follow us:
కెరీర్‌ ఆరంభం నుంచి తనదైన శైలిలో పరుగుల వరద పారించాడు విరాట్‌ కోహ్లీ. ధోని టీమిండియా కెప్టెన్‌గా ఉన్న సమయంలో జట్టులోకి వచ్చి ఒక స్ట్రాంగ్‌ మిడిల్డార్‌ ప్లేయర్‌గా మారిపోయాడు. సచిన్‌, సెహ్వాగ్‌ లాంటి స్టార్లు రిటైర్‌ అవుతున్న వేళ టీమిండియాకు కొండంత అండై నిలిచాడు. ధోని కెప్టెన్సీలో తనపై ఎలాంటి ఒత్తిడి లేకుండా ప్రశాంతంగా పరుగులు చేసుకుంటూ పోయాడు. కొన్ని రోజులకు టీమిండియాకు వైస్‌ కెప్టెన్ కూడా అయ్యాడు. ధోనికి డిప్యూటీగా తన బాధ్యతను నిర్వర్తిస్తూ.. జట్టును ధోనితో పాటు ముందుకు నడిపించాడు. వీరిద్దరి జోడి చాలా కాలం పాటు విజయవంతంగా సాగింది.
నిజానికి వీరిద్దరి టీమిండియాను నడిపిస్తున్న కాలాన్ని గోల్డెన్‌ టైమ్‌గా చెప్పుకోవచ్చు. కెప్టెన్‌గా ధోని ఉండగా వ్యూహాలకు కొదవలేదు.. కోహ్లీ టీమ్‌లో ఉండగా బ్యాటింగ్‌ గురించి చింత ఉండేది. ఇలా వీరిద్దరూ కలిసి టీమిండియాను మరో లెవెల్‌కు తీసుకెళ్లారు. ఆ తర్వాత ధోని అంతర్జాతీయ క్రికెట్‌కు వీడ్కోలు పలికి కోహ్లీ కెప్టెన్ అవ్వడం.. ధోని వారసత్వాన్ని కొనసాగించి.. తాను కెప్టెన్‌గా తప్పుకుని రోహిత్‌కు ఆ బాధ్యతలు అప్పగించడం కూడా జరిగింది పోయింది. ఇలా ఏళ్ల గడిచిపోయినా.. విరాట్‌ కోహ్లీ మాత్రం తన కెప్టెన్ ధోనితో గడిపిన క్షణాలను మరోసారి గుర్తు చేసుకుని ఒకింత భావోద్వేగానికి గురైయ్యాడు. 2016 టీ20 వరల్డ్‌ కప్‌లో మొహాలీలో ఆస్ట్రేలియాతో జరిగిన మ్యాచ్‌లో కోహ్లీ-ధోని క్రీజ్‌లో ఉన్న ఫొటోను కోహ్లీ తన సోషల్‌ మీడియాలో అకౌంట్లలో షేర్‌ చేశాడు.
‘ఈ మనిషికి డిప్యూటీగా ఉండటం నా కెరీర్‌లోనే ఎంతో ఆనందకరమైన, ఉత్తేజకరమైన క్షణాలు. మా పార్ట్నర్‌షిప్‌ నాకెప్పుడూ ప్రత్యేకమే. 7+18’ అంటూ ధోనిని ఉద్దేశిస్తూ పోస్ట్‌ చేశాడు. ప్రస్తుతం విరాట్‌ చేసిన ఈ పోస్టు సోషల్‌ మీడియాలో వైరల్‌గా మారింది. ధోని, కోహ్లీ అభిమానులు ఈ పోస్టును తెగ షేర్‌ చేస్తున్నారు. జట్టులో విరాట్‌ కోహ్లీ ఎదుగుదలను దగ్గరుండి చూసిన ధోని.. అతను కెప్టెన్సీ చేపట్టేందుకు సిద్ధమైన సమయం చూసి కెప్టెన్‌గా పక్కకు తప్పుకున్నాడు. ఈ విషయాన్ని ధోనినే ఒక సారి వెల్లడించాడు. తన తర్వాత జట్టును అంతే సమర్థంగా నడిపించే వ్యక్తి దొరికాడనే నమ్మకం తనకి వచ్చినట్లు తెలిపాడు.
ఇక విరాట్‌ కోహ్లీ కూడా తన కెప్టెన్ ధోనిపై అనేక సార్లు ప్రేమాభిమానలు చాటుకున్నాడు. ఈ పోస్టుతో ధోని అంటే తనకెంత ఇష్టమో మరోసారి వెల్లడించాడు. కానీ.. ఇప్పుడు ఈ పోస్టు చేయడానికి కారణం మాత్రం వెల్లడించలేదు. కాగా.. ప్రస్తుతం కోహ్లీ ఆసియా కప్‌ కోసం యూఏఈలో ఉన్నాడు. ఈ నెల 28న పాకిస్థాన్‌తో జరగబోయే మ్యాచ్‌తో కోహ్లీ బరిలోకి దిగనున్నాడు. ఫామ్‌లేమితో ఇబ్బంది పడుతున్న కోహ్లీ ఇంగ్లండ్‌ పర్యటన తర్వాత రెస్ట్‌లో ఉన్న విషయం తెలిసిందే. తాజాగా ఆసియా కప్‌తో తిరిగి జట్టులోకి వచ్చాడు. మరి ధోని గురించి కోహ్లీ చేసిన పోస్ట్‌పై మీ అభిప్రాయాలను కామెంట్ల రూపంలో తెలియజేయండి.
ఇది కూడా చదవండి: అరుదైన రికార్డు సృష్టించిన జేమ్స్‌ అండర్స్‌న్‌.. క్రికెట్ చరిత్రలోనే ఒకే ఒక్కడిగా!
Being this man’s trusted deputy was the most enjoyable and exciting period in my career. Our partnerships would always be special to me forever. 7+18 ❤️ pic.twitter.com/PafGRkMH0Y
— Virat Kohli (@imVkohli) August 25, 2022
View this post on Instagram
