IPL 2023 ఆరంభానికి ముందు షాక్! గాయంతో స్టార్ ప్లేయర్ దూరం!

ఐపీఎల్ 2023 సీజన్ ఆరంభానికి ముందు రాజస్థాన్​ రాయల్స్ జట్టుకు భారీ ఎదురుదెబ్బ తగిలింది. టీమిండియా స్టార్ బౌలర్ ప్రసిద్ధ్ కృష్ణ ఐపీఎల్ 2023 దూరమయ్యాడు. గాయం కారణంగా అతడు ఈ సీజన్​ మొత్తానికి దూరంగా ఉండనున్నాడు. గత ఏడాది సెప్టెంబర్​లో గాయపడిన ప్రసిద్ధ్ కృష్ణ.. వారం రోజుల కిందటే వెన్నెముకకు సర్జరీ చేయించుకున్నాడు. న్యూజిలాండ్ – ఏ టీమ్​తో అనధికార టెస్టు సిరీస్ జరిగిన సమయంలో అతడు గాయపడ్డాడు. దీంతో ఆ సిరీస్​లో ప్రసిద్ధ్ ప్లేసులో శార్దూల్ ఠాకూర్​ను బీసీసీఐ ఆడించింది.

గత సీజన్​లో అద్భుతమైన ఆటతీరుతో ఫైనల్స్​కు చేరుకున్న రాజస్థాన్​ రాయల్స్.. ఆఖరి ఆటలో గుజరాత్​ టైటాన్స్​ చేతిలో ఓడిపోయి రన్నరప్​గా నిలిచింది. మంచి పేస్​తో వికెట్లు తీసే ప్రసిద్ధ్ కృష్ణ లేని లోటు రాయల్స్ బౌలింగ్ అటాక్​లో కనిపించే అవకాశం ఉంది. ఇక, టీమిండియా తరఫున అరంగేట్రం చేసినప్పటి నుంచి మంచి పెర్ఫామెన్స్​తో అందర్నీ ఆకట్టుకున్నాడు ప్రసిద్ధ్ కృష్ణ. ఇండియా టీమ్​ తరఫున 14 వన్డేలు ఆడిన అతడు.. 5.32 ఎకానమీతో 25 వికెట్లు తీసి తానేంటో నిరూపించుకున్నాడు.

భారత జట్టు​ తరఫున ఆడినప్పుడు ప్రసిద్ధ్ చూపిన పెర్ఫామెన్స్​ గతేడాది వేలంలో అతడికి బంపర్ ఆఫర్ దక్కేలా చేసింది. 2022 ఐపీఎల్​ మినీ వేలంలో రూ.10 కోట్లు పెట్టి అతడ్ని దక్కించుకుంది రాజస్థాన్​ రాయల్స్. కాగా, ప్రసిద్ధ్ కృష్ణ గాయం నుంచి కోలుకునేందుకు 6 నుంచి 8 నెలల వరకూ సమయం పడుతుందని డాక్టర్లు తెలిపారు. రాయల్స్ జట్టు తరఫున గత సీజన్​లో 19 వికెట్లు పడగొట్టాడు ప్రసిద్ధ్​. టీమ్ ఫైనల్ చేరడంలో అతడి పాత్ర కూడా ఎంతో ఉంది. అలాంటి ఫాస్ట్ బౌలర్​ ఈ ఏడాది సీజన్​ మొత్తానికి దూరం కానుండటం రాయల్స్ ఆత్మవిశ్వాసాన్ని దెబ్బతీస్తుందని చెప్పొచ్చు. అయితే రాజస్థాన్​ బౌలింగ్ దళంలో నవ్​దీప్​ సైనీ, ట్రెంట్ బౌల్ట్, ఓబెడ్, మెక్​కాయ్ లాంటి స్పీడ్​స్టర్లు ఉండటం గమనార్హం. వీళ్లు బౌలింగ్​లో ఎలా రాణిస్తారనే దాన్ని బట్టే జట్టు విజయావకాశాలు ఆధారపడి ఉంటాయి.

Prasidh Krishna has been ruled out of Rajasthan Royals’ 2023 season due to a lumbar stress fracture, for which he needs surgery #IPL2023 pic.twitter.com/4WzzbIhOG5

— ESPNcricinfo (@ESPNcricinfo) February 17, 2023