రాప్తాడు ఘటనపై సినిమా ప్రభావం ఉందా? విమర్శకులకు సందీప్ రెడ్డి వంగా ఘాటు కౌంటర్!

అనంతపురం జిల్లా రాప్తాడు పాఠశాల క్లాస్‌రూమ్‌లో ఓ విద్యార్థినిపై జరిగిన అమానుష రంపం దాడి ఉదంతం తెలుగు రాష్ట్రాలను తీవ్రంగా కలచివేసింది. ఈ ఘోరకలిపై సమాజంలోని అన్ని వర్గాల నుంచి తీవ్ర ఆగ్రహావేశాలు వ్యక్తమవుతుండగా, సోషల్ మీడియా వేదికగా మరో కొత్త వివాదం తెరపైకి వచ్చింది. యువత ఇంత క్రూరంగా తయారవ్వడానికి సినిమాల్లోని హింసాత్మక సన్నివేశాలే కారణమంటూ కొందరు విమర్శకులు, నెటిజన్లు చిత్ర పరిశ్రమను టార్గెట్ చేస్తూ ట్రోల్స్ మొదలుపెట్టారు.

ఈ సున్నితమైన అంశంపై టాలీవుడ్ సెన్సేషనల్ డైరెక్టర్ సందీప్ రెడ్డి వంగా అత్యంత ఘాటుగా స్పందించారు. ఒక ఘోరమైన విషాదాన్ని అడ్డం పెట్టుకుని, బాధితులపై కన్నా ఇతరులపై ఉన్న వ్యక్తిగత కక్షలను తీర్చుకోవడానికి కొందరు దీనిని ఒక మురికి అవకాశంగా మల్చుకుంటున్నారంటూ ఆయన సోషల్ మీడియాలో సంచలన పోస్ట్ పెట్టారు. సమాజంలో ఇలాంటి ఘోరాలు జరిగినప్పుడు బాధితులకు అండగా నిలవడం, నేరాల వెనుక ఉన్న అసలు కారణాలను విశ్లేషించడం ముఖ్యం కానీ ప్రతి దుర్ఘటనకూ సినిమాలను బలిపశువును చేయడం సరికాదంటూ విమర్శకుల నోళ్లు మూయించేలా ఆయన ఇచ్చిన కౌంటర్ ఇప్పుడు ఇండస్ట్రీతో పాటు సోషల్ మీడియాలోనూ హాట్ టాపిక్‌గా మారింది.

సినీ రంగంలో రాణించలేకపోయిన కొందరు నటులు, దర్శకులు, నిర్మాతలు.. ఇలాంటి దుర్ఘటనలు జరిగినప్పుడు మాత్రమే సామాజిక స్పృహ ఉన్నట్లు నటిస్తారని విమర్శించారు. ఇతరుల సృజనాత్మకతపై, సినిమాలపై విమర్శలు చేస్తూ తామేదో గొప్ప సంస్కర్తల్లా బిల్డప్ ఇస్తుంటారని ఎద్దేవా చేశారు. ఒక ఘోరం జరిగినప్పుడు సమాజం నుంచి ఆశించేది కేవలం బాధితుల పట్ల సానుభూతి, మానవత్వం మాత్రమేనని సందీప్ రెడ్డి స్పష్టం చేశారు. కానీ ఇలాంటి దారుణాలను తమ స్వార్థ ప్రయోజనాల కోసం, అవకాశవాదానికి వాడుకోవద్దని, ఈ రెండింటికీ మధ్య ఉన్న తేడాను గుర్తించాలని ఆయన విమర్శకులకు గట్టి కౌంటర్ ఇచ్చారు.

