మ్యాచ్‌ తర్వాత వెక్కివెక్కి ఏడ్చిన ఫెదరర్‌, నాదల్‌! భావోద్వేగానికి గురైన కోహ్లీ

టెన్నిస్‌ దిగ్గజం రోజర్‌ ఫెదరర్‌ తన కెరీర్‌లో చివరి మ్యాచ్‌ ఆడిన తర్వాత తీవ్ర భావోద్వేగానికి గురయ్యాడు. కొన్ని రోజుల క్రితమే ఆటకు రిటైర్మెంట్‌ ప్రకటించిన రోజర్‌.. శుక్రవారం చివరి మ్యాచ్‌ ఆడాడు. తన చిరకాల ప్రత్యర్థి రాఫెల్‌ నాదల్‌తో కలిసి డబుల్స్‌ ఆడిన ఫెదరర్‌ ఓటమితో తన కెరీర్‌ను ముగించాడు. లండన్‌లో జరిగిన డబుల్స్ మ్యాచ్‌లో నాదల్-ఫెదరర్ జోడీపై జాక్ సాక్- ఫ్రాన్సిస్ టియాఫో 4-6 7-6 11-9 తేడాతో విజయం సాధించింది. ఈ మ్యాచ్‌ తర్వాత రోజర్‌ కన్నీళ్లు ఆపుకోలేకపోయాడు. రిటైర్మెంట్‌ ప్రకటనను ముందే చేసిన ఫెదరర్‌.. ఇదే తన చివరి మ్యాచ్‌గా వెల్లడించాడు. దీంతో మ్యాచ్‌ ముగిసిన తర్వాత తన కెరీర్‌లో సహకరించిన ప్రతి ఒక్కరికి కృతజ్ఞతలు తెలుపుతూ.. కన్నీటి పర్యంతమయ్యాడు.

ఫెదరర్‌ కన్నీళ్లు పెట్టుకోవడం చూసి.. రాఫెల్‌ నాదల్‌తో పాటు జోకోవిచ్‌ కూడా వెక్కివెక్కి ఏడ్చారు. దిగ్గజ ఆటగాళ్లు ఇలా కన్నీళ్లు పెట్టుకోవడంతో అక్కడున్న టెన్నిస్‌ అభిమానులు సైతం కన్నీటి పర్యంతమయ్యారు. రోజర్‌ ఇకపై టెన్నిస్‌ కోర్టులో దిగడనే నిజాన్ని వాళ్లు జీర్ణించుకోలేకపోయారు. ఫెదరర్‌ మాట్లాడుతూ.. తన కెరీర్‌లో ఎంతో మంది తోడ్పాటు అందించారని వారందరి ధన్యవాదాలు తెలిపాడు. ముఖ్యంగా తన భార్య అందించిన సపోర్టు మరువలేనిదని అన్నాడు. తల్లిదండ్రులు లేకుంటే తాను లేనని రోజర్‌ పేర్కొన్నాడు. రాకెట్‌ పట్టుకుకోకుండా తర్వాతి జీవితం ఎలా గడపాలో తనకు అర్థం కావడంలేదని ఫెదరర్‌ కన్నీళ్లు పెట్టుకున్నాడు.

ఫెదరర్‌, రాఫెల్‌ నాదల్‌ తమ టెన్నిస్‌ కొన్ని ఏళ్ల పాటు హోరాహోరీగా తలపడ్డారు. ఈ ఇద్దరు మ్యాచ్‌ ఆడుతుంటే చూసేందుకు రెండు కళ్లు సరిపోవు. అలాంటి ఆటగాళ్లు ఇలా చిన్నపిల్లలా ఏడ్వడంతో టెన్నిస్‌ అభిమానులతో పాటు టీమిండియా మాజీ కెప్టెన్‌ విరాట్‌ కోహ్లీ సైతం భావోద్వేగానికి గురయ్యాడు. ‘ఇద్దరు ప్రత్యర్థులు ఇలా ఒకరి కోసం ఒకరు కన్నీళ్లు పెట్టుకుంటారని ఎవరూ అనుకోలేదు. ఆటలో ఉండే బ్యూటీ అదే. నా జీవితంలో ఇదే బ్యూటీఫుల్‌ స్పోర్టింగ్‌ పిక్చర్‌. మీ ప్రత్యర్థి మీ కోసం ఏడ్చినప్పుడు.. దేవుడు ఇచ్చిన టాలెంట్‌తో మీరు ఏం చేశారో తెలుస్తుంది. ఈ ఇద్దరి(ఫెదరర్‌, నాదల్‌)ని గౌరవించడం తప్ప ఇంకే చేయలేం’ అంటూ ట్విట్‌ చేశాడు. ప్రస్తుతం కోహ్లీ ట్వీట్‌ వైరల్‌గా మారింది. మరి ఈ విషయంలో మీ అభిప్రాయాలను కామెంట్ల రూపంలో తెలియజేయండి.

Who thought rivals can feel like this towards each other. That’s the beauty of sport. This is the most beautiful sporting picture ever for me🙌❤️🫶🏼. When your companions cry for you, you know why you’ve been able to do with your god given talent.Nothing but respect for these 2. pic.twitter.com/X2VRbaP0A0

— Virat Kohli (@imVkohli) September 24, 2022

ఇది కూడా చదవండి: రోహిత్‌ పిచ్చికొట్టుడు.. తొలి ఓవర్‌ తర్వాత మళ్లీ బాల్‌ ముట్టుకోని నెం.1 బౌలర్‌!