follow us:
చెప్పినట్టుగానే 22A భూముల సమస్యల పరిష్కారానికి తెలంగాణ ప్రభుత్వం అడుగులు వేస్తుంది. అందులో భాగంగా రేవంత్ సర్కార్ మరో కీలక నిర్ణయం తీసుకుంది. నాలా అనుమతి లేకుండా నివాస వినియోగంలోకి వచ్చిన పట్టాభూముల రిజిస్ట్రేషన్‌ చేయాలని నిర్ణయించింది. నాలా రుసుము చెల్లిస్తే అర్హత ఉన్న భూముల రిజిస్ట్రేషన్లు చేయాలని తీర్మానించింది. ఇందుకు సంబంధించి జిల్లా కలెక్టర్లకు ప్రభుత్వం మార్గదర్శకాలు జారీ చేసింది.
అర్హత ఉన్న అన్ని దరఖాస్తులను కాలపరిమితిలో పరిష్కరించాలని కలెక్టర్లకు ఆదేశాలు జారీ చేసింది. 22ఏ భూ సమస్యల పరిష్కారంపై సీఎం రేవంత్‌రెడ్డి ఇచ్చిన ఆదేశాలతో.. ప్రభుత్వం ఇప్పటికే ఐదు జీవోలు జారీ చేసింది. ఈ సమస్య పరిష్కారంపై అధ్యయనం చేసేందుకు ఉన్నత స్థాయి కమిటీ ఏర్పాటు చేసింది. GHMC, HMDA, DTCP, మున్సిపల్‌ అనుమతులు ఉన్న 22ఏ ఇళ్లు, ఫ్లాట్లు, ప్లాట్ల రిజిస్ట్రేషన్లకు అనుమతి మంజూరు చేసింది. కొని దశాబ్దాలుగా పెండింగ్‌లో ఉన్న యూఎల్‌సీ దరఖాస్తుల పరిష్కారానికి ఉత్తర్వులు జారీ చేసింది.
ఈ భూ సమస్యల పరిష్కారంపై తెలంగాణ ప్రభుత్వం రాష్ట్రంలోని జిల్లా కలెక్టర్లందరికీ అత్యవసర మార్గదర్శకాలు జారీ చేసింది. బాధితుల నుంచి వచ్చిన అర్హత గల దరఖాస్తులన్నింటినీ ఎలాంటి ఆలస్యం లేకుండా, ఒక నిర్దిష్ట కాలపరిమితిలో పరిష్కరించాలని కలెక్టర్లను ఆదేశించింది. దీనివల్ల రిజిస్ట్రేషన్ల కార్యాలయాల చుట్టూ తిరిగే ప్రజల ఇబ్బందులకు శాశ్వతంగా తెరపడనుంది.
సీఎం రేవంత్‌రెడ్డి ఇచ్చిన ప్రత్యేక ఆదేశాల మేరకు ప్రభుత్వం ఇప్పటికే ఈ సమస్యపై అత్యంత వేగంగా స్పందించింది.. అంతేకాకుండా, ఈ భూ వివాదాల వెనుక ఉన్న సాంకేతిక, న్యాయపరమైన అంశాలను క్షుణ్ణంగా అధ్యయనం చేసేందుకు ఒక ఉన్నత స్థాయి కమిటీని కూడా రంగంలోకి దించింది. ఇకపై GHMC, HMDA, DTCP మరియు స్థానిక మున్సిపాలిటీల నుంచి ముందస్తు అనుమతులు పొంది, 22ఏ పరిధిలో చిక్కుకుపోయిన ఇళ్లు, ఫ్లాట్లు, ప్లాట్ల రిజిస్ట్రేషన్లకు ప్రభుత్వం పూర్తిస్థాయిలో అనుమతులు మంజూరు చేసింది. దీనితో పాటు, ఎన్నో ఏళ్లుగా నలుగుతున్న ULC దరఖాస్తుల పరిష్కారానికి కూడా అడుగులు వేసింది ప్రభుత్వం. ఇప్పటికే దీనికి సంబంధించి కూడా జీవోలు జారీ చేసింది. రాబోయే రోజుల్లో కూడా మరింతగా ఈ సమస్యలకు చెక్ పెట్టాలని ప్రభుత్వం భావిస్తున్నట్లు తెలుస్తోంది.
