follow us:
టాలీవుడ్ ప్రముఖ కొరియోగ్రాఫర్ శేఖర్ మాస్టర్ రోడ్డు ప్రమాదానికి గురయ్యారు. మెగాస్టార్ చిరంజీవి నటిస్తున్న ‘కాకా’ చిత్రంలో పాట చిత్రీకరణ ముగించుకుని తిరిగి వస్తుండగా, శంషాబాద్ వద్ద ఆయన ప్రయాణిస్తున్న కారును వెనుక నుంచి మరో కారు బలంగా ఢీకొట్టింది. ఈ ప్రమాదంలో ఎలాంటి ప్రాణనష్టం జరగకపోవడంతో అందరూ ఊపిరిపీల్చుకున్నారు…
మెగాస్టార్ చిరంజీవి నటిస్తున్న ప్రతిష్టాత్మక చిత్రం ‘కాకా’ షూటింగ్‌లో శేఖర్ మాస్టర్ బిజీగా ఉన్నారు. ఈ చిత్రంలోని ఒక మాస్ సాంగ్ షూటింగ్‌ను ఆయన ఇటీవలే సక్సెస్‌ఫుల్‌గా పూర్తి చేసుకున్నారు. ఆ పాట చిత్రీకరణ ముగించుకుని, సంతోషంగా తిరిగి వస్తున్న తరుణంలోనే ఈ ఊహించని ప్రమాదం ఆయనను చుట్టుముట్టింది. శేఖర్ మాస్టర్ షూటింగ్ ముగించుకుని శంషాబాద్ ప్రాంతం గుండా కారులో ప్రయాణిస్తున్నారు. అదే సమయంలో రోడ్డుపై పండ్ల లోడ్‌తో వేగంగా వెళ్తున్న ఒక లారీ అకస్మాత్తుగా అదుపుతప్పింది. ఆ లారీని తప్పించే ప్రయత్నంలో మరో కారు సడన్‌గా బ్రేక్ వేయడంతో అదుపుతప్పి నేరుగా వచ్చి శేఖర్ మాస్టర్ ప్రయాణిస్తున్న కారును వెనుక నుంచి అత్యంత వేగంగా బలంగా ఢీకొట్టింది! ఢీకొట్టిన తీవ్రత ఎంత ఎక్కువగా ఉందంటే.. శేఖర్ మాస్టర్ కారు వెనుక భాగం పూర్తిగా నుజ్జునుజ్జయింది. కారు డెక్క అంతా లోపలికి చొచ్చుకుపోయింది. దీన్ని బట్టి ప్రమాదం ఎంత భయానకంగా జరిగిందో అర్థం చేసుకోవచ్చు.
కారు కండిషన్ చూసిన ఎవరైనా లోపల ఉన్నవారికి తీవ్ర గాయాలై ఉంటాయని భయపడతారు. కానీ ఈ ఘోర రోడ్డు ప్రమాదంలో అదృష్టవశాత్తు శేఖర్ మాస్టర్‌కు కేవలం స్వల్ప గామాలు మాత్రమే అయ్యాయి. ఆయనతో పాటు కారులో ఉన్న మిగతా సిబ్బందికి కూడా ఎలాంటి పెద్ద ప్రమాదం జరగలేదు. ఎవరికీ ప్రాణాపాయం సంభవించకపోవడంతో అందరూ ఊపిరి పీల్చుకున్నారు. ప్రమాదం జరిగిన వెంటనే స్థానికులు, అక్కడి సిబ్బంది అప్రమత్తమై సహాయక చర్యలు చేపట్టారు. శేఖర్ మాస్టర్‌ను సురక్షితంగా బయటకు తీశారు. ఈ వార్త తెలిసిన వెంటనే టాలీవుడ్ ప్రముఖులు, మెగా అభిమానులు, శేఖర్ మాస్టర్ ఫ్యాన్స్ తీవ్ర ఆందోళన చెందారు. ఆయనకు ఏమీ కాలేదన్న వార్త తెలియడంతో అంతా హమ్మయ్య అనుకున్నారు.”
