follow us:
దేశంలోని బ్యాంక్ ఖాతాదారులందరికీ రిజర్వ్ బ్యాంక్ ఆఫ్ ఇండియా కీలక హెచ్చరిక జారీ చేసింది! మీ బ్యాంక్ అకౌంట్ సజావుగా నడవాలన్నా, మీ లావాదేవీలు ఆగిపోకుండా ఉండాలన్నా మీరు తక్షణమే చేయాల్సిన ఒక ముఖ్యమైన పని ఒకటే… అదే మీ బ్యాంక్ ఖాతాలో కేవైసీ ప్రాసెస్ పూర్తి చేయడం. ఇందుకోసం ఆర్బీఐ ఒక ప్రత్యేక గడువును కూడా నిర్ణయించింది. అసలు ఈ కేవైసీ నిబంధనల వెనుక ఉన్న నిబంధనలేంటి? డెడ్‌లైన్ దాటితే ఏమవుతుంది?
ఖాతాదారులందరూ తమ కేవైసీ వివరాలను అప్‌డేట్ చేయడం తప్పనిసరి. ఈ ప్రక్రియను ప్రజలకు మరింత ఈజీ చేయడం కోసం ఆయా బ్యాంకులు అక్టోబర్ 21 నుంచే డిసెంబర్ 31 వరకు ప్రత్యేక శిబిరాలను నిర్వహిస్తున్నాయి. ప్రతినెలా బ్యాంకింగ్ సేవలు నిరంతరాయంగా సాగాలంటే ప్రతీ ఖాతాదారుడు డిసెంబర్ 31 లోపు ఈ కేవైసీ వెరిఫికేషన్ ప్రాసెస్‌ను పూర్తి చేయాల్సి ఉంటుంది. బ్యాంక్ శాఖలకు స్వయంగా వెళ్లి గానీ లేదా సంబంధిత బ్యాంక్ డిజిటల్ ప్లాట్‌ఫామ్స్ ద్వారా గానీ ఈ పని పూర్తి చేయవచ్చు.
ఇక కేవైసీ అప్‌డేషన్ ప్రాసెస్ విషయానికి వస్తే.. ఆర్బీఐ ఖాతాదారులకు చాలా సింపుల్ ఆప్షన్స్ అందుబాటులోకి తెచ్చింది. మీ చిరునామా, ఫోన్ నంబర్ వంటి పర్సనల్ డీటెయిల్స్‌లో ఎలాంటి మార్పులు లేకపోతే.. మీరు నేరుగా బ్రాంచ్‌లో లేదా ఆన్‌లైన్‌లో ఒక చిన్న ‘సెల్ఫ్ డిక్లరేషన్ ఇస్తే సరిపోతుంది. ఒకవేళ మీ అడ్రస్ లేదా ఇతర వివరాల్లో మార్పులు ఉంటే మాత్రం, ఆధార్ కార్డ్, పాన్ కార్డ్ వంటి ప్రామాణిక పత్రాలను సబ్మిట్ చేసి బ్యాంక్ బ్రాంచ్‌లో లేదా ఆన్‌లైన్ పోర్టల్స్ ద్వారా రీ-కేవైసీ పూర్తి చేయవచ్చని అధికారులు వెల్లడించారు.
ఒకవేళ మీరు నిర్ణీత గడువులోగా కేవైసీ అప్‌డేట్ చేయకపోతే, మీ బ్యాంక్ అకౌంట్ ఇనాక్టివ్ అయ్యే అవకాశం ఉంది. అంటే మీరు డబ్బులు డ్రా చేయడం, ఆన్‌లైన్ ట్రాన్సాక్షన్స్ చేయడం వంటివి నిలిచిపోతాయి. దీంతో పాటు ఆర్బీఐ మరొక కీలకమైన సైబర్ సెక్యూరిటీ వార్నింగ్ ఇచ్చింది. కేవైసీ అప్‌డేట్ పేరిట మీ ఫోన్‌లకు వచ్చే నకిలీ మెసేజ్‌లు, అనుమానాస్పద లింక్‌లను ఎట్టి పరిస్థితుల్లోనూ క్లిక్ చేయవద్దని హెచ్చరించింది. బ్యాంకులు ఎప్పుడూ వాట్సాప్ లేదా మెసేజ్‌ల ద్వారా వ్యక్తిగత ఓటీపీలు లేదా పిన్ నంబర్లు అడగరని స్పష్టం చేసింది.
మొత్తానికి చూస్తే, డిసెంబర్ 31 డెడ్‌లైన్ దగ్గరపడుతున్నందున బ్యాంక్ ఖాతాదారులు ఏమాత్రం ఆలస్యం చేయకుండా వెంటనే తమ అకౌంట్ కేవైసీ స్టేటస్‌ను చెక్ చేసుకోవడం చాలా అవసరం. ఆర్బీఐ నిర్వహిస్తున్న ఈ స్పెషల్ డ్రైవ్‌ను ఉపయోగించుకుని, సైబర్ మోసగాళ్ల పట్ల అప్రమత్తంగా ఉంటూ మీ బ్యాంకింగ్ సేవలను సురక్షితం చేసుకోండి.
