Vangaveeti Radha Krishna: బెజవాడ రాజకీయాల్లో ఆసక్తికర పరిణామం.. నాదెండ్లతో వంగవీటి రాధాకృష్ణ భేటీ!

Nadendla Manohar Meets Vangaveeti Radha Krishna: వంగవీటి రాధా మళ్ళీ పార్టీ మారుతున్నారా? అదిగో పులి అంటే ఇదిగో తోక అన్నట్లు వంగవీటి రాధ పార్టీ మార్పుపై మూడేళ్ళుగా అనేక ఊహాగానాలు వినిపిస్తున్నాయి. వంగవీటి రాధ క్లోజ్ ఫ్రెండ్స్ అయిన వల్లభనేని వంశి, కొడాలి నాని ఆయనను వైసీపీలోకి రావాలని పదే పదే కోరుతున్నట్లు ప్రచారం జరిగింది. వీళ్ల ముగ్గురు ఎప్పుడు కలసినా  రాధ పార్టీ మారుతున్నారంటూ ప్రచారం మొదలయ్యేది. అయితే వైసీపీ నుంచి బయటకు వచ్చిన రాధ మళ్ళీ ఆ పార్టీలోకి వెళ్ళేందుకు పెద్దగా ఆసక్తి చూపలేదన్నది వాస్తవం. అయితే ఇప్పుడు వంగవీటి రాధ పార్టీ మారే విషయంలో మరో కొత్త ప్రచారం మొదలైంది. అదేంటంటే.. వంగవీటి రాధాకృష్ణ జనసేనలో చేరతారంటూ జోరుగా ప్రచారం సాగుతోంది. జనసేన అధినేత పవన్ కళ్యాణ్ విజయవాడ పర్యటన షెడ్యల్ లో రాధ పార్టీలో చేరతారంటూ జోరుగా ప్రచారం సాగుతోంది. ఇక ఈ వార్తలకు బలం చేకూర్చే సంఘటన ఒకటి చోటు చేసుకోవడంతో.. ఇక మీదట బెజవాడ రాజకీయాల్లో ఆసక్తికర పరిణామాలు చోటు చేసుకోవడం ఖాయం అంటున్నారు రాజకీయ విశ్లేషకులు. ఆ వివరాలు..

వంగవీటి మోహన రంగా కుమారుడు, విజయవాడలో కీలక నేత వంగవీటి రాధాకృష్ణ.. జనసేన పార్టీలో చేరేందుకు రంగం సిద్ధం చేసుకున్నట్లు తెలుస్తోంది. జులై 4న విజయవాడలో జరిగే కార్యక్రమంలో వంగవీటి రాధా జనసేన తీర్థం పుచ్చుకోనున్నట్లు వార్తలు వినిపిస్తున్నాయి. సోషల్ మీడియాలోనూ ఈ మేరకు ప్రచారం జరుగుతోంది. జులై 4న వంగవీటి రంగా 75వ జయంతి వేడుకలు నిర్వహించనున్నారు. ఈ నేపథ్యంలో విజయవాడలో రంగా విగ్రహానికి జనసేన అధినేత పవన్ కళ్యాణ్ పూలమాల వేసి నివాళి అర్పించనున్నట్లు పార్టీ వర్గాల ద్వారా తెలుస్తోంది. అనంతరం పవన్ కళ్యాణ్.. అక్కడ నుంచి వంగవీటి రాధా నివాసానికి వెళ్లనున్నట్లు సమాచారం.

ఇది కూడా చదవండి: సీఎం జగన్ పై సంచలన వ్యాఖ్యలు చేసిన YCP ఎమ్మెల్యే మద్దిశెట్టి!

పవన్ సమక్షంలో వంగవీటి రాధా జనసేన తీర్థం పుచ్చుకోనున్నట్లు తెలుస్తోంది. అయితే, ఈ విషయాన్ని అటు వంగవీటి రాధా వర్గంగానీ, జనసేన వర్గాలు గానీ అధికారికంగా ప్రకటించలేదు. అయితే, జనేసేన నేత నాదెండ్ల మనోహర్ శుక్రవారం (జులై 1) వంగవీటి రాధా నివాసానికి వెళ్లి ఆయనతో సుమారు 45 నిమిషాల పాటు చర్చలు జరిపారు. దీంతో వంగవీటి రాధా.. జనసేనలో చేరబోతున్నారనే ఊహాగానాలకు బలం చేకూరింది. ఇదే గనక జరిగితే.. ఇక విజయవాడ రాజకీయాల్లో ఆసక్తికర పరిణామాలు చోటు చేసుకుంటాయి అంటున్నారు రాజకీయ విశ్లేషకులు. మరి దీనిపై మీ అభిప్రాయాలను కామెంట్స్‌ రూపంలో తెలియజేయండి.

ఇది కూడా చదవండి: Peddireddy Ramachandra Reddy: కుప్పంలో బరిలో హీరో విశాల్.. క్లారిటీ ఇచ్చిన మంత్రి పెద్దిరెడ్డి!