దిల్షాన్​ది కూడా కార్తీక్ లాంటి కథే.. ప్రాణ స్నేహితుడితోనే భార్య అలా!

క్రికెట్ ఆడే దేశాలు ఎన్నో ఉన్నప్పటికీ జెంటిల్మన్ గేమ్​కు ఎక్కువ పాపులారిటీ ఉన్నది మాత్రం ఆసియా దేశాల్లోనే. ఇండియా, పాకిస్థాన్, శ్రీలంక, బంగ్లాదేశ్​ లాంటి కంట్రీస్​లో క్రికెట్​ను ఒక మతంగా ఆరాధించే వారు కోట్లాది మంది ఉన్నారు. అందుకే ఆయా దేశాల్లో క్రికెటర్లకు అంత ఫ్యాన్ ఫాలోయింగ్. క్రికెటర్ల విషయంలో వాళ్ల ఆటతీరుతో పాటు పర్సనల్ లైఫ్​లోని అంశాలు కూడా హైలైట్ అవుతుంటాయి. ముఖ్యంగా క్రికెటర్ల గర్ల్ ఫ్రెండ్స్ ఎవరు? వాళ్లకు బ్రేకప్ అయిందా? ఏ క్రికెటర్ ఎవర్ని పెళ్లాడాడు లాంటి విషయాలు తెలుసుకునేందుకు అభిమానులు ఎక్కువగా ఆసక్తి చూపిస్తుంటారు. అయితే భార్యల చేతుల్లో మోసపోయిన క్రికెటర్లు కూడా ఉన్నారని మీకు తెలుసా? ఈ లిస్టులో ఉన్న క్రికెటర్ల భార్యలు డివోర్స్ తీసుకొని తమ భర్త స్నేహితుడ్ని మ్యారేజ్ చేసుకున్నారు.

భార్యల ద్వారా మోసపోయిన క్రికెటర్ల లిస్టులో టీమిండియా వికెట్ కీపర్ దినేష్ కార్తీక్​తో పాటు శ్రీలంక మాజీ బ్యాటర్ తిలకరత్నే దిల్షాన్ కూడా ఉన్నాడు. చిన్ననాటి స్నేహితురాలు నికితా వంజారాను 2007లో పెళ్లి చేసుకున్నాడు దినేష్ కార్తీక్. కానీ వాళ్ల వివాహ బంధం 5 ఏళ్లు మాత్రమే కొనసాగింది. మ్యారేజ్ అయిన కొన్నేళ్లకు కార్తీక్​ను మోసం చేసి 2012లో మరో భారత క్రికెటర్ మురళీ విజయ్​ను పెళ్లాడింది నికితా వంజార. కార్తీక్-విజయ్​లు చాలా మంచి ఫ్రెండ్స్. ఫస్ట్​క్లాస్​ క్రికెట్​లో ఇద్దరూ కలసి తమిళనాడుకు ఆడేవారు. అయితే నికిత తనను మోసం చేసి విజయ్​ను పెళ్లాడటంతో అతడితో ఉన్న స్నేహానికి ఎండ్​కార్డ్ వేశాడు కార్తీక్. ఆ తర్వాత స్క్వాష్ క్రీడాకారిణి దీపికా పల్లికల్​తో ప్రేమలో పడ్డాడు. డీకే-దీపికలు 2015లో వివాహ బంధంతో ఒక్కటయ్యారు.

శ్రీలంక వెటరన్ ప్లేయర్ తిలకరత్నే దిల్షాన్ కూడా భార్యా బాధితుడే. అతడిది దినేష్ కార్తీక్​ను మించిన కథ. దిల్షాన్ ఫస్ట్ వైఫ్ నీలంక వితేజ్ అతడ్ని వదిలి మరో క్రికెటర్​ను పెళ్లాడింది. దిల్షాన్ భార్య మ్యారేజ్ చేసుకుంది మరెవర్నో కాదు.. అతడి బ్యాటింగ్ పార్ట్​నర్ ఉపుల్ తరంగనే కావడం గమనార్హం. లంక తరఫున తరంగ-దిల్షాన్ కలసి ఎన్నో అద్భుతమైన ఇన్నింగ్స్​లు ఆడారు. జట్టు ఓపెనింగ్ బాధ్యతను చాన్నాళ్లపాటు మోశారు. వీళ్లిద్దరూ ప్రాణస్నేహితులు కావడం విశేషం. అయితే తన భార్యతో తరంగ రిలేషన్ గురించి తెలియడంతో దిల్షాన్​ తట్టుకోలేక అతడికి దూరమయ్యాడు. ఇక, నీలంక నుంచి విడాకులు తీసుకున్న తర్వాత మంజుల తిలిని అనే నటిని దిల్షాన్ పెళ్లాడాడు. అయితే మొదటి భార్య మోసం చేయడంతో దిల్షాన్ తన కొడుకును కూడా దత్తత తీసుకోలేదు. అతడి కుమారుడు తరంగ-నీలంకతో కలసి ఉంటున్నాడు.