follow us:
సోషల్ మీడియా ప్రపంచంలో రోజుకో వింత.. గంటకో విచిత్రం మనకు దర్శనమిస్తూనే ఉంటాయి. ముఖ్యంగా పులులు, సింహాలు, ఏనుగులు, ఎలుగుబంట్లు వంటి వన్యప్రాణులకు సంబంధించిన వీడియోలకైతే నెటిజన్లు ఫిదా అయిపోతుంటారు. అడవి మృగాలే అయినా, కొన్నిసార్లు అవి చేసే పనులు చూస్తే భయం పోయి భలే ముచ్చటేస్తుంది. ప్రస్తుతం నెట్టింట అలాంటి ఒక క్యూట్ వీడియో తెగ హల్‌చల్ చేస్తోంది. ఓ ఎలుగుబంటి రోడ్డు పక్కన కూర్చొని కారు డ్రైవర్‌కు సైగలు చేయడం ఇప్పుడు హాట్ టాపిక్‌గా మారింది. ఇంతకీ ఆ ఎలుగుబంటి ఏం అడుగుతోంది? లిఫ్ట్ ఇమ్మంటుందా? లేక హాయ్ చెప్తోందా? ఈ ఇంట్రస్టింగ్ స్టోరీ ఇప్పుడు చూద్దాం!
అడవిలో క్రూర మృగాల దారి వేరు.. వాటి తీరు వేరు అనుకుంటే పొరపాటే! మూగజీవాలు కూడా కొన్నిసార్లు మనుషులతో మాట్లాడగలవు, భావాలను పంచుకోగలవు అనడానికి ఈ దృశ్యమే ఒక పెద్ద ఉదాహరణ. సాధారణంగా ఎలుగుబంటి కనిపిస్తేనే మనం భయంతో కారు అద్దాలు వేసేసుకుంటాం. కానీ ఇక్కడ సీన్ రివర్స్ అయింది. అటుగా వెళ్తున్న ఒక కారును చూడగానే, ఆ ఎలుగుబంటి హడావుడిగా రోడ్డు దాటుకుంటూ వచ్చింది. రోడ్డు పక్కన చాలా పద్ధతిగా తన రెండు వెనుక కాళ్లపై మనుషుల లాగా కూర్చుండిపోయింది. అంతేకాదు, కారులోని డ్రైవర్ వైపు కళ్లప్పగించి చూస్తూ.. తన ఎడమ చేతిని నెమ్మదిగా పైకి లేపింది.
ఆ చేతి సైగ చూసిన నెటిజన్లు ఇప్పుడు తలలు పట్టుకుంటున్నారు. కొంతమంది నెటిజన్లు.. “అయ్యా డ్రైవర్ గారూ! నన్ను కూడా మీ కారులో ఎక్కించుకోండి.. కాస్త లిఫ్ట్ ఇస్తారా?” అని ఆ ఎలుగుబంటి అడుగుతోందని కామెంట్లు పెడుతున్నారు. మరికొందరేమో.. “అలా కాదు.. అటుగా వెళ్తున్న ప్రయాణికులకు అది ప్రేమగా హాయ్.. బై.. చెప్తోంది” అని మురిసిపోతున్నారు. ఇంకొందరు నెటిజన్లయితే ఫన్నీగా.. “రోడ్డు ప్రమాదాలు జరుగుతుంటాయి.. కాబట్టి జాగ్రత్తగా వెళ్లండి బాబూ!” అని ఆ భల్లూకం హెచ్చరిస్తోందని జోకులు పేలుస్తున్నారు.
కారణం ఏంటనేది ఆ మూగజీవానికే తెలియాలి కానీ.. మనుషులను చూసి భయపడకుండా, ఎలాంటి ఆవేశం ప్రదర్శించకుండా అది ఇచ్చిన క్యూట్ ఎక్స్‌ప్రెషన్ మాత్రం నెటిజన్ల మనసులను దోచేస్తోంది. లైకులు, షేర్లతో ఈ వీడియో సోషల్ మీడియా ప్లాట్‌ఫారమ్స్‌లో దూసుకుపోతోంది.
చూశారుగా! ఆ ఎలుగుబంటి లిఫ్ట్ అడుగుతుందో, హాయ్ చెప్తుందో లేక జాగ్రత్తగా వెళ్లమని సూచిస్తుందో స్పష్టంగా తెలియకపోయినా.. ఆ మూగజీవం చేసిన సైగ మాత్రం మనుషులకూ, జంతువులకూ మధ్య ఉండే ఒక అందమైన అనుబంధాన్ని గుర్తుచేస్తోంది. అడవులను దాటి జంతువులు రోడ్లపైకి రావడం ఆందోళన కలిగించే విషయమే అయినా, ఇలాంటి క్యూట్ మూమెంట్స్ మాత్రం నెటిజన్లకు ఫుల్ ఎంటర్‌టైన్‌మెంట్‌ను ఇస్తున్నాయి. ఈ వీడియోపై మీ అభిప్రాయం ఏంటో కింద కామెంట్ సెక్షన్ లో తెలియజేయండి.
