పవన్‌ను పొగిడిన సీఎం చంద్రబాబు..ఎందుకో తెలిస్తే

పల్లె పండుగ 3.0 కార్యక్రమానికి సీఎం చంద్రబాబు, డిప్యూటీ సీఎం సీఎం పవన్ కల్యాణ్ శ్రీకారం చుట్టారు. నెల్లూరు జిల్లా వరికుంటపాడు మండలం రామాపురంలో రూ.11,085 కోట్లతో గ్రామీణాభివృద్ధి పనులకు శంకుస్థాపన చేసి శిలాఫలకాన్ని ఆవిష్కరించారు. ఈ నిధుల్లో కేంద్ర వాటా రూ.5,391 కోట్లు కాగా.. రాష్ట్ర ప్రభుత్వం రూ.5,694 కోట్లు ఖర్చు చేయనుంది.

పల్లె పండుగ 3.0ని రూ.11,085 కోట్లతో ప్రారంభించామన్నారు సీఎం చంద్రబాబు. గ్రామాల్లో అద్భుతమైన మార్పునకు నాంది పలుకుతున్నట్లు తెలిపారు. ఏపీని పునర్నిర్మాణం చేస్తామని 2024లో చెప్పామని..చెప్పినట్టుగానే డబుల్ ఇంజిన్ సర్కార్ జెట్ స్పీడ్‌తో ముందుకెళ్తోందన్నారు. 2024 కంటే ఇంకా ఎక్కువ హవా ఇప్పుడు కొనసాగుతోందని… పంచాయతీ ఎన్నికలకు సిద్ధంగా ఉన్నామని తెలిపారు. గ్రామాలను అభివృద్ధి చేస్తున్న పవన్‌కు అభినందనలు తెలిపారు సీఎం. పంచాయతీరాజ్ శాఖలో పవన్ మార్క్ చూపించారని కొనియాడారు. కేంద్ర పథకాలను ఫాలోఅప్ చేసుకుంటూ పల్లెల్లో పనులు చేస్తున్నామన్న సీఎం..వైసీపీ ప్రభుత్వంలో పల్లెలు కన్నీరు పెట్టుకున్నాయి గుర్తుచేశారు.పేదలపై ప్రత్యేక దృష్టి పెట్టామన్న సీఎం.. ఆర్థిక అసమానతలు తొలగించడమే ధ్యేయంగా పనిచేస్తున్నట్లు తెలిపారు