటే సినిమా నుంచి వాకౌట్ చేసే స్వేచ్ఛ, పవర్ మీకు ఉన్నాయి కదా! ఆ పని చేయకుండా సౌత్ ఇండస్ట్రీని తక్కువ చేసి మాట్లాడటం ఏంటి?” అని నిలదీశారు. నిజానికి, మన సౌత్ ఇండస్ట్రీ టాలెంట్‌ను గౌరవిస్తుంది. ఇక్కడ నటీనటులకు ఇచ్చే మర్యాద, ప్రొడక్షన్ వాల్యూస్ ముందు బాలీవుడ్ ఎప్పుడో వెనకబడిపోయింది అనేది ఇండస్ట్రీ ఇన్‌సైడర్స్ మాట.
అవును! అక్కడ ట్యాగ్ చేయడానికి కూడా వెనకాడిన చోట.. మన సౌత్ ఇండస్ట్రీ రెజీనాకు ఏకంగా రూ. 100 కోట్ల భారీ బడ్జెట్ సినిమాలో అత్యంత పవర్‌ఫుల్ రోల్‌ను ఇచ్చి గౌరవించింది! సీనియర్ డైరెక్టర్ సుందర్ సి దర్శకత్వంలో, లేడీ సూపర్ స్టార్ నయనతార మెయిన్ లీడ్‌గా నటిస్తున్న ప్రతిష్టాత్మక చిత్రం మహాశక్తి లో రెజీనా కేవలం హీరోయిన్‌గానో, సైడ్ క్యారెక్టర్‌గానో కాదు.. ఏకంగా నయనతారను ఢీకొట్టే ఒక పవర్‌ఫుల్ విలన్ పాత్రలో కనిపించబోతున్నారు!
సుమారు 3,000 వీఎఫ్‌ఎక్స్ షాట్స్, ప్రతిరోజూ 2 గంటలపాటు మేకప్ వేసుకుని మరీ రెజీనా ఈ పాత్ర కోసం ప్రాణం పెట్టారు. ఒక మహిళా నటికి కేవలం గ్లామర్ పాత్రలే కాదు.. హీరోలతో సమానంగా విలనిజం పండించే అంతటి పవర్‌ఫుల్ క్యారెక్టర్స్ ఇవ్వడం ఒక్క మన సౌత్ సినిమాకే సాధ్యమైంది. అక్కడ ప్రమోషన్లలో చోటు దక్కకపోయినా.. ఇక్కడ నయనతార లాంటి స్టార్స్‌తో సమానంగా రెజీనాకు భారీ కటౌట్లు పెట్టేందుకు మన సౌత్ ఇండస్ట్రీ రెడీ అయిపోతోంది!
చివరగా చెప్పేదేంటంటే.. టాలెంట్‌ను తొక్కేయాలని చూసే బాలీవుడ్ మైండ్‌సెట్‌కు.. ప్రతిభను నెత్తిన పెట్టుకునే మన సౌత్ సినిమా కల్చరే ఒక గట్టి సమాధానం! మరి బాలీవుడ్ వివక్షపై రెజీనా ఇచ్చిన ఈ బోల్డ్ స్టేట్‌మెంట్స్ మరియు మన సౌత్ ఇండస్ట్రీ గొప్పతనంపై మీ అభిప్రాయాన్ని కింద కామెంట్ చేయండి.
