follow us:
ఆగ్నేయ బల్గేరియాలో భయంకరమైన రోడ్డు ప్రమాదం జరిగింది. ఊహించని రీతిలో కమ్మేసిన పొగమంచు కారణంగా నేషనల్ హైవేపై ప్రయాణిస్తున్న వాహనాలు ఒకదాని వెనుక ఒకటి అలా సుమారు 50 పైగా వాహనాలు అతి వేగంతో ఢీకొట్టుకున్నాయి. ఈ ప్రమాదంలో ఒకరు కాదు ఇద్దరు కాదు ఏకంగా 10 మంది మృతి చెందగా 27 మంది తీవ్రంగా గాయపడ్డారు. క్షతగాత్రులను దగ్గరలోని ఆస్పత్రికి తరలించారు. ఈ ప్రమాదానికి సంబంధించిన విజువల్స్ సోషల్ మీడియాలో వైరల్ గా మారుతున్నాయి.
మంగళవారం ఉదయం పూట ఆగ్నేయ బల్గేరియాలోని ట్రాకియా హైవేపై వాహనాల రాకపోకలు యథాతథంగా సాగుతున్నాయి. సరిగ్గా అదే సమయంలో అకస్మాత్తుగా తీవ్రమైన దట్టమైన పొగమంచు రోడ్డంతటా కమ్మేసింది. రోడ్డుపై వస్తువులు వాహనాలు కనిపించకపోవడంతో సుమారు 50 కి పైగా వాహనాలు పగటిపూటే అత్యంత వేగంగా ఒకదానికొకటి ఢీకొట్టుకున్నాయి. ఈ ప్రమాద ధాటికి కార్లు, లారీలు, ఇతర రవాణా వాహనాలు నుజ్జునుజ్జయ్యాయి.
ఈ పెను ప్రమాదం వల్ల ఒక్కసారిగా హైవేపై తీవ్రమైన ఆర్తనాదాలు, అరుపులతో భయానక వాతావరణం నెలకొంది. ఈ దుర్ఘటనలో ఇప్పటివరకు 10 మంది ప్రాణాలు కోల్పోగా, మరో 27 మందికి పైగా తీవ్రమైన గాయాలపాలయ్యారు. సమాచారం అందుకున్న వెంటనే రెస్క్యూ టీమ్స్ ఫైర్ సిబ్బంది, పోలీసులు భారీ సంఖ్యలో ఎమర్జెన్సీ వెహికల్స్‌తో ఘటన స్థలానికి చేరుకున్నారు. వాహనాల శిథిలాల మధ్య చిక్కుకుపోయిన బాధితులను హైడ్రాలిక్ కట్టర్ల సహాయంతో బయటకు తీసి, ఇమీడియట్‌గా సమీపంలోని ఆసుపత్రులకు తరలించారు.
ప్రమాదానికి గల ప్రాథమిక కారణాలపై అధికారులు దర్యాప్తు నిర్వహించి పలు కీలక విషయాలు వెల్లడించారు. ఉదయాన్నే కమ్మేసిన విపరీతమైన దట్టమైన పొగమంచుకు తోడు, రోడ్డు తడిగా ఉండటం, వాహనాలు లిమిట్ దాటి మితిమీరిన వేగంతో ప్రయాణించడమే ఈ మల్టీ-వెహికల్ యాక్సిడెంట్ కు ప్రధాన కారణాలని అధికారులు నిర్ధారించారు. పొగమంచు వల్ల ముందున్న వాహనం బ్రేక్ వేసినా, వెనుక వచ్చే వాహనాలు ఆపే అవకాశం లేకపోవడంతోనే సిరీస్ యాక్సిడెంట్ జరిగిందని తెలిపారు.
ఈ విషాదకర ఘటన ప్రపంచవ్యాప్తంగా ఉన్న హైవే ప్రయాణికులకు ఒక నిశ్శబ్ద హెచ్చరిక లాంటిది. ముఖ్యంగా వింటర్ సీజన్ లేదా పొగమంచు ఎక్కువగా ఉన్న సమయాల్లో హైవేలపై ప్రయాణించేటప్పుడు స్పీడ్ లిమిట్ పాటించడం, సరైన డిస్టెన్స్ నిర్వహించడం ఎంత ప్రాముఖ్యమో ఈ సంఘటన స్పష్టం చేస్తోంది. ప్రస్తుతం గాయపడిన వారికి అత్యవసర వైద్యం అందిస్తున్నారు.
