follow us:
ఆంధ్రప్రదేశ్ రాజకీయాల్లో జనసేన పార్టీలోకి మరో ప్రముఖ వ్యక్తి చేరారు. ప్రముఖ పారిశ్రామికవేత్త, బైరా ఫౌండేషన్ అధినేత బైరా దిలీప్ చక్రవర్తి జనసేన పార్టీలో చేరారు. బుధవారం సాయంత్రం జనసేన పార్టీ కార్యాలయంలో జరిగిన కార్యక్రమంలో ఉపముఖ్యమంత్రి, జనసేన అధినేత పవన్ కళ్యాణ్ ఆయనకు పార్టీ కండువా కప్పి సాదరంగా ఆహ్వానించారు. నరసరావుపేట ప్రాంతానికి చెందిన బైరా దిలీప్ చక్రవర్తికి రాజకీయాలతో సుదీర్ఘ అనుబంధం ఉంది. గతంలో చిరంజీవి స్థాపించిన ప్రజారాజ్యం పార్టీ తరఫున సత్తెనపల్లి అసెంబ్లీ నియోజకవర్గం నుంచి పోటీ చేశారు. మొదటి నుంచి మెగా కుటుంబంతో సన్నిహిత సంబంధాలు కొనసాగిస్తున్న ఆయన, గతంలో కొంతకాలం జనసేన పార్టీతోనూ కలిసి పనిచేశారు. అనంతరం తన వ్యాపార కార్యకలాపాలపై దృష్టి సారించారు.
తాజాగా మరోసారి క్రియాశీల రాజకీయాల్లోకి రావాలని నిర్ణయించుకున్న దిలీప్ చక్రవర్తి, జనసేన పార్టీలో చేరారు. పవన్ కళ్యాణ్ నాయకత్వంలో తన రాజకీయ ప్రయాణాన్ని కొనసాగించాలని నిర్ణయించుకున్నారు. ఈ సందర్భంగా తాను రచించిన ‘లైఫ్ హ్యాక్స్’ పుస్తకాన్ని పవన్ కళ్యాణ్‌కు అందజేశారు. అనంతరం పవన్ కళ్యాణ్‌తో ప్రత్యేకంగా సమావేశమయ్యారు. బైరా దిలీప్ చక్రవర్తి చేరికతో పల్నాడు జిల్లా రాజకీయాల్లో జనసేన పార్టీకి ఎలాంటి ప్రయోజనం చేకూరుతుందన్నది ఆసక్తికరంగా మారింది. ముఖ్యంగా గతంలో సత్తెనపల్లి నుంచి పోటీ చేసిన అనుభవం, నరసరావుపేట ప్రాంతంతో ఉన్న అనుబంధం నేపథ్యంలో ఆయనకు పార్టీలో ఎలాంటి బాధ్యతలు అప్పగిస్తారన్నది చూడాలి
జనసేన పార్టీలోకి శ్రీ బైరా దిలీప్ చక్రవర్తి
ప్రముఖ పారిశ్రామికవేత్త, బైరా ఫౌండేషన్ అధినేత శ్రీ బైరా దిలీప్ చక్రవర్తి బుధవారం సాయంత్రం జనసేన పార్టీలో చేరారు. బుధవారం సాయంత్రం జనసేన పార్టీ కార్యాలయంలో ఆయనకు ఉపముఖ్యమంత్రి వర్యులు, జనసేన పార్టీ అధ్యక్షులు శ్రీ @PawanKalyan గారు పార్టీ కండువాను కప్పి పార్టీలోకి ఆహ్వానించారు. నరసరావుపేట ప్రాంతానికి చెందిన శ్రీ బైరా దిలీప్ చక్రవర్తి ప్రజారాజ్యం పార్టీ తరఫున గతంలో సత్తెనపల్లి నియోజకవర్గం నుంచి పోటీ చేశారు. మొదటి నుంచి మెగా కుటుంబంతో సన్నిహితంగా మెలిగిన ఆయన జనసేన పార్టీతోనూ కొన్ని రోజులు ప్రయాణం చేసిన అనంతరం వ్యాపార కార్యకలాపాల్లో బిజీ అయ్యారు. మళ్లీ రాజకీయంగా చురుగ్గా జనసేన పార్టీలోనే తన కార్యకలాపాలను కొనసాగించాలని నిశ్చయించుకొని బుధవారం పార్టీ అధ్యక్షులు శ్రీ పవన్ కళ్యాణ్ గారి సమక్షంలో పార్టీ లో చేరారు. ఈ సందర్భంగా శ్రీ దిలీప్ చక్రవర్తి తాను రచించిన “Life Hacks” పుస్తకాన్ని శ్రీ పవన్ కళ్యాణ్ గారికి అందజేశారు. అనంతరం శ్రీ దిలీప్ చక్రవర్తితో శ్రీ పవన్ కళ్యాణ్ గారు ప్రత్యేకంగా భేటీ అయ్యారు.
— JanaSena Party (@JanaSenaParty) October 14, 2026
