వీడియో: ఒంటిచేత్తో కళ్లు చెదిరే క్యాచ్.. సూపర్‌ మ్యాన్‌లా డైవ్‌ చేస్తూ!

ఇంగ్లాండ్​ వేదికగా జరుగుతున్న రాయల్ వన్డే కప్ లో ఆస్ట్రేలియా ఆటగాడు మాట్‌ రెన్‌ షా అద్భుత క్యాచ్​తో మెరిశాడు. కళ్లు చెదిరే రీతిలో ఒంటిచేత్తో బంతిని పట్టుకుని అబ్బురపరిచాడు. సోమర్‌ సెట్‌ తరపున ప్రాతినిద్యం వహిస్తున్న రెన్ షా, సర్రేతో జరిగిన మ్యాచ్‌లో ఈ క్యాచ్ అందుకున్నాడు. అందుకు సంబంధించిన వీడియో సోషల్​ మీడియాలో వైరలవుతోంది.

‘మాట్‌ రెన్‌ షా’ రాయల్‌ లండన్‌ వన్డే కప్‌లో సోమర్‌ సెట్‌ తరపున ప్రాతినిద్యం వహిస్తున్నాడు. టోర్నీలో భాగంగా బుధవారం సర్రేతో జరిగిన మ్యాచ్‌లో రెన్‌ షా సంచలన క్యాచ్‌తో అభిమానులను ఆశ్చర్యపరిచాడు. సర్రే ఇన్నింగ్స్ ఆరో ఓవర్‌ ఆల్డ్రిడ్జ్ బౌలింగ్‌లో.. ర్యాన్‌ పటేల్‌ ఢిఫెన్స్‌ ఆడటానికి ప్రయత్నించాడు. అయితే బంతి ఎడ్జ్‌ తీసుకుని సెకెండ్‌ స్లిప్‌ దిశగా వెళ్లింది. ఈ క్రమంలో సెకెండ్‌ స్లిప్‌లో ఫీల్డింగ్ చేస్తున్న రెన్‌ షా డైవ్‌ చేస్తూ సింగిల్‌ హ్యాండ్‌తో అద్భుతమైన క్యాచ్‌ను అందుకున్నాడు. ఈ క్యాచ్ చూసిన నెటిజన్స్ జాంటీరోడ్స్ 2.0 వర్షన్, ఆధునిక జాంటీరోడ్స్ అంటూ కామెంట్స్ చేస్తున్నారు.

ఇక​ మ్యాచ్‌ విషయానికి వస్తే.. డక్‌వర్త్‌ లూయిస్‌ పద్దతిలో సర్రే 43 పరుగుల తేడాతో విజయం సాధించింది. తొలుత టాస్‌ గెలిచిన సర్రే నిర్ణీత 50 ఓవర్లలో 9 వికెట్ల నష్టానికి 302 పరుగులు చేసింది. అనంతరం 303 పరుగుల లక్ష్యంతో బరిలోకి దిగిన సోమర్‌సెట్‌కు వర్షం ఆటంకం కలిగించింది. మ్యాచ్‌ నిలిపోయే సమయానికి సోమర్‌సెట్‌12 ఓవర్లలో మూడు వికెట్లు కోల్పోయి 68 పరుగులు చేసింది. అయితే.. వర్షం తగ్గుముఖం పట్టకపోవడంతో డక్‌వర్త్‌ లూయిస్‌ పద్దతిలో సర్రేను విజేతగా నిర్ణయించారు.

One of the greatest catches you will see in a long time…

LIVE STREAM ➡️ https://t.co/dF6GhNA901 #SURvSOM#WeAreSomerset https://t.co/hEzrqhCsx8 pic.twitter.com/cIGNGmLhhX

— Somerset Cricket 🏏 (@SomersetCCC) August 17, 2022

• ఇదీ చదవండి: హార్దిక్‌ పాండ్యాతో దినేశ్ కార్తీక్ భార్య దీపికా చాటింగ్‌!
• ఇదీ చదవండి: IND vs ZIM: వీడియో: జనగణమన పాడుతుండగా ఇషాన్ కిషన్ చెవిలో దూరిన తేనెటీగ..!