మరోపక్క ఈ దారుణానికి సినిమాల్లో చూపించే గొడవలు, హింసే కారణమని సోషల్ మీడియాలో చాలా మంది తప్పుబడుతున్నారు. దీనిపై డైరెక్టర్ వేణు ఊడుగుల మాట్లాడుతూ, ఏ తప్పు జరిగినా దానికి ఆ నేరం చేసినవాడే పూర్తి బాధ్యుడు అని చెప్పారు సందీప్ రెడ్డి వంగా పోస్ట్‌పై సోషల్ మీడియా వేదికగా భిన్నాభిప్రాయాలు వ్యక్తమవుతున్నాయి. ఆయన అభిమానులు, చిత్ర పరిశ్రమకు చెందిన పలువురు మద్దతుదారులు “సినిమా అనేది కేవలం ఒక వినోద సాధనం మాత్రమేనని, నిజ జీవితంలో జరిగే నేరాలకు దర్శకులను బాధ్యులను చేయడం సరికాదంటూ” సందీప్ వ్యాఖ్యలను సమర్థిస్తున్నారు. అయితే, మరోవైపు విమర్శకులు మాత్రం “సినిమాల్లో చూపించే మితిమీరిన హింస, ఆల్ఫా మేల్ క్యారెక్టరైజేషన్లు యువత ఆలోచనా విధానాన్ని ప్రభావితం చేస్తున్నాయనేది పచ్చి నిజం” అంటూ పాత వాదనను తెరపైకి తెస్తున్నారు. ఈ క్రమంలో ట్విట్టర్ (X), ఇన్‌స్టాగ్రామ్‌లలో చిత్ర పరిశ్రమ బాధ్యతపై పెద్ద ఎత్తున డిబేట్లు నడుస్తున్నాయి.

ఇదిలా ఉండగా, రాప్తాడు పాఠశాలలో జరిగిన ఈ అమానుష దాడిపై అటు పోలీసులు, ఇటు ప్రభుత్వం అత్యంత కఠినంగా వ్యవహరిస్తున్నాయి. నిందితుడిపై కఠిన చట్టాల కింద కేసులు నమోదు చేసి, ఫాస్ట్ ట్రాక్ కోర్టు ద్వారా త్వరితగతిన శిక్ష పడేలా చర్యలు తీసుకుంటామని ఉన్నతాధికారులు ప్రకటించారు. ఈ ఘటన నేపథ్యంలో విద్యాసంస్థల్లో విద్యార్థినుల భద్రతపై ప్రత్యేక నిఘా పెట్టాలని, కౌన్సిలింగ్ సెషన్లు నిర్వహించాలని విద్యాశాఖ ఆదేశాలు జారీ చేసింది.

ఏది ఏమైనప్పటికీ, రాప్తాదులో జరిగిన దారుణం మానవ సమాజం తలదించుకునేలా చేసింది. ఇలాంటి క్లిష్ట సమయంలో బాధితురాలికి న్యాయం జరగడం, భవిష్యత్తులో ఇలాంటి ఘోరాలు పునరావృతం కాకుండా చూడటం అందరి ప్రాధాన్యత కావాలి. సృజనాత్మకత స్వేచ్ఛకు, సామాజిక బాధ్యతకు మధ్య సమతుల్యతపై విశ్లేషణలు ఎలా ఉన్నప్పటికీ.. ఈ తరహా దారుణాలకు సినిమాలే ఏకైక కారణం అనడం ఎంతవరకు సమంజసమనే ప్రశ్నను సందీప్ రెడ్డి వంగా వ్యాఖ్యలు ఆలోచింపజేస్తున్నాయి. సమాజంలో నేర ప్రవృత్తి పెరగడానికి గల మూల కారణాలను అన్వేషించి, వాటిని నిర్మూలించడమే ఈ సమస్యకు అసలైన పరిష్కారం.

When someone commits a heinous crime, the first response should be empathy & an attempt to understand the larger problem. Not finding a convenient scapegoat in cinema.
It is becoming increasingly clear that your concern is not for the victims or their families, but that you’re using a horrific tragedy as a dirty excuse to settle your personal scores.
This is especially directed at those failed frustrated jobless male/female actors, few directors, producers & parasites, who suddenly appoint themselves as social reformers whenever an opportunity arises to take a dig at someone else’s work.

A tragedy deserves empathy 🙏, not opportunism. Learn the difference.

— Sandeep Reddy Vanga (@imvangasandeep) November 4, 2026