గోవాలో తొలి ఒమిక్రాన్ కేసు.. బాలుడికి పాజిటివ్!

భారత్ లో ఒమిక్రాన్ వేరియంట్ క్రమంగా అన్ని ప్రాంతాలకు వ్యాప్తి చెందుతోంది. ఇప్పటికే పలు రాష్ట్రాలు, కేంద్రపాలిత ప్రాంతాలకు చేరుకున్న ఒమిక్రాన్… తాజాగా పర్యాటకులకు స్వర్గధామమైన గోవాలో అడుగుపెట్టింది. ప్రస్తుతం దేశంలో ఒమిక్రాన్‌ కేసుల సంఖ్య 600 దాటింది. ఈ కేసులు ఎక్కువగా ఢిల్లీ, మహారాష్ట్ర, కేరళ, గుజరాత్, రాజస్థాన్, తెలంగాణలో ఉన్నాయి. ఈ విషయంలో కేంద్రం ఎప్పటికప్పుడు పరిస్థితిని సమీక్షిస్తోంది.

ఇది చదవండి : ప్రధాని కాన్వాయ్ లోకి కొత్త మెర్సిడెజ్! ధర, ప్రత్యేకతలివే!

గోవాలో తొలి ఒమిక్రాన్ కేసు నమోదు అయ్యింది. 8 ఏళ్ల బాలుడికి ఒమిక్రాన్ నిర్ధారణ అయింది. ఈ నెల 17న యూకే నుంచి ఈ బాలుడు వచ్చాడు. యూకే ఎయిర్ పోర్టులో నిర్వహించిన పరీక్షల్లో అతనికి నెగెటివ్ అని తేలింది. ఇటీవల భారత్ కి వచ్చిన తర్వాత ఇక్కడ మన వైద్య సిబ్బంది అతనికి పరీక్షలను నిర్వహించింది. టెస్టుల్లో అతనికి కోవిడ్ పాజిటివ్ రావడంతో… అతని శాంపిల్స్ ను జీనోమ్ సీక్వెన్సింగ్ కు పంపించారు. గోవాలో ఇదే మొదటి ఒమిక్రాన్‌ కేసు కావడంతో రాష్ట్ర ప్రభుత్వం అప్రమత్తమైంది. దీంతో, గోవా ప్రభుత్వం అప్రమత్తమైంది. బాలుడికి కాంటాక్టులోకి వచ్చిన వారిని గుర్తించే పనిలో అధికారులు ఉన్నారు.