follow us:
కేంద్ర, రాష్ట్ర ప్రభుత్వాలు నిర్భయ, దిశా వంటి కఠినమైన చట్టాలు రూపొందించినా దుర్మార్గుల దారుణాలకు అడ్డు లేకుండా పోతోంది. ఆడది అందంగా కనిపిస్తే చాలు చెల్లి, అక్కా అని వరసలు మరిచి బరితెగించి ప్రవర్తిస్తూ లైంగిక వేధింపులకు పాల్పడుతున్నారు. ఇటు ప్రభుత్వ ఆఫీసుల నుంచి అటు ప్రైవేట్ సంస్థల వరకు అన్ని రంగాల్లో మహిళలకు రక్షణ లేకుండా పోతుంది. పని చేసే సంస్థల్లో మహిళా ఉద్యోగులను లైంగిక వేధింపులకు గురి చేస్తున్నారు.
అచ్చం ఇలాంటి ఘటనలోనే మహిళా ఉద్యోగిపై ఓ అధికారి లైంగిక వేధింపులకు పాల్పడ్డాడు. ఆలస్యంగా వెలుగులోకి వచ్చిన ఈ ఘటన స్థానికంగా తీవ్ర చర్చనీయాంశమవుతోంది. ఇక పూర్తి వివరాల్లోకి వెళ్తే.. మెదక్ జిల్లా సంక్షేమ శాఖలో ఓ మహిళా కాంట్రాక్ట్ బేస్ కింద్ ఉద్యోగం చేస్తుంది. ఇదే డిపార్ట్ మెంటులో ఓ వ్యక్తి పై అధికారిగా విధులు నిర్వర్తిస్తున్నాడు. కాగా ఆ మహిళపై ఆ అధికారి ఎప్పటి నుంచో ఓ కన్నేసి ఉంచి లోబరుచుకునేందుకు అనేక ప్రయత్నాలు కూడా చేశాడు.
ఇది కూడా చదవండి: మగవారిని ‘బట్టతల’ పేరుతో పిలవడం లైంగిక వేధింపే.. కోర్టు సంచలన తీర్పు!
ఇదిలా ఉంటే మహిళా తాను పని చేసే ఒప్పంద సమయం ముగియడంతో మార్చి 30న అదే అధికారి వద్దకు సంతకం కోసం వెళ్లింది. ఇదే అదునుగా భావించాడీ దుర్మార్గుడు. సంతకం పెట్టాలంటే నువ్వు నా కోరిక తీర్చాలని, ఇలా జరిగితే నిన్ను మహారాణిలా చూసుకుంటానంటూ వేధింపులకు గురి చేశాడు. దీంతో ఆ అధికారి మాటలు విని ఆ మహిళకు ఒక్కసారిగా ఒళ్లంతా చెమటలు పట్టాయి. ఇక చెడుగా మాట్లాడిన అధికారి మాటలకు ఆ మహిళా తీవ్ర వేదనకు గురైంది. ఏం చేయాలో అర్థం కాలేదు.
నాకు న్యాయం జరగదేమోనన్న భయం ఆమెను వెంటాడుతూనే ఉంది. వెంటనే శిశు సంక్షేమ శాఖ ప్రత్యేక కార్యదర్శిని కలిసిన ఆ మహిళా తను ఎదుర్కొన్న వేధింపులను వివరించే ప్రయత్నం చేసింది. సదరు మహిళా ఉద్యోగిని లైంగిక వేధింపులకు గురి చేసిన అధికారి బాగోతాన్ని ఎట్టకేలకు బయటపెట్టింది. మహిళా ఫిర్యాదు మేరకు స్పందించిన అధికారులు ఓ కమిటీ ఏర్పాటు చేసి విచారణ జరిపిస్తున్నారు. ఇక నెల నెలలు గడుస్తున్నా ఈ విషయంలో నాకు ఇంత వరకూ ఎలాంటి న్యాయం జరగడం లేదని బాధిత మహిళా తన ఆవేదన వ్యక్తం చేస్తోంది. ఆలస్యంగా వెలుగులోకి వచ్చిన ఈ ఘటన స్థానికంగా తీవ్రచర్చనీయాంశమవుతోంది. మహిళా ఉద్యోగిని లైంగిక వేధింపులకు గురి చేసిన ఈ అధికారి తీరుపై మీ అభిప్రాయాలను కామెంట్ రూపంలో తెలియజేయండి.
మరిన్ని లేటెస్ట్ అప్డేట్స్ కోసం SumanTV App డౌన్లోడ్ చేసుకోండి.
