follow us:
ఇట్లు అర్జున వెనుక ఉన్న అసలు సీక్రెట్
నాగ్, తారక్, చరణ్ సపోర్ట్ ఇట్లు అర్జున క్రేజ్
యంగ్ టైగర్ ఎన్టీఆర్ మెచ్చిన ఇట్లు అర్జున
ఒక కొత్త హీరో వెండితెరకు పరిచయమవుతున్నాడంటే సాధారణంగా ఇండస్ట్రీలో ఎలాంటి హడావుడి ఉంటుంది? మహా అయితే టీజరో, ట్రైలరో క్లిక్ అయితే కాస్తో కూస్తో బజ్ వస్తుంది. కానీ, ఒకే ఒక్క కొత్త కుర్రాడి కోసం టాలీవుడ్ టాప్ మోస్ట్ బిగ్ స్టార్స్ అంతా లైన్ లో నిలబడి ప్రమోట్ చేస్తే? ఊహించుకోవడానికే షాకింగ్‌గా ఉంది కదూ! ప్రస్తుతం ఫిలిం నగర్ వర్గాలతో పాటు సోషల్ మీడియాలోనూ ఇదే హాట్ టాపిక్. కింగ్ అక్కినేని నాగార్జున సమర్పణలో తెరకెక్కిన ‘ఇట్లు అర్జున’ ఈ నవంబర్ 13న గ్రాండ్‌గా థియేటర్లలోకి వస్తోంది. సరికొత్త జంట అనీష్, మలయాళ ముద్దుగుమ్మ అనస్వర రాజన్ లీడ్ రోల్స్ చేసిన ఈ సినిమా వెనుక ఉన్న ఆ ఇంట్రెస్టింగ్ స్టోరీ ఏంటో ఇప్పుడు చూద్దాం!
ప్రస్తుతం టాలీవుడ్ సర్కిల్స్‌లో ఎక్కడ చూసినా ‘ఇట్లు అర్జున’ ముచ్చట్లే వినిపిస్తున్నాయి. దీనికి ప్రధాన కారణం ఈ చిత్రానికి లభిస్తోన్న అన్‌స్టాపబుల్ స్టార్ సపోర్ట్. ముందుగా ఈ ప్రాజెక్ట్‌ను కింగ్ నాగార్జున స్వయంగా ఓన్ చేసుకుని, అన్నపూర్ణ స్టూడియోస్ ద్వారా గ్రాండ్‌గా డిస్ట్రిబ్యూట్ చేస్తున్నారు. అంతేకాదు, ఈ సినిమా పవర్ ప్యాక్డ్ ట్రైలర్‌ను యంగ్ టైగర్ ఎన్టీఆర్ చేతుల మీదుగా లాంచ్ చేయించారు. ట్రైలర్ చూసి ఫిదా అయిన తారక్.. కొత్త హీరో అనీష్ యాక్టింగ్ స్కిల్స్, యాక్షన్ టైమింగ్‌ను ఆకాశానికెత్తేశారు.
ఇక రీసెంట్‌గా జరిగిన ఈ చిత్ర మ్యూజికల్ కన్సర్ట్ ఈవెంట్‌కు మెగా పవర్ స్టార్ రామ్ చరణ్, అక్కినేని అఖిల్ ముఖ్య అతిథులుగా హాజరయ్యారు. ఒక కొత్త హీరో వేడుక కోసం నాగార్జున, రామ్ చరణ్, అఖిల్ ఒకే వేదికపై సందడి చేయడం చూసి ట్రేడ్ వర్గాలు సైతం నోరెళ్లబెడుతున్నాయి. దీనికి తోడు రాక్‌స్టార్ అనిరుధ్ పాడిన హై రే సాంగ్‌కు, మ్యూజిక్ సెన్సేషన్ థమన్ లైవ్ పెర్ఫార్మెన్స్ ఇవ్వడంతో ఈ ఈవెంట్ నెక్స్ట్ లెవెల్‌కి చేరింది.
ఇంతకీ ఈ కొత్త హీరో వెనుక ఇంతమంది స్టార్స్ నిలబడటానికి అసలు కారణం ఏంటంటే.. ప్రముఖ పారిశ్రామికవేత్త, ‘ఎ.ఎం.ఆర్ ఇండియా లిమిటెడ్’ అధినేత మహేష్ రెడ్డి తనయుడే ఈ అనీష్. మరోపక్క ఛలో, భీష్మ లాంటి బ్లాక్‌బస్టర్ చిత్రాల డైరెక్టర్ వెంకీ కుడుముల ఈ సినిమాతో ప్రొడ్యూసర్‌గా అవతారమెత్తారు. ఆయన కొత్తగా స్థాపించిన వాట్ నెక్స్ట్ ఎంటర్‌టైన్‌మెంట్స్ బ్యానర్‌పై మహేష్ ఉప్పల దర్శకత్వంలో ఈ ప్రాజెక్ట్‌ను ఎంతో రిచ్‌గా నిర్మించారు. ఇండస్ట్రీలోని స్టార్ హీరోలతో వెంకీ కుడుములకు ఉన్న పర్సనల్ బాండింగ్, అలాగే ఈ సినిమా కంటెంట్‌పై ఉన్న గట్టి నమ్మకమే ఇంతమంది అగ్ర హీరోలు కదిలి రావడానికి మెయిన్ రీజన్.
కథ విషయానికి వస్తే.. ఇదొక డిఫరెంట్ లవ్ అండ్ యాక్షన్ థ్రిల్లర్. మాట్లాడటం, వినడం చేతకాని ఒక మూగ యువకుడి చుట్టూ తిరిగే ప్రేమకథను, పక్కా కమర్షియల్ హంగులతో ఎమోషనల్‌గా తెరకెక్కించారు. మొదటి సినిమానే అయినా ట్రైలర్‌లో అనీష్ చూపించిన ఈజ్, యాక్షన్ సీక్వెన్స్ ఆడియన్స్‌ను విపరీతంగా ఆకట్టుకుంటున్నాయి. అలాగే మలయాళ క్రేజీ బ్యూటీ అనస్వర రాజన్ గ్లామర్, యాక్టింగ్ ఈ సినిమాకు అదనపు బలంగా మారనున్నాయి.
ఏదేమైనా, సినిమా కంటెంట్ బాగుంటే బ్యాగ్రౌండ్ లేకపోయినా టాలీవుడ్ పెద్దలు కొత్త టాలెంట్‌ను గుండెల్లో పెట్టుకుంటారని ‘ఇట్లు అర్జున’ మరోసారి ప్రూవ్ చేసింది. కింగ్ నాగ్ సపోర్ట్, ఎన్టీఆర్, రామ్ చరణ్ ల బ్లెస్సింగ్స్ ఉన్న ఈ సినిమా బాక్సాఫీస్ దగ్గర ఎలాంటి రికార్డులు క్రియేట్ చేస్తుందో చూడాలి.
