follow us:
బజ్ బాల్ క్రికెట్ అంటూ టెస్టు క్రికెట్ కి కొత్త నిర్వచనం చెప్పి అభిమానులని ఎట్రాక్ట్ చేస్తుంది ఇంగ్లాండ్ క్రికెట్ టీం. ప్రస్తుతం భారత క్రికెటర్లకు ఎలాంటి మ్యాచులు లేవు. ఆఫ్ఘనిస్తాన్ తో జరగాల్సిన వన్డే సిరీస్ కూడా వెనక్కి వెళ్ళిపోయింది. దీంతో ఇప్పుడు మన వారి దృష్టి యాషెస్ మీదకి మళ్లింది.
సాధారణంగా యాషెస్ వస్తుందంటే చాలు ఇంగ్లాండ్, ఆస్ట్రేలియా దేశాల్లో పండగ వాతావరణం నెలకొంటుంది. 140 ఏళ్లకు పైగా చరిత్ర ఉన్న యాషెస్ ని .. ఇంగ్లాండ్, ఆస్ట్రేలియా క్రికెట్ టీమ్స్ ఎంతో ప్రతిష్టాత్మకంగా భావిస్తాయి. నాలుగేళ్ళకు ఒకసారి వచ్చే వరల్డ్ కప్ కి యాషెస్ కి ఈ రెండు దేశాలు సమాన ప్రాధాన్యం ఇస్తాయి. ఈ సిరీస్ కి ముందు డబ్ల్యూటీసీ ఫైనల్ జరిగిన సంగతి తెలిసిందే. ఈ మ్యాచ్ లో ఆసీస్ ఘన విజయం సాధించినా.. వారి దృష్టి మొత్తం యాషెస్ మీదే ఉంది. ఇక ఈ మ్యాచ్ అనంతరం స్టీవ్ స్మిత్ మాకు డబ్ల్యూటీసీ ఫైనల్ కన్నా యాషెస్ ముఖ్యం అని బహిరంగగానే చెప్పడం ఈ సిరీస్ క్రేజ్ గురించి తెలియజేస్తుంది. అయితే ఇప్పుడు యాషెస్ ఇండియాలో కూడా పాపులారిటీ సంపాదించుకుంటుంది.
యాషెస్ అంటే సహజంగా ఇండియన్ క్రికెట్ లవర్స్ పెద్దగా ఆసక్తి చూయించకపోయినా .. ఎప్పటికప్పుడు ఫాలో అవుతూ ఉంటారు. అయితే ప్రస్తుతం జరిగే యాషెస్ మాత్రం చాలా భిన్నంగా జరుగుతుంది. ఒక టెస్టు లాగా కాకుండా వన్డేని తలపిస్తుంది. గత కొన్ని నెలలుగా ఇంగ్లాండ్ బజ్ బాల్ అంటూ అనుసరిస్తున్న ఫార్ములానే దీనికి కారణం. దీంతో ఇంగ్లాండ్ తో టెస్టు మ్యాచ్ లు అంటే ఆడియన్స్ కి ఒక కొత్త రకమైన ఫీలింగ్ ఏర్పడుతుంది. మ్యాచ్ చూడాలనే భావన కలుగుతుంది. దీనికి తోడు ఇంగ్లాండ్ లో అందరూ కూడా వచ్చిన వారు వచ్చినట్లుగా చెలరేగి ఆడుతున్నారు. మాములుగా యాషెస్ కి క్రేజ్ ఉంటుంది. ఇప్పుడు ఇంగ్లాండ్ ఆటగాళ్లు అనుసరిస్తున్న బజ్ బాల్ తీరు అందరికీ తెగ నచ్చేస్తుంది.
టీంఇండియాలో క్రికెట్ కి ఎంత ఫేమస్ అనే విషయం ప్రత్యేకంగా చెప్పనవసరం లేదు. ప్రస్తుతం భారత క్రికెటర్లకు ఎలాంటి మ్యాచులు లేవు. ఆఫ్ఘనిస్తాన్ తో జరగాల్సిన వన్డే సిరీస్ కూడా వెనక్కి వెళ్ళిపోయింది. దీంతో ఇప్పుడు మన వారి దృష్టి యాషెస్ మీదకి మళ్లింది. అసలే క్రికెట్ అంటే పడి చచ్చే మన ఇండియన్స్.. యాషెస్ చూస్తూ ఎంజాయ్ చేస్తున్నారు. అంతే కాదు ఈ మ్యాచ్ థ్రిల్లింగ్ ఎండ్ ఇవ్వడంతో మన దేశంలో కూడా యాషెస్ చూసేవారి సంఖ్య పెరిగిన ఆశ్చర్యం లేదు. సోనీలో ప్రసారమవుతున్న యాషెస్ ని మన ఇండియన్స్ చాలా ఆసక్తికరంగా చూడడం యాషెస్ కి మరింతగా క్రేజ్ తీసుకొచ్చింది. మరి ఇంగ్లాండ్, ఆస్ట్రేలియాలో ఫేమస్ అవుతున్న యాషెస్ ని మన వారు కూడా ఆదరిస్తే ఇక తిరుగుండదు. ఈ విషయంలో మీ అభిప్రాయాలను కామెంట్ల రూపంలో తెలపండి.
