follow us:
నేటికాలంలో సామాజిక మాద్యమాలు ఎంతగానో ఉపయోగపడుతున్నాయి. ప్రజాప్రతినిధులు ప్రజల సమస్యలను తెలుసుకునేందుకు సోషల్ మీడియా ఫ్లాట్ ఫామ్స్ ఉపయోగపడతాయి. అలా సోషల్ మీడియా ద్వారా ప్రజల సమస్యలను తెలుసుకోవడంలో తెలంగాణ రాష్ట్ర మంత్రి కల్వకుంట్ల తారక రామరావు ముందుటారు. ఈయన సోషల్‌మీడియాలో యాక్టివ్‌గా ఉంటూ ప్రజా సమస్యలు, ఇతర విషయాలపై వెంటనే స్పందిస్తుంటారు. తెలంగాణ ప్రజలు కూడా ఎక్కడ ఏ సమస్య ఉన్నా సోషల్ మీడియా ద్వారా ఆయన తెలియజేస్తుంటారు. తాజాగా ఓ తల్లి రాసిన లేఖ మంత్రి కేటీఆర్ ను కదిలించింది. సదరు లేఖపై వెంటనే స్పందించిన మంత్రి సోషల్ మీడియా వేదికగా ట్వీట్ చేశారు. ఇంతకీ ఆమె రాసిన లేఖలో ఏమి ఉందో ఇప్పుడు తెలుసుకుందాం..
హైదరాబాద్ కు చెందిన ఓ మహిళ తన ఐదేళ్ల కొడుకుతో ఇటీవల జూబ్లీహిల్స్ లోని కేబీఆర్ పార్క్ కి వెళ్లింది. ఆ సమయంలో పార్క్ లో నెమళ్ల ఈకలను అక్కడ పడి ఉండటాని ఆ మహిళ కుమారుడు గమనించాడు. వెంటనే ఆ ఈకలను తీసుకుని భద్రపరుచుకున్నాకడు. చివరికి తిరిగి వెళ్లేటప్పపుడు ఆ ఈకలను తన వెంట తీసుకెళ్తున్నాడు. ఈక్రమంలో పార్క్ గేటు వద్ద సెక్యూరిటీ సిబ్బంది ఆ బాలుడిని అడ్డుకున్నారు. వన్య ప్రాణుల సంరక్షణ చట్టం ప్రకారం నెమలిని చంపడ కానీ, బాధించడం కానీ చట్టరీత్య నేరమని చెప్పి ఈకలను తిరిగి స్వాధీనం చేసుకున్నారు. దీంతో బాలుడు చాలా నిరుత్సాహానికి గురయ్యాడు. బాలుడి బాధను చూసి తల్లి మనస్తాపం చెందింది. కేబీఆర్ పార్క్ లో జరిగిన ఘటనపై కేటీఆర్ కి లేఖ రాసింది సదరు మహిళ.
కేటీఆర్ కి రాసిన లేఖలో.. “నెమళ్ల సంచరిస్తున్న సమయంలో నేలపై జారిపడిన వాటి ఈకలను తీసుకోవడం జాతీయ పక్షి నెమలిని బాధించడం ఎలా అవుతుంది?. నెమలి ఈకలు అలా పాడైపోవడం కంటే చిన్నారులకు సంతోషం కలిగిస్తే తప్పులేదు కదా?” అంటూ లేఖ రాసింది. ఈ లేఖ మంత్రి కేటీఆర్ దృష్టికి చేరడంతో ఆయన స్పందించారు. “పార్క్ లో పడిపోయిన నెమలి ఈకలను తీసుకెళ్లేందుకు చిన్నారులకు పర్మిషన్ ఇవ్వాలని కోరుతూ కేబీఆర్ పార్క్ అధికారులను కోరుతున్నా” అంటూ ట్వీట్ చేశారు. ప్రస్తుతం ఈ ట్వీట్ సోషల్ మీడియాలో వైరల్ గా మారింది. మరి.. ఆ తల్లి లేఖకు కేటీఆర్ స్పందించిన తీరుపై మీ అభిప్రాయాలను కామెంట్స్ రూపంలో తెలియజేయండి.
This letter from the mother of a young child was touching
Since Peacock is the national bird, rules are strict about carrying peacock feathers under Wildlife Protection Act
I request the KBR park authorities to make an exemption ONLY for kids when they are carrying feathers pic.twitter.com/uSx5722EUH
— KTR (@KTRTRS) September 19, 2022
