పాకిస్థాన్‌లో ఆర్మీ శిక్షణ విమానం కుప్పకూలి ఇద్దరు పైలట్లు మృతి

పాకిస్థాన్‌లో ఒక ఘోర విమాన ప్రమాదం చోటుచేసుకుంది. బలూచిస్థాన్ ప్రావిన్స్‌లో పాకిస్థాన్ ఆర్మీకి చెందిన శిక్షణ విమానం కుప్పకూలింది. ఈ ప్రమాదంలో ఇద్దరు శిక్షణా పైలట్లు ప్రాణాలు కోల్పోవడం పట్ల ఆర్మీ వర్గాల్లో తీవ్ర విషాదం అలుముకుంది. రొటీన్ ట్రేనింగ్‌లో భాగంగా టేకాఫ్ అయిన కొద్దిసేపటికే ఈ పెను ప్రమాదం జరగడం స్థానికంగా కలకలం సృష్టించింది.

పాకిస్థాన్‌లోని నవాన్ కిల్లి పట్టణ సమీపంలో పాక్ ఆర్మీకి చెందిన ఎంఎఫ్ఐ-17 ముష్షాక్ శిక్షణ విమానం సాధారణ విధుల్లో భాగంగా టేకాఫ్ అయింది. అయితే గాల్లోకి ఎగిరిన కొద్దిసేపటికే ఆ విమానంలో ఒక్కసారిగా తీవ్రమైన సాంకేతిక సమస్య తలెత్తింది. పైలట్లు విమానాన్ని అదుపులోకి తెచ్చేందుకు ప్రయత్నించినప్పటికీ ఫలితం లేకపోయింది. క్షణాల వ్యవధిలోనే విమానం అంతులేని వేగంతో కిందకు దూసుకొచ్చి కుప్పకూలింది. ఈ హఠాత్ పరిణామంతో అక్కడ ఒక్కసారిగా పెను ప్రమాదం వాటిల్లింది.

ఈ ఘోర విమాన ప్రమాదంలో విమానంలో ఉన్న ఇద్దరు శిక్షణా పైలట్లు అక్కడికక్కడే ప్రాణాలు కోల్పోయారు. మృతి చెందిన ఆఫీసర్లను షెహజాబ్ ముమాయూన్ అబ్ధుల్ సమద్ గా ఆర్మీ అధికారులు అధికారికంగా గుర్తించారు. ప్రమాద సమాచారం అందుకున్న వెంటనే రెస్క్యూ టీమ్స్ మరియు ఆర్మీ సిబ్బంది ఘటనా స్థలానికి చేరుకుని సహాయక చర్యలు చేపట్టారు. అయితే అప్పటికే తీవ్ర గాయాలపాలైన ఇద్దరు పైలట్లు మరణించినట్లు వైద్యులు ధృవీకరించారు. వారి మృతి పట్ల ఉన్నతాధికారులు తీవ్ర సంతాపం ప్రకటించారు.

పాకిస్థాన్ ఆర్మీలో గత కొంతకాలంగా ఇలాంటి శిక్షణ విమానాలు సాంకేతిక లోపాలతో కూలిపోవడం వరుసగా జరుగుతుండటం గమనార్హం. పాతబడ్డ విమానాల నిర్వహణ లోపం వల్లే ఇలాంటి ప్రాణ నష్టం జరుగుతోందనే విమర్శలు కూడా వ్యక్తమవుతున్నాయి. ఎంఎఫ్ఐ-17 ముష్షాక్ రకం విమానాలు ప్రారంభం నుంచి అనేక మార్లు సాంకేతిక సమస్యలను ఎదుర్కొన్నట్లు సమాచారం. ఈ ఘటనపై స్పందించిన పాక్ సైనిక ప్రధానాలయం, ప్రమాదానికి అసలు కారణాలపై సమగ్ర విచారణకు ఆదేశించినట్లు వెల్లడించింది. సాంకేతిక లోపమా లేక మానవ తప్పిదమా అనే కోణంలో దర్యాప్తు జరుపుతున్నారు.

దేశం కోసం సేవలు అందించే క్రమంలో ప్రాణాలు కోల్పోయిన ఆ యువ పైలట్ల మృతి పట్ల పలువురు ప్రముఖులు తీవ్ర సంతాపం వ్యక్తం చేశారు. శిక్షణా దశలోనే నూరేళ్లు నిండిన ఆ ఇద్దరు అధికారుల కుటుంబాల్లో ఈ వార్త తీవ్ర విషాదాన్ని నింపింది.

#BREAKING: A Pakistan Army Aviation Mushshak training aircraft crashed near Nawan Killi, Quetta, on 12 October 2026, reportedly due to a technical fault after takeoff from Quetta Cantonment Air Base. Both pilots, Major Husnain Shehzad Humayun and Captain Abdul Samad killed. https://t.co/9MltamLVL6

— Aditya Raj Kaul (@AdityaRajKaul) October 12, 2026