follow us:
వెస్టిండీస్ తో జరిగిన రెండవ వన్డేలో టీం ఇండియా సంచలన విజయాన్ని నమోదు చెయ్యగా..ఈ విజయంలో కీలకపాత్ర పోషించిన శుభం గిల్ రోహిత్ శర్మ పై ప్రశంశల జల్లు కురుస్తుంది. ముఖ్యంగా రోకో ద్వయం ఫామ్ టీం ఇండియా అభిమానులకు సంతోషాన్ని కలిగిస్తుండగా ప్రపంచ క్రికెట్ దిగ్గజాలకు సైతం ఆశ్చర్యం కలిగిస్తుంది..మొన్న మొదటి వన్డే లో కోహ్లీ సెంచరీ చెయ్యగా నిన్న రెండవ వన్డేలో హిట్ మ్యాన్ సెంచరీ నమోదు చేశాడు.దింతో వయసు మీద పడుతుంది వచ్చే ప్రపంచ కప్ కి వీరు ఉండరు అనే చర్చ నుండి అసలు వీరిద్దరూ లేకుండా వచ్చే వరల్డ్ కప్ లో టీం ఇండియా జట్టే ఉండదు అన్నట్టుగా మారింది సీన్…
మొదటి వన్డేలో కోహ్లీ 139 పరుగులు చేసి టీం ఇండియా జట్టుని అలవోకగా గెలిపిస్తే రెండవ వన్డేలో రోహిత్ సెంచరీ చేసి జట్టు గెలుపు లో కీలక పాత్ర పోషించాడు..ఈ తరుణంలో రోహిత్ శర్మ సచిన్ టెండూల్కర్ రికార్డును కూడా బద్దలు కొట్టాడు. వన్డే క్రికెట్‌లో అత్యంత వేగంగా 12,000 పరుగులు పూర్తి చేసిన రెండో బ్యాటర్‌గా ఆల్-టైమ్ రికార్డు సృష్టించాడు. సచిన్ 300 ఇన్నింగ్స్‌ల్లో ఈ మైలురాయిని చేరగా, రోహిత్ కేవలం 282 ఇన్నింగ్స్‌ల్లోనే ఈ ఘనత సాధించాడు. మొదటి స్థానంలో 242 ఇన్నింగ్స్‌లతో విరాట్ కోహ్లీ కొనసాగుతున్నాడు. ఈ ఇన్నింగ్స్‌లో రోహిత్ వన్డేల్లో తన 35వ సెంచరీ సాధించాడు…
ఏది ఏమైనా వచ్చే ఏడాది జరగబోయే వరల్డ్ కప్ కి ముందు రోకో ద్వయం అద్భుత ఫామ్ లో ఉండటం ఒకరు కాకపోతే ఇంకొకరు అన్నట్టుగా రెచ్చిపోయి బ్యాటింగ్ చేస్తుండటం అభిమానులకు మాత్రం ఎనలేని సంతోషాన్ని తెచ్చిపెడుతుంది..ఏది ఏమైనా రోహిత్ కోహ్లీ ఫామ్ ఇలానే కొనసాగి వచ్చే వరల్డ్ కప్ లో భారత జట్టుని గెలిపించాలని కోరుకుందాం…
