follow us:
మెగా కాంపౌండ్‌లో పెళ్లి బాజాలు మోగిపోతున్నాయి! మన సుప్రీమ్ హీరో సాయిదుర్గా తేజ్ (సాయిధరమ్ తేజ్) బ్యాచిలర్ లైఫ్‌కి గుడ్ బై చెప్పేసి, త్వరలోనే ఒక ఇంటివాడు కాబోతున్నాడు. నిన్న మొన్నటి వరకు “తేజు పెళ్లి ఎప్పుడు?” అని తలలు పట్టుకున్న మెగా ఫ్యాన్స్‌కి, ఒక్కసారిగా అదిరిపోయే గుడ్ న్యూస్ వచ్చేసింది. కిరణ్ అనే అమ్మాయితో మనోడి నిశ్చితార్థం రీసెంట్‌గా చాలా సీక్రెట్‌గా, సైలెంట్‌గా జరిగిపోయింది.
నవంబర్ 5న హైదరాబాద్‌లోని హిల్టన్ జీనోమ్ వ్యాలీ రిసార్ట్‌లో ఈ వేడుక జరిగింది. ఎంత సైలెంట్‌గా ప్లాన్ చేశారంటే.. మీడియాకి కనీసం లీక్ కూడా అవ్వలేదు. కేవలం కొణిదెల, అల్లు కుటుంబాలకు చెందిన అత్యంత సన్నిహితులు మాత్రమే ఈ వేడుకలో సందడి చేశారు. మెగాస్టార్ చిరంజీవి-సురేఖ దంపతులు, గ్లోబల్ స్టార్ రామ్ చరణ్, ఐకాన్ స్టార్ అల్లు అర్జున్-స్నేహా రెడ్డి, వరుణ్ తేజ్-లావణ్య త్రిపాఠి.. ఇలా మెగా గ్యాంగ్ అంతా హాజరై కాబోయే వధూవరులను దీవించేశారు. ఈ వేడుకలో వరుణ్-లావణ్యల ముద్దుల కొడుకు ‘వాయువ్ తేజ్’ కూడా స్పెషల్ అట్రాక్షన్‌గా నిలిచాడు. చరణ్ బృందం ఈ ఫోటోలను సోషల్ మీడియాలో షేర్ చేయడంతోనే.. “అరే! తేజు పెళ్లి ఫిక్స్ అయిపోయిందోచ్” అని ప్రపంచానికి తెలిసింది.
ఇంతకీ ఈ ‘కిరణ్’ ఎవరు? తేజుకి ఎలా పరిచయం? అనే కదా మీ డౌట్. అక్కడికే వస్తున్నా! వీరిద్దరిది ఈనాటి బంధం కాదు. చిన్నప్పటి నుంచే ఒకరికొకరు బాగా తెలుసు. మొదట్లో బెస్ట్ ఫ్రెండ్స్‌గా ఉన్న వీరు.. ఆ తర్వాత మెల్లగా ప్రేమలో పడ్డారు. “ఫ్రెండ్‌షిప్ కాస్తా లవ్‌గా మారింది” అన్నమాట. ఇరువైపులా పెద్దలను ఒప్పించి, వారి గ్రీన్ సిగ్నల్‌తో ఇప్పుడు పెళ్లి పీటలు ఎక్కడానికి రెడీ అయ్యారు.
సరే, ఎంగేజ్‌మెంట్ రోజు మన హీరోగారు ఒక్క ఫోటో కూడా పెట్టలేదు. దాంతో మెగా ఫ్యాన్స్ అంతా “అన్నయ్య వదినమ్మను ఎప్పుడు పరిచయం చేస్తాడా?” అని తెగ వెయిట్ చేశారు. ఎట్టకేలకు ఈరోజు ఒక క్యూట్ ఫోటో షేర్ చేస్తూ.. “ఐ లవ్ యూ” అంటూ ఒక సింపుల్ అండ్ స్వీట్ ప్రేమలేఖతో అఫీషియల్‌గా తన లేడీ లవ్‌ను ప్రపంచానికి పరిచయం చేసేశాడు తేజు. అది చూసి ఫ్యాన్స్ దిల్ ఖుష్ అయిపోయారు.
ఎంగేజ్‌మెంట్ అవ్వగానే సోషల్ మీడియాలో పెళ్లి డేట్ గురించిన రూమర్స్ షికార్లు చేశాయి. వాటన్నింటికీ ఫుల్ స్టాప్ పెడుతూ అఫీషియల్ అనౌన్స్‌మెంట్ వచ్చేసింది. డిసెంబర్ 10న హైదరాబాద్‌లోనే వీరి వివాహం అత్యంత వైభవంగా జరగనుంది.
మెగా ఫ్యామిలీలో పెళ్లంటే మామూలుగా ఉంటుందా? టాలీవుడ్ ఇండస్ట్రీలోని సెలబ్రిటీలతో పాటు ఇరు తెలుగు రాష్ట్రాల రాజకీయ ప్రముఖులు కూడా ఈ పెళ్లికి హాజరు కాబోతున్నారు. మొత్తానికి డిసెంబర్ నెలలో మెగా అభిమానులకు గట్టి ఎంటర్‌టైన్‌మెంట్ గ్యారెంటీ! కాబోయే కొత్త జంటకు ఆల్ ది బెస్ట్ చెప్పేద్దాం!
