దసరాకి విజయసాయిరెడ్డి కొత్త పార్టీ.. జెండా, ఎజెండాపై కీలక ప్రకటన

ఏపీ పాలిటిక్స్ లో మాజీ ఎంపీ విజయసాయిరెడ్డి కొత్త పార్టీ ప్రకటన తీవ్ర దుమారం రేపుతున్న వేళ.. తాజాగా ఆయన ఒక కీలక అప్‌డేట్‌తో ముందుకు వచ్చారు. తాను కొత్త పార్టీ పెట్టడం లేదని, ఒత్తిళ్లకు తలొగ్గి వెనకడుగు వేశానని, తనను ఎవరో బెదిరిస్తున్నారంటూ జరుగుతున్న ప్రచారాలపై విజయసాయిరెడ్డి ఘాటుగా స్పందించారు. పార్టీ పెట్టకూడదని కోరుకునే ప్రత్యర్థులే ఇలాంటి చౌకబారు ప్రచారాలు చేస్తున్నారని, వాటికి ఎలాంటి విలువా లేదని ఆయన కొట్టిపారేశారు. ఈ క్రమంలోనే తన కొత్త పార్టీ ఆవిర్భావాన్ని తాత్కాలికంగా వాయిదా వేస్తున్నట్లు సోషల్ మీడియా వేదికగా ప్రకటించి ఏపీ రాజకీయాల్లో మరోసారి పెను సంచలనం సృష్టించారు.

ఈ పవిత్రమైన దసరా పర్వదినాల్లోనే తన నూతన పార్టీ పేరు, జెండా, ఎజెండా సిద్ధమవుతున్నాయని విజయసాయిరెడ్డి స్పష్టం చేశారు. రాష్ట్రంలో రెండు కుటుంబాలే నిరంతరం పాలన సాగిస్తున్నాయని, వారి వల్ల ప్రజలకు ఎలాంటి ప్రయోజనం చేకూరడం లేదని ఆయన తీవ్రస్థాయిలో ధ్వజమెత్తారు. ఆ రెండు కుటుంబాల పాలనపై తిరుగుబాటుగా ప్రతి నియోజకవర్గంలోనూ మెరికల్లాంటి కొత్త నాయకత్వాన్ని తయారు చేస్తానని ప్రకటించారు. రాబోయే రోజుల్లో అధికారం పూర్తిగా జెన్-జీ యువతదేనని, తమ పార్టీలో అన్ని వర్గాల ప్రాతినిధ్యంతో పాటు యువతకే సింహభాగం సీట్లు కేటాయిస్తామని వెల్లడించారు.

చంద్రబాబు, జగన్ కుటుంబ పార్టీలకు ప్రత్యామ్నాయంగా నూతన రాజకీయాలకు శ్రీకారం చుడతామని విజయసాయిరెడ్డి తెలిపారు. అయితే తాను స్థాపించబోయే పార్టీలో తాను గానీ, తన కుటుంబసభ్యులు గానీ ముఖ్యమంత్రి రేసులో ఉండబోరని ఆయన స్పష్టం చేశారు. కేవలం ఒక మార్గదర్శకుడిగా ఉండి, శివసేన వ్యవస్థాపకుడు బాల్‌ఠాక్రే తరహా పాత్రను మాత్రమే పోషిస్తానని మరోసారి ప్రకటించారు. రాజకీయంపై పూర్తి పట్టున్న, ప్రజలకు మేలు చేయగల ఒక ప్రముఖ వ్యక్తిని ముఖ్యమంత్రి స్థానంలో కూర్చోబెడతానని ఆయన కీలక వ్యాఖ్యలు చేశారు.

ఇక పార్టీ ఆవిర్భావ ప్రకటన వాయిదా పడటానికి గల కారణాలను వివరిస్తూ విజయసాయిరెడ్డి ఒక ట్వీట్ చేశారు. మంగళవారం నుంచి వారం రోజుల పాటు తాను ఆయుర్వేద చికిత్స నిమిత్తం వెళ్తున్నట్లు వెల్లడించారు. ఈ క్రమంలో రాష్ట్రంలో స్థానిక సంస్థల ఎన్నికల కోడ్ అమల్లో ఉన్నందున, ఆ కోడ్ ముగిసిన తర్వాతే పూర్తి వివరాలతో తన కొత్త పార్టీ ఆవిర్భావాన్ని అఫీషియల్ గా ప్రకటిస్తానని స్పష్టం చేశారు. చికిత్స పూర్తి చేసుకుని వచ్చిన వెంటనే రాజకీయాల్లో స్పీడ్ పెంచుతానని తెలిపారు.

ఏపీ పాలిటిక్స్ లో రెండు కుటుంబాల పాలనకు ప్రత్యామ్నాయంగా నిలుస్తానని చెబుతున్న విజయసాయిరెడ్డి వ్యూహం ఏ మేరకు సఫలమవుతుందనేది ఇప్పుడు ఆసక్తికరంగా మారింది. ఆయన తీసుకున్న ఈ తాత్కాలిక విరామం, రాబోయే ఆవిర్భావ ప్రకటన రాష్ట్ర రాజకీయ సమీకరణాలను ఏ విధంగా మారుస్తుందో వేచి చూడాల్సిందే.

పార్టీ పేరు, జెండా, ఎజెండా ఈ పవిత్ర దసరా పర్వ దినాల్లో సిద్ధం అవుతున్నాయి. నేను పార్టీ పెట్టరాదని కోరుకుంటున్న వారంతా చేస్తున్న చౌకబారు ప్రచారాలకు ఎలాంటి విలువా ఉండదు. రెండు కుటుంబ పార్టీలమీద తిరుగుబాటుగా, ప్రతి ఒక్క నియోజకవర్గంలోనూ మెరికల్లాంటి కొత్త నాయకత్వం తయారు చేస్తా. మరోసారి చెపుతున్నా… అధికారం జెన్‌–జీది, నాది బాల్‌ఠాక్రే పాత్ర.

@JaiTDP @JanaSenaParty @BJP4India @BJP4Andhra @YSRCParty @INCIndia @cpimspeak @cpofindia
@TV9Telugu @NtvTeluguLive @bigtvtelugu @tv5telugu @SakshiNews @etvandhraprades @abntelugutv @MahaaOfficial @RajnewsOfficial @TNewsTelugu
@10TvTeluguNews @99TVTelugu @hmtvnewslive @prime9news @swatantratelugu @inewstelugu @ZeeTeluguLive @BRKTelugu_1 @ABPDesam @ANI @PTI_News @timesofindia @htTweets @way2_news @eenadulivenews @ANDHRAJYOTI @sakshilivenews @the_hindu @IndianExpress @NewIndianXpress @JagranNews @DainikBhaskar @DeccanChronicle @Eenadu_Newspapr @AndhraPrabhaApp

— Vijayasai Reddy V (@VSReddy_MP) October 13, 2026