follow us:
ప్రధాని మోదీ వ్యక్తిగత, కుటుంబ జీవితం గురించి తెలియదు. ఆయనకు నలుగురు సోదరులు, ఓ సోదరి ఉన్నారు. ఆయనకు భార్య ఉందన్న విషయం కూడా ప్రధాని మోదీ చెబితేనే తెలిసింది. ఆయన తల్లి ఇటీవల కన్నుమూసిన సంగతి విదితమే. ఇప్పుడు ఆయన సోదరుడు అస్వస్థతకు గురయ్యారు.
ప్రధాని నరేంద్ర మోదీ వ్యక్తిగత జీవితం తెరవని పుస్తకం వంటిది. రాజకీయ జీవితమే అందరికీ తెలుసు. ఆయనకు పెళ్లైందన్న విషయం కూడా 2014లో జరిగిన సార్వ్రతిక ఎన్నికల సమయంలోనే తెలిసింది. అప్పటి వరకు గుజరాత్ ముఖ్యమంత్రిగా ఉన్న ఆయన ఆ ఏడాది తొలిసారిగా ప్రధాని పదవి రేసులోకి వచ్చారు. అప్పుడు సమర్పించిన అఫిడవిట్ లో మాత్రమే తన భార్య పేరు నమోదు చేశారు. ఆమె తల్లి హీరా బెన్ మోదీ ఇటీవల కన్నుమూసిన సంగతి విదితమే. తాజాగా ఆయన సోదరుడు అస్వస్థతకు గురయ్యారు. ప్రధాని నరేంద్ర మోదీకి నలుగురు సోదరులు సోమ మోదీ, అమృత్ మోదీ, పంకజ్ మోదీ, ప్రహ్లాద్ మోదీలతో పాటు సోదరి వాసంతి బెన్ కూడా ఉన్నారు.
ప్రధాని మోడీ సోదరుడు ప్రహ్లాద్ మోడీ అస్వస్థతకు గురయ్యారు. అనారోగ్య సమస్యలతో బాధపడుతూ చెన్నైలోని ఓ ఆసుప్రతిలో చేరినట్లు సమాచారం. ప్రహ్లాద్ ప్రధాని మోదీకి తమ్ముడు. వీరి కుటుంబంలో ఆయన నాలుగో వ్యక్తి. ప్రహ్లాద్ మోదీ గత కొంతకాలంగా కిడ్నీ సమస్యతో బాధపడుతున్నాడు. మంగళవారం అయనంబక్కంలోని ఓ ప్రైవేట్ ఆస్పత్రిలో చికిత్స నిమిత్తం చేరినట్లు తెలిసింది. గతేడాది డిసెంబర్ నెలలో మైసూరులో ప్రహ్లాద్ మోదీ, ఆయన కుటుంబ సభ్యులు ప్రయాణిస్తున్న కారు ప్రమాదానికి గురైంది. దీంతో వీరిని నగరంలోని జేఎస్ఎస్ ఆస్పత్రికి తరలించి చికిత్స అందించిన విషయం విదితమే.
ప్రహ్లాద్ మోదీ అహ్మదాబాద్‌లో కిరాణా దుకాణాన్ని నిర్వహిస్తుంటారు. అంతేకాక నగరంలో టైర్ షోరూం కూడా నిర్వహిస్తున్నాడు. మోదీ సోదరి వాసంతీ బెన్ గృహిణి. ఆమె భర్త హస్ముఖ్ భాయ్. ఎల్ఐసీలో పనిచేస్తున్నాడు. ప్రధాని మోదీ కన్నా ముందు హీరా బెన్ కు ఇద్దరు కుమారులు ఉన్నారు. మోదీ అన్నయ్య పేర్లు సోమ మోదీ, అమృత్ మోదీ. సోమ మోదీ ఆరోగ్యశాఖ నుంచి పదవీ విరమణ అనంతరం అహ్మదాబాద్‌లో వృద్ధాశ్రమాన్ని నిర్వహిస్తున్నారు. అమృత్ మోదీ ఒక ప్రైవేట్ కంపెనీలో మెషిన్ ఆపరేటర్ గా చేసి పదవీ విరమణ పొందారు. మరో తమ్ముడు పంకజ్ భాయ్ మోదీ. ఆయన గుజరాత్‌లోని గాంధీనగర్‌లో నివసిస్తున్నారు. అతని భార్య పేరు సీతాబెన్. పంకజ్ భాయ్ కుటుంబం తల్లి హీరాబెన్‌తో కలిసి నివసించారు. తల్లిని కలిసేందుకు మోదీ అప్పుడప్పుడు అక్కడికి వెళ్లి వస్తుండేవారు.
