follow us:
ఇంట్లో కోట్లు విలువ చేసే బంగారం చోరీకి గురైంది… పోలీసులకు ఫిర్యాదు చేశారు, దర్యాప్తు జరుగుతోంది. మరి ఈ సమయంలో ఒక బాధితురాలైతే ఎలా ఉండాలి? కన్నీళ్లతో, దిగులుతో కుంగిపోవాలి కదా! కానీ ఇక్కడ సీన్ పూరితంగా రివర్స్ అయ్యింది. 118 సవర్ల బంగారు నగలు పోయిన కొన్ని గంటల్లోనే, ఆ యూట్యూబర్ చేసిన పనులు చూస్తే ఎవరికైనా కొపం రావాల్సిందే.. ఇప్పటికే ఇంట్లో ఉన్న బంగారం పోయిందిరా స్వామి అంటూ బాధలో ఉండకుండా…మరోసారి దొంగలకు హింట్ ఇచ్చేలా.. ఒళ్లంతా గోల్డ్ వేసుకుని, తలపై డబ్బులు పోసుకుంటూ రీల్స్ చేసి సోషల్ మీడియాను షేక్ చేసింది.
తమిళనాడులోని కన్నియాకుమరి జిల్లా నాగర్కోవిల్కు చెందిన వినోద్కుమార్ భార్య మధుమిత. ఈమె ఒక ప్రముఖ యూట్యూబర్, ఇన్స్టాగ్రామ్ ఇన్ఫ్లుయెన్సర్. సోషల్ మీడియాలో ఫాలోవర్లను పెంచుకోవడానికి, విపరీతమైన క్రేజ్ తెచ్చుకోవడానికి ఈమె ఒక విచిత్రమైన రూట్ ఎంచుకుంది.
మధుమిత తన వీడియోల్లో ఎప్పుడూ ఒళ్లంతా కిటకిటలాడే బంగారు ఆభరణాలు ధరించి కనిపిస్తుంది. చేతుల్లో డబ్బుల కట్టలు పట్టుకుని రీల్స్ చేయడం, లగ్జరీ లైఫ్ను ప్రదర్శించడం ఈమె స్టైల్. సామాజిక మాధ్యమాల్లో ఈ గ్లామర్ షో కారణంగానే ఆమెకు లక్షల్లో ఫాలోవర్లు ఏర్పడ్డారు. తాను ఎంత రిచ్గా బతుకుతున్నానో చూపించడమే ఆమె కంటెంట్ మెయిన్ థీమ్.ఇలా సోషల్ మీడియాలో షో చేసుకుంటూ పోతున్న మధుమిత జీవితంలో అనుకోని ఘటన చోటుచేసుకుంది.. ఒకరోజు మధుమిత తన భర్తతో కలిసి బయటకు వెళ్లిన సమయంలో… ఇంట్లో ఎవరూ లేని టైం చూసి కొందరు దుండగులు ప్లాన్ ప్రకారం లోపలికి ప్రవేశించారు. అరమరల్లో దాచిపెట్టిన అక్షరాల 118 సవర్ల బంగారు నగలు, భారీగా నగదును దోచుకెళ్లారు. తిరిగి వచ్చి చూసేసరికి ఇళ్లంతా చిందరవందరగా పడి ఉంది, బీరువాలో బంగారం మాయమైంది. గుండెలు బాదుకుంటూ వెంటనే పోలీసులను ఆశ్రయించారు. కేసు నమోదు చేసుకున్న పోలీసులు సీసీటీవీ పుటేజీల ఆధారంగా దర్యాప్తు ప్రారంభించి, ఇద్దరు నిందితులను అదుపులోకి తీసుకుని విచారణ చేస్తున్నారు.
అయితే ఈ కేసులో మరో ట్విస్ట్ ఏమిటంటే.. ఈ చోరీ జరగడానికి ప్రధాన కారణం ఎవరో తెలుసా? స్వయంగా ఆ యూట్యూబరే! చోరీకి ముందు మధుమిత తన ఇన్స్టాగ్రామ్లో ఏకంగా 6వేల669 వీడియోలను పోస్ట్ చేసింది! తాను ఏయే నగలు వేసుకుంటుంది, తన ఇంట్లో ఎంత సంపద ఉందనేది అణువణువు ప్రపంచానికి తానే స్వయంగా చూపించింది. ఈ సోషల్ మీడియా పిచ్చిని, ఆమె పోస్టులను గమనించిన కొందరు దుండగులు… ‘ఈ ఇంట్లో భారీగా బంగారం ఉంది, టార్గెట్ చేస్తే ఈజీగా కొట్టొచ్చు’ అని ప్లాన్ వేసుకున్నారు. అలా తన సొంత ఓవరాక్షనే తన కొంప ముంచింది. కోట్లు విలువ చేసే బంగారం దొంగలపాలైంది. అయితే ఇక్కడే మరో ట్విస్ట్ ఏమిటంటే… ఇంట్లో 118 సవర్ల బంగారం పోయి, పోలీస్ స్టేషన్ చుట్టూ తిరగాల్సిన ఆ సమయంలో మధుమిత చేసిన పని సోషల్ మీడియాలో మరోసారి వార్తాల్లో నిలిచింది.. చోరీ జరిగిన కొన్ని గంటల వ్యవధిలోనే ఆమె తన ఇన్స్టాగ్రామ్లో ఏకంగా మరో 10 వీడియోలను వరుసపెట్టి పోస్ట్ చేసింది! ఆ వీడియోల్లో ఆమె తలపై డబ్బులు పోసుకుంటూ పిచ్చిగా డ్యాన్స్లు చేస్తున్న దృశ్యాలు ఉన్నాయి. బంగారం పోయిన బాధ ఎక్కడైన కనిపిస్తే ఒట్టు! ‘నా ఇంట్లో దొంగతనం జరిగింది… ఫేమస్ అయిపోయాను’ అన్నట్లుగా ఆమె చేసిన ఆ రీల్స్ ఇంటర్నెట్లో విపరీతంగా వైరల్ అయ్యాయి
