follow us:
రీల్ హీరోస్ టెన్షన్ బుల్లెట్ ప్రూఫ్ వెనుక బాలీవుడ్
బిష్ణోయ్ గ్యాంగ్ థ్రెట్ పబ్లిక్ ప్లేస్‌లకు తారల నో
స్క్రీన్‌పై సింహాలు రియల్ లైఫ్‌లో పోలీసుల రూల్స్
బిగ్ స్క్రీన్‌పై వందల మంది విలన్ల గాలి తీసేసే మన బాలీవుడ్ యాక్షన్ స్టార్స్, ఇప్పుడు రియల్ లైఫ్‌లో మాత్రం విలన్ల ‘రెక్కీ’ దెబ్బకు రూట్ మారుస్తున్నారు! రీసెంట్‌గా ముంబై నడిబొడ్డున టైగర్ ష్రాఫ్ కారు టార్గెట్‌గా జరిగిన రియల్ బుల్లెట్ ఫైరింగ్ సీన్.. ఇప్పుడు యావత్ బి-టౌన్‌ని థియేటర్ సీట్ల అంచున కూర్చోబెట్టే సస్పెన్స్ థ్రిల్లర్‌లా మార్చేసింది. లారెన్స్ బిష్ణోయ్ గ్యాంగ్ పేరుతో వస్తున్న బెదిరింపులు సినీ తారల గుండెల్లో రైళ్లు పరిగెత్తిస్తున్నాయి.
సాధారణంగా సెలబ్రిటీలు ఎక్కడికి వెళ్లినా ఫ్యాన్స్ చుట్టుముట్టడం, సెల్ఫీల కోసం ఎగబడటం కామన్. కానీ, ఇప్పుడా హడావుడి చేస్తే ప్రాణాలకే రిస్క్ అని ముంబై ఖాకీలు గట్టి వార్నింగ్ ఇచ్చారు. “మీ క్రేజ్ కాసేపు పక్కన పెట్టండి.. జనసమూహాల మధ్యకు వెళ్లి అనవసరంగా విలన్లకు టార్గెట్ అవ్వకండి” అంటూ పోలీసుల నుంచి అఫీషియల్ ప్రొటోకాల్స్ వెళ్లాయి. దీంతో చాలా మంది స్టార్స్ పబ్లిక్ ఈవెంట్లకు ‘నో’ చెప్పేస్తున్నారు.
ఈ సెక్యూరిటీ టెన్షన్ల మధ్య అందరి దృష్టిని ఆకర్షించింది మాత్రం మన ‘షెహన్‌షా’ అమితాబ్ బచ్చన్ గారే. ప్రతి ఆదివారం జుహులోని తన ‘జల్సా’ నివాసం బయట వేలాది మంది అభిమానులకు అభివాదం చేయడం బిగ్ బికి దశాబ్దాలుగా ఉన్న అలవాటు. కానీ లేటెస్ట్ సీన్ చూసి ఫ్యాన్స్ అంతా షాక్ అయ్యారు. ఎందుకంటే.. ఎప్పుడూ నేరుగా చేతులెత్తి మొొక్కే అమితాబ్, ఈసారి ఒక బుల్లెట్ ప్రూఫ్ గ్లాస్ ప్రొటెక్షన్ వెనుక ఉండి అభిమానులకు హాయ్ చెప్పారు!
సినిమాల్లో హీరోలు గాల్లోకి ఎగిరి విలన్లను కొట్టడం ఈజీనే, కానీ రియల్ లైఫ్ లారెన్స్ బిష్ణోయ్ గ్యాంగ్ బెదిరింపుల ముందు.. బుల్లెట్ ప్రూఫ్ అద్దాలే అసలైన రక్షణ కవచాలని బాలీవుడ్ పెద్దలు డిసైడ్ అయిపోయారు!
