మణిపూర్ ఘటనపై లైవ్ లో కన్నీరు పెట్టిన బీజేపీ MP!

ఇటీవల దేశ వ్యాప్తంగా మహిళలపై ఎన్నో అఘాయిత్యాలు జరుగుతూనే ఉన్నాయి. ప్రభుత్వాలు ఎన్ని కఠిన చట్టాలు తీసుకువచ్చినా నిత్యం ఎక్కడో అక్కడ మానవ మృగాలు ఆడవారిపై అకృత్యాలకు పాల్పపడుతూనే ఉన్నారు. మణిపూర్‌లో దారుణమైన ఘటన చోటుచేసుకున్న విషయం ఇప్పుడు యావత్ భారతదేశాన్ని తలదించుకునేలా చేసింది. కొంతమంది దుర్మార్గులు ఇద్దరు మహిళలను నగ్నంగా ఊరేగిస్తూ.. వారిని అసభ్యంగా తాకుతూ దారుణానికి పాల్పపడ్డారు. అంతేకాదు వారిపై సామూహిక అత్యాచారం కూడా చేశారు. ఈ ఘటనపై దేశ వ్యాప్తంగా తీవ్రమైన ఆరోపణలు వెల్లువెత్తాయి. ప్రధాని నరేంద్ర మోదీ సైతం నింధితులకు కఠినమైన శిక్ష పడేలా చూస్తామని అన్నారు. మరోవైపు ఈ దారుణాపికి పాల్పపడిన నింధితులను వెంటనే ఉరిశిక్ష వేయాలని మహిళా సంఘాలు డిమాండ్ చేస్తున్నాయి. ఇక మణిపూర్ ఘటన మరువక ముందే పశ్చిమ బెంగాల్ లో అలాంటి దారుణమే వెలుగు చూసింది. వివరాల్లోకి వెళితే..

ప్రస్తుతం దేశంలో మణిపూర్ లో మహిళలను నగ్నంగా ఊరేగించిన వీడియో గురించి చర్చలే నడుస్తున్నాయి. అత్యున్నత న్యాయస్థానం సుప్రీంకోర్టు కూడా ఈ దారుణ ఘటనను సీరియస్ గా తీసుకుంది. ఈ అమానవీయ ఘటనలో ప్రధాన నిందితుడు హురైన్ సహా నలుగురు నిందితులను అరెస్ట్ చేశామని సీఎం బీరెన్ సింగ్ తెలిపారు. మరోవైపు నిందితుడి ఇంటిని కొంతమంది తగలబెట్టారు. ఇదిలా ఉంటే.. మణిపూర్ ఘటన మరువక ముందే పశ్చిమ బెంగాల్ లో అలాంటి దారుణమే జరిగినట్లు పశ్చిమ బెంగాల్‌లోని హుగ్లీ జిల్లాకు చెందిన బీజేపీ ఎంపి లాకెట్ ఛటర్జీ శుక్రవారం మీడియా సమావేశంలో వివరిస్తూ ఆమె కన్నీరు పెట్టుకున్నారు. ఈ నెల 8న పంచాయతీ ఎన్నికల సమయంలో టీఎంసీ కార్యకర్తలు బట్టలు విప్పి నగ్నంగా నిల్చోబెట్టారని ఆమె ఆరోపించారు. ఈ ఘటనపై పోలీసులకు కూడా ఫిర్యాదు చేశామని అన్నారు.

మణిపూర్ ఘటనపై ప్రధాని నరేంద్ర మోడీ చెప్పిన మాటలు ఆమె గుర్తుకు చేశారు. ‘మణిపూర్ మహిళలు మనదేశ బిడ్డలే.. వారికి జరిగిన అన్యాయం ఎంతో విచారం.. అలాగే నశ్చిమ బెంగాల్ కూడా ఈ దేశంలో భాగమే. ఇక్కడ మహిళలు కూడా ఈ దేశపు బిడ్డలే అని అన్నారు. మహిళలపై అకృత్యాలు జరిగితే ప్రతి రాష్ట్రంలో కఠిన చట్టాల అమలు చేయాలని ప్రధాని మోదీ మాట్లాడారు. అలాగే బెంగాల్‌లోని మహిళల జరిగిన అన్యాయం గురించి ఎవరైనా మాట్లాడాలని మేము కోరుకుంటున్నాము’ అని ఆమె విలేకరుల సమావేశంలో అన్నారు. ఈ సందర్భంగా అక్కడే ఉన్న బెంగాల్ బీజేపీ చీఫ్ సుకాంత మజుందార్ మాట్లాడుతూ.. ‘మణిపూర్ సంఘటన కంటే ఇది తక్కువ విచారకరమా? తేడా ఏమిటంటే, ఈ సంఘటన సంబంధించిన వీడియో లేదు, ఎందుకంటే పోలీసులు ఈ ఘటనను రికార్డ్ చేయడానికి అనుమతించలేదు” అని ఆయన ఆరోపించారు. ప్రస్తుతం ఈ వీడియోలు సోషల్ మీడియాలో వైరల్ అవుతున్నాయి.

#WATCH | BJP MP Locket Chatterjee breaks down as she recounts an alleged incident of sexual assault by TMC workers of a BJP candidate during Panchayat polls on 8th July in Howrah district of West Bengal pic.twitter.com/45VdDGqDXi

— ANI (@ANI) July 21, 2023

#WATCH | West Bengal BJP chief Sukanta Majumdar says, “We condemn the Manipur incident, it is a sad incident but a woman BJP worker was paraded naked in South Panchla, is it less sad than the Manipur incident? The difference is that there is no video of this incident because… pic.twitter.com/Dgeots0UrM

— ANI (@ANI) July 21, 2023