లవ్ స్టోరీలో థ్రిల్లింగ్ ట్విస్టులు.. ఇట్లు అర్జున మూవీ రివ్యూ.. హిట్టా? ఫట్టా?

లవ్ స్టోరీలో థ్రిల్లింగ్ ట్విస్టులు ఇట్లు అర్జున రివ్యూ
చరణ్, ఎన్టీఆర్, నాగ్ సపోర్ట్ చేసిన కొత్త కుర్రాడు హిట్టా ఫట్టా?
ర్యాపిడో డ్రైవర్ చేతిలో 1000 కోట్ల పెన్‌డ్రైవ్!
తమన్ బీజీఎం.. వెన్నెల కిషోర్ కామెడీ హైలైట్
డైలాగ్స్ లేకుండానే అదరగొట్టిన అనీష్!

టాలీవుడ్‌లో ఒక కొత్త కుర్రాడి సినిమా కోసం మన మెగా పవర్ స్టార్ రామ్ చరణ్, యంగ్ టైగర్ ఎన్టీఆర్, కింగ్ నాగార్జున.. ఇలా ముగ్గురు పెద్ద స్టార్స్ కదిలి వచ్చారంటే మామూలు విషయం కాదు! ఇంతకీ ఎవరా కుర్రాడు? ఏంటా సినిమా? అని అందరూ గూగుల్‌లో తెగ వెతికేశారు. ఆ సినిమానే ఇట్లు అర్జున నాగార్జున ప్రెజెంట్ చేయడం, తమన్ మ్యూజిక్ ఇవ్వడం, చరణ్, తారక్ సపోర్ట్ చేయడంతో ఈ సినిమాపై ఒక్కసారిగా హైప్ పెరిగిపోయింది. ఇంతకీ ఆ స్టార్ హీరోల నమ్మకాన్ని ఈ కొత్త కుర్రాడు నిలబెట్టుకున్నాడా? మనకు ఆ మూడు గంటల ఎంటర్‌టైన్‌మెంట్ దొరికిందా? లేక బిల్డప్ ఎక్కువ, మ్యాటర్ తక్కువ అయిందా? మరి ఆ అంచనాలకు తగ్గట్టుగా సినిమా ఉందా? లేదా? ఈ రివ్యూ లో చూద్దాం

సాధారణంగా హీరో అంటే పంచ్ డైలాగులు ఉండాలి, రౌడీలను చితక్కొట్టాలి. కానీ ఇక్కడ మన హీరో అర్జున్‌కు అసలు మాటలే రావు! అవును, పుట్టుకతోనే మూగవాడు. చిన్నప్పటి నుంచి తండ్రితో కలిసి దొంగతనాలు చేస్తూ, జైలు జీవితం గడిపి, బయటకు వచ్చాక ఒక ర్యాపిడో డ్రైవర్‌గా లైఫ్ లీడ్ చేస్తుంటాడు.

కట్ చేస్తే.. తను ఉండే అపార్ట్‌మెంట్‌ పై అంతస్తులో ఉండే కీర్తి అనే అమ్మాయిని చిన్నప్పటి నుంచి పిచ్చిగా ప్రేమిస్తుంటాడు. మాటలు రాని కుర్రాడు, తన ప్రేమను ఎలా చెప్పాలో తెలియక పడే తపన చూస్తుంటే.. అరే, మన కళ్లముందే ఒక క్యూట్ లవ్ స్టోరీ నడుస్తోందిరా అనిపిస్తుంది.అంతా బాగానే సాగుతోంది అనుకునే టైమ్‌లో.. సీన్‌లోకి ‘రూ. 1000 కోట్ల పెన్‌డ్రైవ్’ ఎంట్రీ ఇస్తుంది! అప్పటివరకు కూల్‌గా సాగిన లవ్ స్టోరీ, ఒక్కసారిగా హై-వోల్టేజ్ థ్రిల్లర్‌గా మారిపోతుంది. అసలు ఆ పెన్‌డ్రైవ్‌లో ఏముంది? ర్యాపిడో డ్రైవర్ అయిన అర్జున్ చేతికి అది ఎలా చిక్కింది? మాటలు రాని మన హీరో, ఆ 1000 కోట్ల మాఫియాను ఎలా ఎదుర్కొన్నాడు? చివరికి తన లవ్ సక్సెస్ అయిందా? అన్నదే అసలు కథ!

