follow us:
సాధారణంగా నటీనటులు తమ సినిమా ప్రమోషన్స్ కోసం గుళ్లకు వెళ్లడం మనం చూస్తూనే ఉంటాం. కానీ, నవంబర్ 6న రిలీజ్ కాబోతున్న ‘మహాశక్తి’ (మూకుత్తి అమ్మన్ 2) సినిమా కోసం నయనతార చేసిన ఆధ్యాత్మిక ప్రయాణం వెనుక ఒక పెద్ద సీక్రెట్ ఉంది. ఆమె అక్కడికి కేవలం నమస్కారం చేసుకోడానికో, ఆశీర్వాదాల కోసమో వెళ్లలేదు.. తన శరీరాన్ని ఒక అద్భుతమైన కాస్మిక్ ఎనర్జీకి (విశ్వ శక్తికి) కనెక్ట్ చేసుకునే ఒక ప్రత్యేక ప్రక్రియలో భాగమయ్యారు!
నిజానికి మన పురాణాలు, తంత్ర శాస్త్రాల ప్రకారం.. స్క్రీన్ మీద ఒక ఉగ్రరూపాన్ని లేదా దైవిక శక్తిని పండించాలంటే, నటులు తమ సొంత ఇమేజ్‌ని, అహాన్ని పూర్తిగా మర్చిపోవాలి. నయనతార ఈ క్యారెక్టర్ కోసం నెల రోజుల పాటు ఉపవాస దీక్ష చేశారంటే అది కేవలం డైటింగ్ కాదు. తన గ్లామర్ ఇమేజ్‌ని పక్కన పెట్టి, తన బాడీని, మైండ్‌ని ఆ ‘మహాశక్తి’ అవతారానికి పూర్తిగా అంకితం చేసేశారు.
అయితే, నయనతార చెన్నైలోని కాళికాంబాల్ టెంపుల్‌నే ఎందుకు ఎంచుకున్నారు? ఎందుకంటే అది కేవలం ఒక గుడి మాత్రమే కాదు.. అదొక పవర్‌హౌస్ శతాబ్దాల క్రితం ఛత్రపతి శివాజీ మహారాజ్ యుద్ధానికి వెళ్లే ముందు కూడా ఇక్కడే పూజలు చేసి శక్తిని పొందారని చెప్తారు. నయనతార కూడా ‘మహాశక్తి’ సినిమాలో మహాకాళి ఉగ్రరూపాన్ని చూపించే ముందు.. ఆ పురాతన క్షేత్రంలోని పాజిటివ్ వైబ్రేషన్స్‌ను తనలోకి నింపుకున్నారు. అందుకే ఆ వీడియోలో ఆమె ముఖం ఒక సాధారణ భక్తురాలిలా కాకుండా, ఒక ‘శక్తి స్వరూపిణి’లా వెలిగిపోతోంది.
దర్శకుడు సుందర్ సి ఈ సినిమాను కేవలం ఒక ఫాంటసీ కథలా తీయలేదు. సమాజంలో పిల్లలపై, మహిళలపై జరుగుతున్న అన్యాయాలపై ఒక స్త్రీ ఎదురుతిరిగితే.. ఆమెలో దాగున్న అసలైన శక్తి ఎలా బయటకు వస్తుందనే పాయింట్‌ను ద్విపాత్రాభినయం కోణంలో చూపించారు. నయనతార రియల్ లైఫ్‌లో కూడా ఎన్నో కష్టాలను ఎదుర్కొని ‘లేడీ సూపర్ స్టార్’గా ఎదిగారు. ఆమెలోని ఆ పట్టుదలే ఇప్పుడు రీల్ లైఫ్‌లో ‘కాళికా అవతారం’గా మనకు కనిపించబోతోంది.
మొత్తానికి నయనతార షేర్ చేసిన ఈ వీడియో ఒక సినిమా ప్రమోషన్ కాదు.. తనలోని అద్భుతమైన నారీ శక్తిని ప్రపంచానికి పరిచయం చేసే ఒక డివైన్ స్టేట్‌మెంట్. మరి ఈ నవంబర్ 6న థియేటర్లలో ఈ పవర్‌ఫుల్ మ్యాజిక్‌ను ఎక్స్‌పీరియన్స్ చేయడానికి మీరు రెడీగా ఉన్నారా?
