వరల్డ్ ఛాంపియన్‌షిప్ నుంచి పాకిస్థాన్ అవుట్.. భారత్-పాక్ మ్యాచ్ రద్దు!

క్రికెట్ ప్రపంచంలో మళ్ళీ ఊహించని బిగ్ డ్రామా! యూఏఈ వేదికగా ఎంతో గ్రాండ్‌గా మొదలైన ‘వరల్డ్ ఛాంపియన్‌షిప్ ఆఫ్ లెజెండ్స్ 2026’ నుంచి పాకిస్థాన్ ఛాంపియన్స్ జట్టు పూర్తిగా నిష్క్రమించింది! అసలు టోర్నీ ఆరంభంలోనే ఈ అనూహ్య షాక్ ఎందుకు ఎదురైంది? PCB తీసుకున్న ఈ కఠిన నిర్ణయం వెనుక ఉన్న అసలు కారణం ఏంటి? పూర్తి వివరాలోకి వెళ్తే…

అక్టోబర్ 3 నుంచి అక్టోబర్ 18 వరకు జరగాల్సిన ఈ WCL మూడో సీజన్‌లో అక్టోబర్ 3న షార్జా వేదికగా బంగ్లాదేశ్ ఛాంపియన్స్‌తో పాకిస్థాన్ తమ తొలి మ్యాచ్ ఆడాల్సి ఉంది. కానీ చివరి నిమిషంలో ఈ మ్యాచ్ రద్దయింది! కారణం… పాకిస్థాన్ క్రికెట్ బోర్డు (PCB) తమ రిటైర్డ్ ఆటగాళ్లకు ‘నో-అబ్జెక్షన్ సర్టిఫికెట్’ (NOC) జారీ చేయడానికి స్పష్టంగా నిరాకరించడమే!
కెప్టెన్ షాహిద్ అఫ్రిది, వికెట్ కీపర్ సర్ఫరాజ్ అహ్మద్‌తో సహా చాలామంది పాక్ మాజీ క్రికెటర్లు ఇప్పటికే యూఏఈ చేరినప్పటికీ… బోర్డు అనుమతి లేకపోవడంతో హోటల్ గదులకే పరిమితం కావాల్సి వచ్చింది.”

అసలు PCB ఈ రేంజ్‌లో సీరియస్ నిర్ణయం తీసుకోవడానికి కారణం ఏంటి? దీని వెనుక గత ఏడాది (2025) జరిగిన పెద్ద డ్రామా ఉందనే వార్తలు వినిపిస్తున్నాయి. పోయిన సీజన్‌లో కొన్ని రాజకీయ పరిస్థితుల కారణంగా ఇండియా ఛాంపియన్స్ జట్టు పాకిస్థాన్‌తో ఆడటానికి నిరాకరించడం బోర్డు స్థాయిలో పెద్ద వివాదానికి దారితీసింది. దాంతో ఈసారి పీసీబీ తమ ప్లేయర్లకు ఎన్ఓసీలు బ్లాక్ చేసి ప్రతిచర్యగా ఈ డెసిషన్ తీసుకున్నట్లు సమాచారం.

ఈ నిర్ణయంతో అత్యంత నష్టపోయింది మాత్రం క్రికెట్ అభిమానులే! అక్టోబర్ 10న దుబాయ్ వేదికగా జరగాల్సిన మోస్ట్ అవేటెడ్ ‘భారత్ ఛాంపియన్స్ vs పాకిస్థాన్ ఛాంపియన్స్’ మ్యాచ్ అధికారికంగా రద్దయిపోయింది. దాయాదుల పోరు కోసం ఎంతో ఆసక్తిగా ఎదురుచూసిన ఫ్యాన్స్‌కి ఇది తీరని నిరాశ మిగిల్చింది. పాకిస్థాన్ తప్పుకోవడంతో ఇప్పుడు ఇండియా, ఆస్ట్రేలియా, ఇంగ్లాండ్, సౌతాఫ్రికా, వెస్టిండీస్ మరియు బంగ్లాదేశ్.. ఈ 6 జట్ల మధ్యే పోటీలు జరగనున్నాయి.