follow us:
విశ్వనటుడు కమల్ హాసన్ హీరోగా యంగ్ డైరెక్టర్ లోకేష్ కనగరాజ్ తెరకెక్కించిన డార్క్ యాక్షన్ డ్రామా చిత్రం ” విక్రమ్”. ఇటీవల విడుదలై.. మంచి హిట్ టాక్ సొంతం చేసుకుంది. ప్రస్తుతం ఎక్కడ చూసిన విక్రమ్ హవానే నడుస్తుంది. సౌత్ నుంచి నార్త్ వరకు అని ఏరియాలో విక్రమ్ భారీ కలెక్షన్స్ రాబడుతుంది. ప్రేక్షకుల నుంచి సినీ ప్రముఖకుల వరకు అందరు ఈ చిత్రంపై ప్రశంసల వర్షం కురిపిస్తున్నారు. చాలా కాలం తర్వాత కమల్ కు విక్రమ్ భారీ విజయాన్ని అందించింది. తనకు చాలా ఏళ్ల తర్వాత బ్లాక్ బస్టర్ హిట్ అందించిన డైరెక్టర్ లోకేష్ కి ఖరీదైన లెక్సస్ కంపెనీ కారును బహుమతిగా ఇచ్చాడు అలానే సూర్యకు ఖరీదైన వాచ్ ను గిఫ్ట్ గా ఇచ్చాడు. వీరితో పాటు విక్రమ్ మూవీ టీమ్ లోని కొందరికి కమల్ బహుమతులు అందిచారు. అయితే తాజాగా మెగాస్టార్ చిరంజీవి..విక్రమ్ చిత్ర బృందాన్ని సన్మానించారు. దీనికి సంబంధించిన ఫోటోలు సోషల్ మీడియాలో వైరల్ అవుతున్నాయి.
చిరంజీవి.. విక్రమ్ టీమ్ ను ఇంటికి పిలిచి అభినందించారు. విక్రమ్ సినిమా అద్భుత విజయం సొంతం చేసుకున్న సందర్బంగా హీరో కమల్ హాసన్ , డైరెక్టర్ కనగరాజ్ ను చిరంజీవి సత్కరించారు. అనతంరం తన ఇంట్లో గ్రాండ్ పార్టీ ఇచ్చారు చిరు. ఈ పార్టీకి కండల వీరుడు సల్మాన్ ఖాన్ కూడా హజరయ్యారు. దీనికి సంబంధించిన ఫోటోలను చిరు ట్విట్టర్ లో షేర్ చేశారు. “నా పాత స్నేహితుడిని కలిసినందుకు చాలా సంతోషంగా ఉంది. విక్రమ్ సినిమా మంచి విజయం సాధించినందుకు గత రాత్రి మా ఇంట్లో పార్టీ ఏర్పాటు చేశాను. కమల్ హాసన్ తో పాటు సల్మాన్ ఖాన్, లోకేష్ కనగరాజ్ మా ఇంటికి రావడంతో చాలా సంతోంషంగా ఉంది. ‘విక్రమ్’ మూవీ చాలా థ్రిల్లింగ్ గా ఉంది. ఈ సినిమా విజయం నీకు మరింత శక్తిని ఇస్తుంది” అంటూ చిరు ట్వీట్ చేశారు. మరి.. విక్రమ్ టీమ్ కి చిరు చేసిన.. చిరు సత్కారంపై మీ అభిప్రాయాలను కామెంట్స్ రూపంలో తెలియజేయండి.
Absolute joy,celebrating & honouring my dearest old friend @ikamalhaasan for the spectacular success of #Vikram along with my dearest Sallu Bhai @BeingSalmanKhan @Dir_Lokesh & team at my home last night.What an intense & thrilling film it is!!Kudos My friend!! More Power to you! pic.twitter.com/0ovPFK20r4
— Chiranjeevi Konidela (@KChiruTweets) June 12, 2022
