follow us:
టాలీవుడ్‌లో ఎప్పుడు ఏ రూమర్ నిజమవుతుందో ఊహించడం కష్టం. మొన్నటివరకు మోస్ట్ ఎలిజిబుల్ బ్యాచిలర్స్‌గా ఉన్న మెగా హీరో సాయి ధరమ్ తేజ్, ఆస్కార్ విజేత కీరవాణి వారసుడు కాలభైరవ (కావ్యతో) సైలెంట్‌గా నిశ్చితార్థాలు చేసుకొని అందరికీ పెద్ద సర్ప్రైజ్ ఇచ్చారు. ఇప్పుడు ఇదే బాటలో ఇండస్ట్రీలో హాట్ టాపిక్‌గా మారారు మన ‘హను-మాన్’ హీరో తేజ సజ్జా. త్వరలోనే ఈ యంగ్ హీరో పెళ్లి పీటలు ఎక్కబోతున్నారనే వార్త ఇప్పుడు నెట్టింట వంద శాతం నిజమని తేలిపోయింది. స్వయంగా తేజనే తాను ఒక ఇంటివాడు కాబోతున్నట్లు అధికారికంగా కన్ఫామ్ చేశారు.
పెళ్లి సందడిని అప్పుడే మొదలుపెట్టేసిన తేజ సజ్జా.. ఇటీవల తెలంగాణ ముఖ్యమంత్రి రేవంత్ రెడ్డిని మర్యాదపూర్వకంగా కలిశారు. తన నిశ్చితార్థ వేడుకకు సంబంధించిన ఆహ్వాన పత్రికను సీఎంకు అందజేసి, ఆశీస్సులు తీసుకున్నారు. దీంతో మెగా ఫ్యాన్స్, తేజ అభిమానులు ఫుల్ ఖుషీ అవుతున్నారు.
తేజ సజ్జా మనసు దోచుకున్న ఆ అమ్మాయి ఎవరనే క్యూరియాసిటీ అందరిలోనూ పెరిగిపోయింది. ఇండస్ట్రీ ఇన్‌సైడ్ టాక్ ప్రకారం.. ఇది ఎలాంటి లవ్ స్టోరీ కాదు, పక్కా పెద్దలు కుదిర్చిన వివాహం (అరేంజ్డ్ మ్యారేజ్). తేజ తల్లిదండ్రులే ఈ సంబంధాన్ని ఖరారు చేశారు.
ఆమె సినీ రంగానికి ఏమాత్రం సంబంధం లేని ఒక టెక్నాలజీ బిజినెస్ ఫ్యామిలీకి చెందిన అమ్మాయి. అమెరికాలోనే పెరిగి, అక్కడ సాఫ్ట్‌వేర్ ప్రొఫెషనల్‌గా పనిచేస్తున్నారు. గ్లామర్ ప్రపంచానికి, లైమ్‌లైట్‌కు పూర్తిగా దూరంగా ఉండే అమ్మాయి కావడం వల్లే తేజకు ఆమె మరింతగా నచ్చిందట. తన కాబోయే భార్య ప్రైవసీని గౌరవిస్తూ, ఆమె పేరును మాత్రం తేజ ప్రస్తుతానికి సస్పెన్స్‌గానే ఉంచారు.
ఈ నవంబర్ నెలలోనే అత్యంత సన్నిహితుల సమక్షంలో జరగనుంది.డిసెంబర్ నెలలో రాజస్థాన్‌లోని ఉదయ్‌పూర్ వేదికగా గ్రాండ్ డెస్టినేషన్ వెడ్డింగ్ జరగబోతోంది.పెళ్లి తర్వాత హైదరాబాద్‌ వేదికగా సినిమా ఇండస్ట్రీ ప్రముఖులు, స్నేహితుల కోసం ఒక గ్రాండ్ రిసెప్షన్ కూడా ప్లాన్ చేస్తున్నారట. ఒకవైపు ‘మిరాయ్’, ‘జాంబీ రెడ్డి 2’ లాంటి భారీ సినిమాలతో పాటు టాక్ షో హోస్ట్‌గా కెరీర్‌లో దూసుకుపోతూనే.. పర్సనల్ లైఫ్‌లోనూ కొత్త చాప్టర్ స్టార్ట్ చేయబోతున్న మన తేజ సజ్జాకు బిగ్ కంగ్రాట్స్ అండ్ ఆల్ ది బెస్ట్ చెప్పేద్దాం!
