తెలంగాణలో కొత్తగా ‘చేయూత’ పెన్షన్ల కోసం ఎన్నో నెలలుగా ఎదురుచూస్తున్న లక్షలాది కుటుంబాలకు రాష్ట్ర ప్రభుత్వం అదిరిపోయే శుభవార్త చెప్పింది! ముఖ్యమంత్రి రేవంత్ రెడ్డి నేతృత్వంలోని ప్రజా ప్రభుత్వం ఈ పథకాన్ని మరింత విస్తరిస్తూ, దీర్ఘకాలిక వ్యాధులతో పోరాడుతున్న వారికి కూడా అండగా నిలవాలని కీలక నిర్ణయం తీసుకుంది. పంచాయతీరాజ్, గ్రామీణాభివృద్ధి శాఖ మంత్రి సీతక్క సంబంధిత ఫైల్పై సంతకం చేయడంతో కొత్త పెన్షన్ల మంజూరుకు మార్గం సుగమమైంది. మరి ఈ నిర్ణయంతో ఎవరికి లాభం? అకౌంట్లలో డబ్బులు ఎప్పుడు పడతాయి? పూర్తి వివరాలు ఈ వీడియోలో చూద్దాం!
పేదలు, నిస్సహాయులకు ఆర్థిక భరోసా కల్పించడమే లక్ష్యంగా ప్రభుత్వం ‘చేయూత’ పథకాన్ని ప్రతిష్టాత్మకంగా అమలు చేస్తోంది. ఇందులో భాగంగానే అనారోగ్య సమస్యలతో ఆర్థికంగా చితికిపోతున్న బాధితులకు సర్కార్ పెద్ద ఊరటనిచ్చింది. రాష్ట్రవ్యాప్తంగా ఉన్న ఫైలేరియా అంటే బోదకాలు బాధితులు, హెచ్ఐవీ-ఎయిడ్స్ రోగులు, అలాగే కిడ్నీ సమస్యలతో నిరంతరం డయాలసిస్ చేయించుకుంటున్న పేషెంట్లకు కొత్త పెన్షన్లు మంజూరు చేస్తూ అధికారిక ఉత్తర్వులు జారీ చేసింది.
ఈ తాజా నిర్ణయంతో ఈ మూడు కేటగిరీల్లో కలిపి అదనంగా 11,275 మందికి పెన్షన్ అందబోతోంది. కేటగిరీల వారీగా చూస్తే… ఫైలేరియా బాధితులు: 5,895 మంది ఉండగా ఎయిడ్స్ బాధితులు: 3,024 మంది, వారితోపాటు డయాలసిస్ చేయించుకుంటున్న రోగులు: 2,356 మందికి లబ్ధి చేకూరనుంది.
నిత్యం ఆసుపత్రులు, మందుల ఖర్చులతో ఇబ్బంది పడుతున్న ఈ కుటుంబాలకు ప్రభుత్వ సాయం కొండంత అండగా నిలవనుంది. గతంలోనే వితంతువులు, ఒంటరి మహిళలు, దివ్యాంగులు, గీత, నేత కార్మికులు తదితర వర్గాలకు 4,63,857 కొత్త పెన్షన్లను సర్కార్ ఆమోదించింది. ఇప్పుడు మంజూరైన 11,275 పెన్షన్లను కూడా కలుపుకుంటే… రాష్ట్రంలో కొత్తగా ‘చేయూత’ పెన్షన్ పొందబోయే మొత్తం లబ్ధిదారుల సంఖ్య 4,75,132కు చేరుకుంది. ఎలాంటి పైరవీలకు తావులేకుండా క్షేత్రస్థాయిలో పారదర్శకంగా దరఖాస్తులను పరిశీలించి ఈ జాబితాను ఖరారు చేసినట్లు అధికారులు స్పష్టం చేశారు.
ఇక్కడితోనే అయిపోలేదు… పెన్షనర్ల కుటుంబాలకు భరోసా ఇచ్చేలా ‘ఇన్స్టంట్ పెన్షన్’ నిబంధనలను కూడా ప్రభుత్వం మార్చింది. గతంలో కేవలం వృద్ధాప్య పెన్షనర్లు చనిపోతేనే వారి భార్యలకు వెంటనే పెన్షన్ బదిలీ అయ్యేది. కానీ కొత్త రూల్స్ ప్రకారం… దివ్యాంగులు, గీత, నేత కార్మికులతో పాటు ఇప్పుడు కొత్తగా చేర్చిన డయాలసిస్, ఎయిడ్స్, ఫైలేరియా పెన్షనర్లలో ఎవరైనా దురదృష్టవశాత్తూ మరణిస్తే, వారి జీవిత భాగస్వామికి ఎలాంటి ఆలస్యం లేకుండా వెంటనే పెన్షన్ మంజూరు చేస్తారు.
మరణించిన వారి భార్య వయసు 57 ఏళ్ల లోపు ఉంటే వితంతు పెన్షన్ కింద, 57 ఏళ్లు దాటితే వృద్ధాప్య పెన్షన్ కింద తక్షణమే సాయం అందుతుంది. ఇందుకోసం గ్రామాల్లో పంచాయతీ కార్యదర్శికి, పట్టణాల్లో బిల్ కలెక్టర్కు ధృవపత్రాలు అందజేస్తే సరిపోతుంది.
ఇక లక్షలాది మంది ఎంతో ఉత్కంఠగా ఎదురుచూస్తున్న డబ్బులు జమయ్యే తేదీపై కూడా క్లారిటీ వచ్చేసింది! ఈ నెల 26వ తేదీన, అంటే భారత రాజ్యాంగ దినోత్సవం రోజున కొత్తగా ఎంపికైన 4,75,132 మంది లబ్ధిదారుల బ్యాంక్ ఖాతాల్లోకి నేరుగా (DBT ద్వారా) పెన్షన్ డబ్బులను ప్రభుత్వం జమ చేయనుంది. అంతేకాదు, అదే రోజున రాష్ట్రవ్యాప్తంగా మహిళలకు ‘ఇందిరమ్మ చీరల’ పంపిణీ కార్యక్రమాన్ని కూడా ప్రారంభించేందుకు ప్రభుత్వం సన్నాహాలు చేస్తోంది.
సో, కొత్తగా పెన్షన్ మంజూరైన వారందరూ నవంబర్ 26న మీ బ్యాంక్ అకౌంట్లను తప్పకుండా చెక్ చేసుకోండి! ఈ సమాచారం మీకు ఉపయోగపడితే వీడియోను లైక్ చేయండి, మీ మిత్రులకు షేర్ చేయండి.
