40 ఏళ్ల రికార్డును తిరగరాసిన గుల్వీర్ సింగ్.. ప్రధాని మోదీ ప్రశంసలు

జపాన్‌లోని ఐచి-నగోయాలో జరుగుతున్న ఆసియా క్రీడల్లో మన ఇండియన్ స్టార్స్ అద్భుతమైన పర్ఫార్మెన్స్‌తో పతకాల పంట పండిస్తున్నారు. ముఖ్యంగా ట్రాక్ అండ్ ఫీల్డ్ ఈవెంట్లలో భారత రన్నర్లు, అథ్లెట్లు సాధిస్తున్న చారిత్రాత్మక విజయాలు ప్రపంచం మొత్తాన్ని ఆశ్చర్యపరుస్తున్నాయి. ఏకంగా 40 ఏళ్ల సుదీర్ఘ నిరీక్షణకు తెరదించుతూ ఒకే ఆసియా క్రీడల్లో మూడు పతకాలు సాధించి సరికొత్త రికార్డు సృష్టించిన గుల్వీర్ సింగ్ సాహసంపై స్వయంగా భారత ప్రధాని నరేంద్ర మోదీ ప్రశంసల వర్షం కురిపించారు.

ఇక భారత పరుగుల వీరుడు గుల్వీర్ సింగ్ సాధించిన విజయం గురించి ఎంత చెప్పుకున్నా తక్కువే. పురుషుల 5,000 మీటర్ల పరుగు పందెంలో గుల్వీర్ 13:32.75 సమయంతో మెరుపు వేగంతో దూసుకెళ్లి కాంస్య పతకాన్ని కైవసం చేసుకున్నాడు. ఈ పతకంతో ప్రస్తుత ఆసియా క్రీడల్లో అతడు సాధించిన మొత్తం మెడల్స్ సంఖ్య మూడుకు చేరింది. అంతకుముందే 10,000 మీటర్లు 1,500 మీటర్ల విభాగాల్లో రజత పతకాలు సాధించిన గుల్వీర్… ఒకే ఆసియా క్రీడల్లో మూడు పతకాలు సాధించిన తొలి భారత అథ్లెట్‌‌గా 40 ఏళ్ల హిస్టరీని తిరగరాశాడు. ప్రధాని మోదీ ‘ఎక్స్