Moto Razr 2022: మోటోరోలా సరికొత్త రికార్డు.. 5 నిమిషాల్లో 10 వేల బుకింగ్స్!

మోటోరోలా తన సరికొత్త ఫ్లాగ్‌షిప్ స్మార్ట్ ఫోన్ మోటొరోలా రేజర్ 2022 చైనాలో లాంచ్ అయింది. మొదటి సేల్‌లో కేవలం ఐదు నిమిషాల్లో 10 వేల యూనిట్లు అమ్ముడుపోయినట్లు కంపెనీ ప్రకటించింది. మనదేశంలో కూడా రేజర్ సిరీస్ ఫోన్లకు మంచి ఫాలోయింగ్ ఉంది. మోటో ప్రియులు చాలా ఆతృతగా ఎదురుచూస్తున్నారు. డిసెంబర్ 15న మనదేశంలో లాంచ్ అయ్యే అవకాశం ఉందని అంచనా. కానీ, అంతవరకు వెయిట్ చేపించక పోవచ్చు. త్వరలోనే లాంచ్ అయ్యే అవకాశం ఉంది. ఇందులో 6.7 అంగుళాల ఓఎల్ఈడీ డిస్‌ప్లేను ప్రధాన స్క్రీన్‌గా అందించారు.

ధర:

ఇందులో రెండు వేరియంట్లు అందుబాటులో ఉన్నాయి. బేస్ వేరియంట్ (8జీబీ + 128జీబీ) స్టోరేజ్ ధర 5,999 యువాన్లు(సుమారు రూ.70,750)గా నిర్ణయించారు. ఇక.. హై ఎండ్ వేరియంట్(12జీబీ + 512జీబీ) స్టోరేజ్ ధర 7,299 యువాన్లు(సుమారు రూ.86,000)గా ఉంది.

స్పెసిఫికేషన్స్, ఫీచర్స్:

ఇందులో 6.7 అంగుళాల ఫోల్డబుల్ పీ-ఓఎల్ఈడీ ప్యానెల్‌ను అందించారు. పంచ్ హోల్ డిస్‌ప్లే ఉంది. స్క్రీన్ రిఫ్రెష్ రేట్ 144 హెర్ట్జ్ కాగా, హెచ్‌డీఆర్10+, డీసీ డిమ్మింగ్ వంటి ఫీచథిస్ అదనంగా ఉన్నాయి. క్వాల్‌కాం స్నాప్‌డ్రాగన్ 8 ప్లస్ జెన్ 1 ప్రాసెసర్‌పై ఈ ఫోన్ పనిచేయనుంది. ఫోల్డ్ చేసినప్పుడు బ్యాక్ ప్యానెల్‌లో 2.7 అంగుళాల పీ-ఓఎల్ఈడీ డిస్‌ప్లేను అందించారు. 16 జీబీ వరకు ర్యామ్, 512 జీబీ వరకు యూఎఫ్ఎస్ 3.1 స్టోరేజ్ ఇందులో ఉన్నాయి. ఆండ్రాయిడ్ 12, యూఐ 4.0 ఆపరేటింగ్ సిస్టంపై ఈ ఫోన్ పనిచేయనుంది.

ఇక.. కెమెరాల విషయానికి వస్తే.. ఫోన్ వెనకవైపు రెండు కెమెరాలు ఉన్నాయి. ప్రధాన కెమెరా సామర్థ్యం 50 మెగాపిక్సెల్ కాగా, 13 మెగాపిక్సెల్ అల్ట్రా వైడ్ యాంగిల్ సెన్సార్ అందించారు. సెల్ఫీలు, వీడియో కాల్స్ కోసం ముందువైపు 32 మెగాపిక్సెల్ కెమెరా ఉంది. బ్యాటరీ సామర్థ్యం 3500 ఎంఏహెచ్‌కాగా, 33W ఫాస్ట్ చార్జింగ్‌కు సపోర్ట్ చేయనుంది. డ్యూయల్ సిమ్, 5జీ, వైఫై 6ఈ, బ్లూటూత్ వీ5.2, జీపీఎస్, ఎన్ఎఫ్‌సీ, యూఎస్‌బీ-సీ పోర్టు ఇందులో ఉన్నాయి.

Moto Razr (2022) is HERE!! 📱📱#motorazr2022 #tech pic.twitter.com/klo7XWFDvk

— Tech Score (@TechScoreNY) August 13, 2022

ఇదీ చదవండి: ఇకపై కెమెరా అవసరం లేదు.. ప్రపంచంలోనే బెస్ట్ కెమెరా ఫోన్ లాంచ్.. ధర ఎంతంటే?

ఇదీ చదవండి: Xiaomi Mix Fold 2: శాంసగ్‌కు పోటీగా అదిరిపోయే ఫీచర్లతో షావోమీ ఫోల్డ్‌ ఫోన్!