follow us:
ఆధార్ కార్డులో చిన్న మార్పు చేయాలన్నా, ముఖ్యంగా మీ ఫోన్ నంబర్ అప్‌డేట్ చేసుకోవాలన్నా ఆధార్ సేవా కేంద్రాల దగ్గర గంటల తరబడి క్యూ లైన్లలో నిలబడి విసిగిపోయారా? అయితే ఇకపై మీకు ఆ టెన్షన్ అస్సలు అవసరం లేదు! ఎక్కడికీ వెళ్లకుండా, కనీసం ఒక్క అడుగు కూడా బయటపెట్టకుండా, కేవలం మీ స్మార్ట్‌ఫోన్ ద్వారా జస్ట్ 5 నిమిషాల్లోనే ఈ పనిని పూర్తి చేసుకోవచ్చు. సామాన్య ప్రజల కష్టాలకు చెక్ పెడుతూ యూఐడీఏఐ ఒక అదిరిపోయే సదుపాయాన్ని అందుబాటులోకి తెచ్చింది. కేవలం 75 రూపాయల నామమాత్రపు ఫీజుతో, ఇంట్లోనే కూర్చుని మీ ఆధార్ కార్డుకు కొత్త మొబైల్ నంబర్‌ను ఎలా లింక్ చేసుకోవచ్చో ఇప్పుడు వివరంగా తెలుసుకుందాం.
సాధారణంగా ఆధార్ డీటెయిల్స్ మార్చుకోవాలంటే ఆధార్ సెంటర్ల చుట్టూ పడిగాపులు కాయాల్సి వచ్చేది. ఈ ఇబ్బందులను తొలగించడానికి యూఐడీఏఐ ఆండ్రాయిడ్, ఐఫోన్ యూజర్ల కోసం ప్రత్యేకంగా ‘ఆధార్ మొబైల్ యాప్’ ను తీసుకొచ్చింది. మీరు గూగుల్ ప్లే స్టోర్ లేదా యాపిల్ యాప్ స్టోర్ నుంచి ఈ అఫీషియల్ యాప్‌ను డౌన్‌లోడ్ చేసుకోవడం ద్వారా ఇంటి నుంచే అనేక ఆధార్ సర్వీసులను పొందవచ్చు. అందులో అత్యంత ముఖ్యమైనది, ప్రతి ఒక్కరికీ ఎంతో అవసరమైనది మొబైల్ నంబర్ అప్‌డేట్ ఆప్షన్.
ముందుగా మీ స్మార్ట్‌ఫోన్‌లో ఆధార్ యాప్‌ను ఇన్‌స్టాల్ చేసుకుని, మీ ఆధార్ వివరాలతో లాగిన్ అవ్వాలి. యాప్ ఓపెన్ చేసిన తర్వాత, స్క్రీన్ కింది భాగంలో ‘సర్వీసెస్’ అనే ఆప్షన్ కనిపిస్తుంది. దానిపై క్లిక్ చేయగానే, లోపల ‘మొబైల్ నంబర్ అప్‌డేట్’ అనే ఆప్షన్ మీకు దర్శనమిస్తుంది. దాన్ని సెలెక్ట్ చేసుకోగానే, ఈ ప్రక్రియ మొత్తం ఎలా జరుగుతుందో తెలిపే ఓవర్‌వ్యూ ముఖ్యమైన స్టెప్స్ స్క్రీన్‌పై కనిపిస్తాయి. అవన్నీ ఒకసారి చూసుకుని, అక్కడే అడుగున ఉన్న ‘కంటిన్యూ టు అప్‌డేట్ మొబైల్ నంబర్’ బటన్‌పై క్లిక్ చేయాలి.
ఆ బటన్ క్లిక్ చేసిన తర్వాత అసలు ప్రక్రియ మొదలవుతుంది, దీనికి కేవలం 5 నిమిషాల సమయం మాత్రమే పడుతుంది. ఇందులో భాగంగా ముందుగా మీరు ఏ కొత్త మొబైల్ నంబర్‌ను అయితే అప్‌డేట్ చేయాలనుకుంటున్నారో ఆ నంబర్ ఎంటర్ చేసి, దానికి వచ్చే ఓటీపీ ద్వారా వెరిఫై చేసుకోవాలి. ఆ తర్వాత బయోమెట్రిక్ కోసం ఎక్కడికీ వెళ్లకుండా, మీ ఫోన్ కెమెరా ద్వారానే మీ ముఖాన్ని స్కాన్ చేసి ‘ఫేస్ అథెంటికేషన్’ పూర్తి చేయాల్సి ఉంటుంది. చివరగా ఆన్‌లైన్‌లో 75 రూపాయల ఫీజు పేమెంట్ చేస్తే మీ పని పూర్తయినట్లే.
మీరు ఆన్‌లైన్ పేమెంట్ సక్సెస్‌ఫుల్‌గా పూర్తి చేసిన తర్వాత, మీ రిక్వెస్ట్ ప్రాసెస్ అవ్వడానికి గరిష్టంగా 15 రోజుల సమయం పడుతుంది. ఆ 15 రోజుల్లోపు యూఐడీఏఐ అధికారులు మీ వివరాలను ధృవీకరించి, మీ ఆధార్ కార్డుకు కొత్త మొబైల్ నంబర్‌ను అప్‌డేట్ చేస్తారు. ఆ తర్వాత మీ ఆధార్ సంబంధిత ఓటీపీలన్నీ కొత్త నంబర్‌కే వస్తాయి. సో, ఇంకెందుకు ఆలస్యం? ఆధార్ సెంటర్ల చుట్టూ తిరిగే శ్రమ లేకుండా, ఈ సింపుల్ ట్రిక్‌తో ఇంట్లోనే కూర్చుని మీ మొబైల్ నంబర్‌ను ఇప్పుడే అప్‌డేట్ చేసుకోండి.
