'ది ఇండియా హౌజ్'.. నిఖిల్ తో పాన్ ఇండియా మూవీ ప్రకటించిన రామ్ చరణ్

టాలీవుడ్ అగ్ర హీరో మెగాస్టార్ చిరంజీవి తనయుడిగా రామ్ చరణ్ నటనలో తనదైన ముద్ర వేస్తూ టాలీవుడ్ టూ హాలీవుడ్ స్థాయికి ఎదిగిపోయారు. ఆర్ఆర్ఆర్ సినిమాతో గ్లోబల్‌ స్టార్‌ గా మారిన రామ్‌చరణ్‌ ఇటీవలే యూవీ క్రియేషన్స్‌ నిర్మాత విక్రమ్‌తో కలిసి వి మెగా పిక్చర్స్‌ అనే కొత్త నిర్మాణ సంస్థను ప్రారంభించారు. న్యూ టాలెంట్‌ను ప్రోత్సహించేందుకు ఈ ప్రొడక్షన్‌ సంస్థను ప్రారంభించినట్లు ఈ సంస్థ వెల్లడించింది. తాజాగా ఈ సంస్థ అందరినీ ఆశ్చర్యపరుస్తూ తమ మొదటి సినిమాను అనౌన్స్ చేసింది. ఎవరు ఊహించని విధంగా నిఖిల్‌తో తొలి చిత్రాన్ని చేయనున్నట్లు ఈ సంస్థ ప్రకటించింది. ఈ చిత్రానికి ది ఇండియా హౌజ్‌ అనే పేరును ఖరారు చేశారు. రామ్‌ వంశీ కృష్ణ దర్శకుడిగా పరిచయమవుతూ ఈ సినిమాను తెరకెక్కిస్తున్నాడు. ఈ మేరకు చిత్రబృందం ఓ స్పెషల్ వీడియోను రిలీజ్‌ చేసింది. గొప్ప స్వాతంత్య్ర సమరయోధుడు వీర్ సావర్కర్ గారి 140వ జయంతి సందర్భంగా మా పాన్ ఇండియా ఫిల్మ్ – ది ఇండియా హౌస్‌ని ప్రకటించడం గర్వంగా ఉంది అని హీరో రామ్ చరణ్ ట్విట్టర్ లో పోస్ట్ చేశారు.

స్వాతంత్య్రానికి ముందు 1905లో చోటుచేసుకున్న సంఘటనల నేపథ్యంలో ఈ సినిమా తెరకెక్కుతున్నట్టు చిత్రబృందం వీడియోలో పేర్కొంది. పీరియాడిక్ డ్రామా నేపథ్యంలో రూపొందనున్న ఈ సినిమా లండన్‌ బ్యాక్‌డ్రాప్‌లో తెరకెక్కనుంది. నిఖిల్‌ ఈ సినిమాలో శివ అనే క్యారెక్టర్ లో నటిస్తున్నాడు. ఏజెంట్ అవతారంలో సూట్‌కేసు పట్టుకుని నిల్చున్న నిఖిల్‌ లుక్ ఆకట్టుకుంటోంది. ఈ మూవీలో అనుపమ్‌ ఖేర్‌ కీలకపాత్రలో నటిస్తోంది. ఇక ఈ చిత్రాన్ని అభిషేక్‌ అగర్వాల్‌ ఆర్ట్స్‌తో కలిసి వి మెగా పిక్చర్స్‌ సంయుక్తంగా నిర్మిస్తున్నారు. ఇటీవలె నిఖిల్‌ కార్తికేయ 2తో పాన్ ఇండియా స్థాయిలో హిట్ కొట్టిన విషయం తెలిసిందే. త్వరలో స్పై మూవీతో ప్రేక్షకులను అలరించడానికి సిద్దమయ్యడు నిఖిల్.

ఇండియా హౌస్

ఇండియా హౌస్, 1905 – 1910 మధ్య కాలంలో లండన్‌లో ఉన్న విద్యార్థి వసతి గృహం. న్యాయవాది శ్యామ్‌జీ కృష్ణ వర్మ ప్రోత్సాహంతో, బ్రిటన్‌లోని భారతీయ విద్యార్థులలో జాతీయవాద భావాలను పురికొల్పడానికి దీన్ని ప్రారంభించారు. ఈ సంస్థ ఇంగ్లండ్‌కు ఉన్నత చదువుల కోసం వచ్చే భారతీయ యువకులకు స్కాలర్‌షిప్‌లను మంజూరు చేసేది. ఈ భవనం వేగంగా రాజకీయ క్రియాశీలతకు కేంద్రంగా మారింది. వీర్ సావర్కర్ ‘ ఇండియా హౌస్ ‘లో వసతి పొందాడు. లండన్లో, వీర్ సావర్కర్ తన తోటి భారతీయ విద్యార్థులను ప్రేరేపించి, స్వేచ్ఛ కోసం బ్రిటిష్ వారికి వ్యతిరేకంగా పోరాడటానికి ‘ఫ్రీ ఇండియా సొసైటీ’ అనే సంస్థను ఏర్పాటు చేశాడు. దీనికి సంబంధించిన కథాంశంతో తెరకెక్కుతున్న ది ఇండియా హౌజ్ పై భారీ అంచనాలు నెలకొన్నాయి.

On the occasion of the 140th birth anniversary of our great freedom fighter Veer Savarkar Garu we are proud to announce our pan India film – THE INDIA HOUSE
headlined by Nikhil Siddhartha, Anupam Kher ji & director Ram Vamsi Krishna!
Jai Hind!@actor_Nikhil @AnupamPKher… pic.twitter.com/YYOTOjmgkV

— Ram Charan (@AlwaysRamCharan) May 28, 2023