follow us:
OG-2తో పాటు OG-3 కూడా కన్ఫర్మ్ తమన్
సొంత బ్యానర్‌పై OG-2 నిర్మించనున్న పవన్ కళ్యాణ్
ప్యారలల్‌గా 2,3 భాగాల పనులు ప్లాన్ చేస్తున్న సుజీత్
పవన్ కళ్యాణ్ డేట్స్ ఎప్పుడు ఇస్తారనేదే ఆసక్తికరం
2027 మిడ్ నాటికి OG-2 షూటింగ్ పట్టాలెక్కే ఛాన్స్
పవర్ స్టార్ ఫ్యాన్స్ కాలర్ ఎగరేసే న్యూస్ ఒకటి టాలీవుడ్‌లో వైరల్ అవుతోంది. బాక్సాఫీస్ దగ్గర సునామీ సృష్టించిన ‘ఓజీ’ (OG) మ్యానియా ఇంకా తగ్గకముందే, ఆ సినిమా సీక్వెల్స్‌పై మ్యూజిక్ డైరెక్టర్ తమన్ బాంబు లాంటి అప్డేట్ వదిలారు. ‘ఓజీ-2’ స్క్రిప్ట్ ఏ రేంజ్‌లో ఉందో చెప్పడమే కాదు, అసలు ‘ఓజీ-3’ కూడా ఉండబోతోందని హింట్ ఇచ్చి ఫ్యాన్స్‌కు గూస్‌బంప్స్ తెప్పించారు. మరి ఓజాస్ గంభీర మళ్లీ ఎప్పుడు థియేటర్లలోకి వస్తాడు? సుజీత్ ప్లానింగ్ ఏంటి? పవన్ కళ్యాణ్ డేట్స్ ఎప్పుడు ఇస్తారు? ఈ క్రేజీ స్టోరీని ఇప్పుడే చూసేద్దాం!
పవన్ కళ్యాణ్, డైరెక్టర్ సుజీత్ కాంబినేషన్‌లో వచ్చిన ‘దే కాల్ హిమ్ ఓజీ’ బాక్సాఫీస్ దగ్గర ఎలాంటి సంచలనం సృష్టించిందో ప్రత్యేకంగా చెప్పక్కర్లేదు. పవన్ వింటేజ్ స్వాగ్‌కు, సుజీత్ స్టైలిష్ మేకింగ్, తమన్ ఇచ్చిన బీజీఎం తోడవడంతో థియేటర్లు దద్దరిల్లిపోయాయి. ఇప్పటికే 2026 జూన్‌లోనే ‘పవన్ కళ్యాణ్ క్రియేటివ్ వర్క్స్’ బ్యానర్‌పై ‘ఓజీ-2’ను అఫీషియల్‌గా అనౌన్స్ చేశారు.
అయితే తాజాగా ఓ టీవీ షోలో పాల్గొన్న మ్యూజిక్ డైరెక్టర్ తమన్, ‘ఓజీ’ ఫ్రాంచైజీపై సాలిడ్ అప్డేట్ ఇచ్చారు. డైరెక్టర్ సుజీత్ ‘ఓజీ-2’ బౌండెడ్ స్క్రిప్ట్‌ను థియేటర్లలో స్పీకర్లు పగిలిపోయే రేంజ్‌లో సిద్ధం చేశారని తమన్ చెప్పుకొచ్చారు. అంతేకాదు, ఈ కథ ఇక్కడితో ఆగిపోదని, ‘ఓజీ-3’ కూడా లైన్‌లో ఉందని అసలు సీక్రెట్ బయటపెట్టారు. సుజీత్ అండ్ టీమ్ ఇప్పటికే రెండు, మూడు భాగాల పనులను సమాంతరంగా ప్లాన్ చేస్తున్నట్లు ఇండస్ట్రీ టాక్.
ఇక ‘ఓజీ-2’ కథ విషయానికొస్తే, మొదటి భాగంలో చూపించని ఓజాస్ గంభీర గతం, మంచు రక్తంగా మారే విజువల్స్, ఓ కొత్త విలన్ ఎంట్రీ లాంటి అంశాలతో ఈ సినిమా నెక్స్ట్ లెవెల్‌లో ఉండబోతోందని సమాచారం. ముఖ్యంగా మొదటి భాగాన్ని వేరే నిర్మాతలు నిర్మించగా, ఈ సీక్వెల్‌ను స్వయంగా పవన్ కళ్యాణ్ తన సొంత బ్యానర్‌పై నిర్మిస్తుండటం విశేషం.
అయితే ఇక్కడే అసలు ట్విస్ట్ ఉంది. డైరెక్టర్ సుజీత్ ప్రస్తుతం నేచురల్ స్టార్ నానితో ‘బ్లడీ రోమియో’ అనే డార్క్ కామెడీ గ్యాంగ్‌స్టర్ సినిమాను తెరకెక్కిస్తున్నారు. ఈ సినిమా షూటింగ్ పూర్తి చేసిన తర్వాతే సుజీత్ ‘ఓజీ-2’ సెట్స్‌పైకి వెళ్లనున్నారు. మరోవైపు పవన్ కళ్యాణ్ కూడా తన పొలిటికల్ కమిట్‌మెంట్స్‌తో ఫుల్ బిజీగా ఉన్నారు. 2029 ఎన్నికల కంటే ముందే, అంటే 2027 మిడ్ నాటికి పవన్ డేట్స్ ఇస్తే ‘ఓజీ-2’ షూటింగ్ పట్టాలెక్కే అవకాశం ఉంది.
చూశారు కదా! సుజీత్ స్క్రిప్ట్ రెడీగా ఉంది, తమన్ బీజీఎం కోసం స్పీకర్లు సిద్ధంగా ఉన్నాయి. ఇక పవర్ స్టార్ ఎప్పుడు డేట్స్ ఇచ్చి సెట్స్‌పైకి వస్తారా అని మెగా ఫ్యాన్స్ కళ్లు కాయలు కాచేలా ఎదురుచూస్తున్నారు. ‘బ్లడీ రోమియో’ పూర్తి చేసుకుని సుజీత్, పొలిటికల్ షెడ్యూల్స్ అడ్జస్ట్ చేసుకుని పవన్ కళ్యాణ్ ఎప్పుడు కలుస్తారో చూడాలి. మరి ‘ఓజీ-2’, ‘ఓజీ-3’ అప్‌డేట్స్‌పై మీ ఎగ్జైట్‌మెంట్ ఎలా ఉందో కింద కామెంట్స్‌లో చెప్పండి.
