స్టేజ్ పై చిన్న పిల్లాడిలా ఏడ్చేసిన ధనరాజ్! కారణం ఏమిటంటే?

తెలుగు బుల్లితెరపై నవ్వులు పూయించిన జబర్ధస్త్ కమేడియన్ ధన్‌రాజ్ గురించి ప్రత్యేక పరిచయం అక్కరలేదు. జబర్ధస్త్ కామెడీ షోతో ఎంతోమంది కమెడియన్లు బుల్లితెరపైనే కాదు వెండితెపై కూడా తమ సత్తా చాటుతున్నారు. మొదట జబర్ధస్త్ లో టీమ్ సభ్యుడిగా ఎంట్రీ ఇచ్చి అంచెలంచెలుగా ఎదుగుతూ ‘ధనాధన్ ధనరాజ్’ పేరుతో టీమ్ లీడర్ గా ఎదిగిన ధన్‌రాజ్ తనదైన కామెడీ పంచులు.. హ్యూమర్ తో నవ్వులు పూయించేవాడు. జబర్ధస్త్ లో టీమ్ లీడర్ గా కొనసాగుతూనే సినీ ఇండస్ట్రీలోకి ఎంట్రీ ఇచ్చి అక్కడ కూడా తనదైన కామెడీ మార్క్ చాటుకున్నాడు ధన్ రాజ్. మొదటి నుంచి తనదైన మేనరీజం అందరినీ ఆకట్టుకుంటున్నాడు. తాజాగా ఓ షోలో ధన్ రాజ్ వెక్కి వెక్కి ఏడ్చాడు. దీనికి సంబంధించిన ఓ వీడియో సోషల్ మీడియాలో వైరల్ అవుతుంది. వివరాల్లోకి వెళితే..

జబర్ధస్త్ కమెడియన్ ధన్‌రాజ్ గురించి ప్రత్యేక పరిచయం అక్కరలేదు. బుల్లితెరపై జబర్ధస్త్ కామెడీ షో లో టీమ్ లీడర్ గా మంచి హాస్యాన్ని పండించాడు. బుల్లితెరపై నటిస్తూనే వెండితెరపై తన సత్తా చాటాడు. ఒకటీ రెండు చిత్రాల్లో హీరోగా కూడా నటించాడు. ఇక బిగ్ బాస్ సీజన్ 1 లో కంటెస్టెంట్ గా పాల్గొని అందరి మనసు గెలిచాడు. బిగ్ బాస్ హౌజ్ లో 41 రోజుల పాటు కొనసాగి పదో స్థానంలో నిలిచాడు. జబర్ధస్త్ కామెడీ షోకి గుడ్ బై చెప్పి జీ తెలుగులో అదిరింది కామెడీ షో కి ఎంట్రీ ఇచ్చి అక్కడ కూడా నవ్వులు పూయించాడు. ప్రస్తుతం వెండితెరపై బిజీగా ఉంటున్న ధన్ రాజ్ ఆ మద్య ఓ తమిళ మూడీలో కూడ నటించాడు. తాజాగా జీ తెలుగు లో వస్తున్న ఫ్యామిలీ నంబర్1 కి సంబంధించి ఈవెంట్ లో స్టేజ్ పైనే ధన్ రాజ్ గుక్కపెట్టి ఏడ్చాడు.

జీ తెలుగులో వస్తున్న ఫ్యామిలీ నంబర్1 సంబంధించి ఓ కార్యక్రమం జరిగింది. ఈ షోకి చాలా మంది సీనియర్ బుల్లితెర నటులు తన ప్రదర్శన ద్వారా ఆకట్టుకున్నారు. ఈ సందర్భంగా ధన్ రాజ్ మాట్లాడుతూ చాలా ఎమోషన్ కి గురై కన్నీరు పెట్టుకోవడం అందరినీ కన్నీరు పెట్టించింది. ధన్‌రాజ్ మాట్లాడుతూ.. మా నాన్న ఎలా ఉంటాడో నాకు తెలియదు.. చిన్న వయసులో నాన్న ఆలనా.. పాలన నాకు తెలియదు. నాన్న ఇలా ఉంటాడేమో అని ఊహించుకునేవాన్ని. నాకు రక్త సంబంధం అనేదే లేదు.. నాకు ఏదైనా రక్త సంబంధం ఉంటే.. నా పిల్లలతోనే మొదలైందంటూ ధన్ రాజ్ తన కుటుంబ సభ్యులను చూపించాడు. ఈ సందర్భంగా ధన్‌రాజ్ కొడుకు మాట్లాడుతూ.. డాడీ,తమ్ముడు, మమ్మీ వీళ్లే నా ప్రపంచం అంటూ ఎమోషన్ అయ్యాడు. ధన్ రాజ్ కెరీర్ పరంగా మరింత ముందుకు సాగాలని మంచి విజయాలు సాధించాలని అభిమానులు కోరుకుంటున్నారు.