ఇక సినిమాలో ప్లస్ పాయింట్స్ ఏంటంటే.. ఫస్ట్ ఆఫ్ అంతా అర్జున్, కీర్తిల మధ్య వచ్చే క్యూట్ లవ్ సీన్స్, ముఖ్యంగా వెన్నెల కిషోర్ ఎంట్రీతో నవ్వులే నవ్వులు! ఆయన కామెడీ టైమింగ్ థియేటర్లో మంచి రిలీఫ్ ఇస్తుంది. ఇక సెకండాఫ్‌లో ఆ 1000 కోట్ల పెన్‌డ్రైవ్ చుట్టూ తిరిగే ట్విస్టులు మనల్ని సీట్ ఎడ్జ్‌లో కూర్చోబెడతాయి. మరి హీరో అనీష్ రెడ్డికి ఇది ఫస్ట్ సినిమా అయినా.. ఒక్క డైలాగ్ లేకుండా కేవలం కళ్లతో, ఎక్స్‌ప్రెషన్స్‌తో అదరగొట్టేశాడు. హీరోయిన్ అనస్వర రాజన్ తన నేచురల్ యాక్టింగ్‌తో కట్టిపడేసింది. చైల్డ్ ఆర్టిస్ట్ రోహన్, బ్రహ్మాజీ, ముకేశ్ రిషి తమ పాత్రలకు న్యాయం చేశారు. అన్నింటికంటే ముఖ్యంగా చెప్పుకోవాల్సింది తమన్ మ్యూజిక్ గురించి! హీరోకి మాటలు లేని లోటు తెలియకుండా, తన బ్యాక్‌గ్రౌండ్ స్కోర్‌తో సినిమాకు ప్రాణం పోశాడు తమన్.

మరి ఈ సినిమాకి మైనస్ పాయింట్స్ ఏంటి? డైరెక్టర్ మహేశ్ ఉప్పల ఒక మూగవాడి ప్రేమకథకు, థ్రిల్లర్‌ను మిక్స్ చేసి కొత్తగా ట్రై చేశాడు కానీ.. అక్కడక్కడా కథ కొంచెం స్లో అయినట్లు అనిపిస్తుంది. కొన్ని సీన్స్ కాస్త సాగదీశారేమో అనే ఫీలింగ్ వస్తుంది. సో ఫైనల్‌గా చెప్పాలంటే.. ‘ఇట్లు అర్జున’ అనేది రొటీన్ కమర్షియల్ సినిమాలకు భిన్నంగా చేసిన ఒక మంచి ప్రయత్నం! అక్కడక్కడా కాస్త స్లోగా అనిపించినా.. కొత్త హీరో అనీష్ యాక్టింగ్, వెన్నెల కిషోర్ కామెడీ, తమన్ బీజీఎం, సెకండాఫ్ ట్విస్టుల కోసం ఈ వీకెండ్ హ్యాపీగా ఒకసారి థియేటర్‌కు వెళ్లి చూడొచ్చు. స్టార్ హీరోలు ఈ కుర్రాడికి ఎందుకు సపోర్ట్ చేశారో సినిమా చూశాక మీకే అర్థమవుతుంది! మరి మీలో ఎవరైనా ఆల్రెడీ ఈ సినిమా చూసి ఉంటే, మీకు ఏ సీన్ బాగా నచ్చిందో కింద కామెంట్ బాక్స్‌లో చెప్పండి.