భీమ్లా నాయక్ బిజిఎమ్ పై క్లారిటీ ఇచ్చిన తమన్..!

పవర్ స్టార్ పవన్ కళ్యాణ్, రానా కాంబినేషన్ లో తెరకెక్కిన ‘భీమ్లా నాయక్‘ మూవీ ట్రైలర్ రానే వచ్చింది. ఫిబ్రవరి 21న రాత్రి 9గంటలకు విడుదలైన ఈ సినిమా ట్రైలర్.. 13 గంటల్లో 8 మిలియన్ల వ్యూస్ దాటి దూసుకుపోతుంది. అయితే.. పవర్ స్టార్ అభిమానులు భీమ్లా నాయక్ ట్రైలర్ కోసం ఎంతలా వెయిట్ చేశారో.. తీరా ట్రైలర్ వచ్చాక బ్యాక్ గ్రౌండ్ మ్యూజిక్ పై తీవ్రస్థాయిలో నిరాశ చెందినట్లు తెలుస్తుంది.

ఇక ట్రైలర్ లో ఉన్న మాస్ సీన్స్ ని మ్యూజిక్ సెన్సేషన్ తమన్ ఎలివేట్ చేయలేదని ట్రోల్ చేశారు. కొందరేమో ట్రైలర్ కు తగ్గట్టుగా బ్యాక్గ్రౌండ్ మ్యూజిక్ ఇచ్చాడని చెబుతుండగా.. యూత్ అంతా మ్యూజిక్ ఓ రేంజిలో ఎక్సపెక్ట్ చేశామని.. చాలా చప్పగా ఉందంటూ కామెంట్స్ చేశారు. తాజాగా తమన్ భీమ్లా నాయక్ బిజీఎం పై క్లారిటీ ఇస్తూ.. ట్రోల్ చేసినవాళ్ల నోరు మూయించే ప్రయత్నం చేశాడు.ట్విట్టర్ వేదికగా తమన్ స్పందిస్తూ.. “అన్ని ట్రైలర్ లోనే ఎక్సపెక్ట్ చేస్తే ఎలా..? ఫారెస్ట్ ఫైర్ కి, లోకల్ ఫైర్ కి తేడా ఉండాలిగా! థియేటర్లోనే అసలైన ర్యాంప్ అమ్మా.. అక్కడే కలుద్దాం!” అంటూ ట్వీట్ చేశాడు. ఇక తమన్ ట్వీట్ రావడంతో ట్రోలర్స్ అంతా సైలెంట్ అయిపోయారు. మరి తమన్ చెప్పినట్లుగా అసలు బిజీఎం ర్యాంప్ థియేటర్లో చూడవచ్చు. ఇక భీమ్లా నాయక్ సినిమాని సాగర్ కే చంద్ర తెరకెక్కించాడు.

Theatres lo Rammmmmmppppp ammma .!! #BheemlaNayakOnFeb25th 💥💥💥💥💥💥

Annnii trailerrrrrr looooo naeeee expect cheasthaaaa yeeelllllaaaa ….

Forest fireeee 🔥 ki local fire ki
thedaaa vundaaaliii gaaa .!!!

KALLUDHAM 🔥🤟🏽📣📣📣 https://t.co/giqZznMoO8

— thaman S (@MusicThaman) February 22, 2022

అగ్రదర్శకుడు త్రివిక్రమ్ స్క్రీన్ ప్లే, మాటలు అందించిన ఈ మాస్ సినిమాని సూర్యదేవర నాగవంశీ నిర్మించారు. ఇక ఫిబ్రవరి 25న భీమ్లా నాయక్ సినిమా భారీ స్థాయిలో విడుదల కాబోతుంది. ట్రైలర్ తో అంచనాలను రెట్టింపు చేసిన భీమ్లా నాయక్.. థియేటర్లో కేకలు పెట్టిస్తాడేమో చూడాలి. మరి భీమ్లా నాయక్ ట్రైలర్ పై మీ అభిప్రాయాలను కామెంట్స్ లో తెలియజేయండి.