బ్రేకింగ్: టాలీవుడ్ యువ నటుడు మృతి..

సినిమా ఇండస్ట్రీలో వరుస విషాదాలు చోటు చేసుకుంటున్నాయి. ఇప్పటికే కృష్ణ, కృష్ణంరాజు లాంటి మహామహులు ఇండస్ట్రీని, అభిమానులను వదిలిపెట్టి తిరిగిరాని లోకాలకు వెళ్లిపోయారు. తాజాగా మరొక నటుడు మృతి ఇండస్ట్రీలో విషాదాన్ని నెలకొల్పింది. చిన్న వయసులోనే ఆత్మహత్య చేసుకుని ఎవరికీ అందనంత ఎత్తుకు వెళ్ళిపోయారు. కుటుంబాన్ని, స్నేహితులను, సన్నిహితులను, భవిష్యత్తును కాదని వదిలేసి వెళ్ళిపోయారు. విశాఖపట్నంలో ఆత్మహత్యకు పాల్పడ్డారు.  యువ నటుడి మృతి పట్ల పలువురు సినీ ప్రముఖులు సంతాపం తెలియజేస్తున్నారు.   

వివరాల్లోకి వెళ్తే.. కుందనపు బొమ్మ, సెకండ్ హ్యాండ్, షూటౌట్ ఎట్ ఆలేరు చిత్రాల్లో నటించిన సుధీర్ వర్మ.. వ్యక్తిగత కారణాల వల్ల విశాఖపట్నంలో ఆత్మహత్య చేసుకున్నాడు. సుధీర్ వర్మ మరణం పట్ల లైఫ్ ఈజ్ బ్యూటిఫుల్ ఫేమ్ సుధాకర్ కోమాకుల తీవ్ర దిగ్భ్రాంతిని వ్యక్తం చేశారు. ‘సుధీర్ వర్మ ప్రియమైన వ్యక్తి అని.. నీతో కలిసి పని చేయడం.. నీ గురించి తెలుసుకోవడం గొప్పగా ఉంది. నువ్వు లేవన్న నిజం జీర్ణించుకోలేకపోతున్నాను. ఓం శాంతి’ అంటూ ట్విట్టర్ లో పోస్ట్ చేశారు. సుధీర్ వర్మ ఇలా వదిలిపెట్టి వెళ్లిపోవడం పట్ల ఆయనతో కలిసి పని చేసిన నటులు, టెక్నీషియన్లు దిగ్భ్రాంతికి గురయ్యారు. టాలీవుడ్ లో ఇలా ఒక యువ నటుడు బలవన్మరణానికి పాల్పడడం అందరినీ విషాదంలో ముంచింది.

Sudheer! @sudheervarmak Such a lovely and warm guy’ It was great knowing you and working with you brother! Can’t digest the fact that you are no more! Om Shanti!🙏🙏🙏 @iChandiniC @vara_mullapudi @anil_anilbhanu pic.twitter.com/Sw7KdTRkpG

— Sudhakar Komakula (@UrsSudhakarK) January 23, 2023