follow us:
సాధారణంగా ఎవరైనా నటుడు, దర్శకుడికి అవార్డు వస్తే చాలా గొప్పగా ఫీలవుతారు. కానీ ఎస్ఎస్ రాజమౌళికి మాత్రం ‘ఆర్ఆర్ఆర్’ సినిమా వచ్చినప్పటి నుంచి అవార్డులు, పురస్కారాలు దక్కుతూనే ఉన్నాయి. అందుకు తగ్గట్లే ఆయన కూడా అక్కడా ఇక్కడా అనే తేడా లేకుండా అన్ని చోట్లకు వెళ్తూ అవార్డులు అందుకుంటున్నారు. తెలుగు సినీ ప్రేక్షకుడు గర్వంగా తలెత్తుకునేలా చేస్తున్నారు. అలాంటి జక్కన ఖాతాలోకి ఇప్పుడు మరో ప్రతిష్ఠాత్మక అవార్డు వచ్చి చేరింది. ప్రస్తుతం ఇందుకు సంబంధించిన ఫొటోలు, వీడియోలు వైరల్ అవుతున్నాయి.
ఇక వివరాల్లోకి వెళ్తే.. ప్రపంచ చలన చిత్ర రంగంలోనే ప్రతిష్ఠాత్మకంగా భావించే న్యూయర్క్ ఫిల్మ్ క్రిటిక్స్ సర్కిల్ అవార్డుని దర్శకుడు రాజమౌళి అందుకున్నారు. న్యూయార్క్ వేదికగా తాజాగా జరిగిన ఈ కార్యక్రమంలో కుటుంబసమేతంగా పాల్గొన్నారు. ఆర్ఆర్ఆర్ చిత్రానికి గానూ జక్కన్న ఈ అవార్డు అందుకున్నారు. సినీ ప్రేక్షకులకు, ఆర్ఆర్ఆర్ టీంకు థాంక్స్ చెప్పారు. అలానే ప్రతి అడుగులోనూ తోడుండే తన కుటుంబానికి ఎప్పటికీ రుణపడి ఉంటానని అన్నారు. ఇక ఈ వేడుకల్లో రాజమౌళి భారతీయ సంప్రదాయ దుస్తుల్లో కనిపించి ఆకట్టుకున్నారు. ధోతీ-కుర్తా ధరించి, రెగ్యులర్ కి భిన్నంగా కనిపించారు. ఇక అవార్డు తీసుకున్న తర్వాత అద్భుతమైన స్పీచ్ కూడా ఇచ్చారు.
‘RRR సినిమాకు బెస్ట్ డైరెక్టర్ గా ప్రతిష్ఠాత్మక అవార్డు సొంతం చేసుకోవడం ఎంతో ఆనందంగా ఉంది. ఈ వేదికపై అందరి ముందు నిల్చొని మాట్లాడటం కాస్త కంగారుగా అనిపిస్తోంది. నా దృష్టిలో సినిమా అంటే దేవాలయం. చిన్నప్పుడు థియేటర్ లో సినిమా చూడటానికి వెళ్లినప్పుడు పొందిన ఆనందం ఇప్పటికీ గుర్తుంది. నేను ఏ సినిమా తీసినా ప్రతి సీన్ షూట్ చేసే ముందు.. ఈ సీన్ థియేటర్ లో ఎలా ఉంటుంది అని ఓ ప్రేక్షకుడిగా ఉహించుకుంటాను. ప్రపంచవ్యాప్తంగా ఉన్న తెలుగు వారిని ఎంటర్ టైన్ చేయడం కోసం సినిమాలు చేస్తుంటాను. కానీ RRRకు వచ్చేసరికి భారతీయులు ఎలాంటి ప్రేమని చూపించారో అదే అభిమానాన్ని, ఉత్సాహాన్ని విదేశాల్లోనూ చూశాను. ఇక నా సినిమాల కోసం పనిచేసే ముఖ్యమైన పర్సన్స్ అందరూ నా సొంత కుటుంబసభ్యులే. వీళ్లంతా నన్ను ఎప్పుడూ ఎంకరేజ్ చేస్తూనే ఉన్నారు. నేను ఎలాంటి విజయాలు అందుకున్నా నా కుటుంబానికి ఎప్పటికీ రుణపడి ఉంటాను. అలానే RRR టీమ్, రామ్ చరణ్, ఎన్టీఆర్ కు థాంక్స్’ అని జక్కన చెప్పారు. మరి రాజమౌళికి ఈ అవార్డు రావడంపై మీ అభిప్రాయమేంటి. కింద కామెంట్స్ లో పోస్ట్ చేయండి.
India’s Pride @ssrajamouli Garu Received Best Director Award at @nyfcc ❤️🔥❤️🔥. #RRRMovie #RRRForOscars @RRRMoviepic.twitter.com/xx6vqHx33F
— Sai Mohan ‘NTR’ (@Sai_Mohan_999) January 5, 2023
