సంజయ్ లీలా భన్సాలీ.. క్లాసికల్ మూవీస్ తో కమర్షియల్ హిట్స్ కొట్టే ఈ టాప్ డైరెక్టర్ గురించి ప్రత్యేకించి పరిచయం అవసరం లేదు. అందమైన ప్రేమ కథలను అంతకన్నా అద్భుతంగా, గ్రాండియర్ గా తెరకెక్కించడంలో భన్సాలీని మించిన వారు లేరు. ఇలాంటి దర్శకుడు జూనియర్ యన్టీఆర్ తో ఓ సినిమా చేయడానికి సిద్దమయ్యాడా అంటే అవుననే సమాధానం వినిపిస్తోంది. ట్విట్టర్ లో ప్రస్తుతం ఇదే టాక్ నడుస్తోంది. ఈ ప్రాజెక్ట్ కి సంబంధించిన టాక్స్ కూడా పూర్తి అయినట్టు సమాచారం.
నిజానికి భన్సాలీ ‘బై బావ్రా’ అనే సినిమా చేస్తున్నట్లు ఆ మధ్య వార్తలొచ్చాయి. దీని కోసం బాలీవుడ్ స్టార్లతో మంతనాలు జరుపుతున్నారని కూడా టాక్ వినిపించింది. కానీ.., ఆ ప్రాజెక్ట్ పట్టాలు ఎక్కలేదు. దీంతో.. ఇప్పుడు భన్సాలీ ఎన్టీఆర్తో ఆ సినిమా గురించే మాట్లాడారా? లేక తారక్ కోసం కొత్త సబ్జెక్టు రెడీ చేశారా అన్న విషయంలో క్లారిటీ రావాల్సి ఉంది.
ఒకవేళ.. ఈ చర్చలు గనుక ఫలించి.. సంజయ్ లీలా భన్సాలీ- జూనియర్ యన్టీఆర్ కాంబో సెట్ అయితే.. ఇది బిగ్గెస్ట్ పాన్ ఇండియా మూవీ అని చెప్పుకోవచ్చు. మరి.. భన్సాలీతో యన్టీఆర్ మూవీ వర్కౌట్ అవ్వాలని మీరు కోరుకుంటున్నారా? ఈ కాంబోపై మీ అభిప్రాయాలను కామెంట్స్ రూపంలో తెలియజేయండి.
