follow us:
ప్రముఖ పారిశ్రామికవేత్త ఆనంద్ మహీంద్రా గురించి ప్రత్యేక పరిచయం అక్కర్లేదు. వ్యాపార రంగంలో అగ్రగామిగా రాణిస్తూ.. దేశంలోనే ప్రముఖ బిజినెస్‌మ్యాన్‌గా గుర్తింపు తెచ్చకున్నారు. ఇక వ్యాపార కార్యక్రమాలతో ఎంతో బిజీగా ఉండే ఆనంద్ మహీంద్రా.. ఇక సోషల్‌ మీడియాలో కూడా అంతే యాక్టీవ్‌గా ఉంటారు. వినూత్న ఆవిష్కరణలను ప్రోత్సాహిస్తు.. ఆయన చేసే ట్వీట్స్‌ విపరీతంగా వైరలవుతాయి. ఇక ప్రతిభావంతులను ప్రోత్సాహించడంలో కూడా ఆయన ముందుంటారు. ఈ క్రమంలో తాజాగా ఆనంద్ మహీంద్రా చేసిన ఓ ట్వీట్ నెట్టింట వైరల్‌గా మారింది. ఓ యువకుడు తన టాలెంట్‌ గురించి వీడియో చేసి.. దాన్ని ట్విట్టర్‌లో షేర్‌ చేసి ఆనంద్ మహీంద్రాను ట్యాగ్‌ చేశారు. తనకు ఉద్యోగం ఇవ్వాల్సిందిగా అభ్యర్థించాడు. దీనిపై ఆనంద్ మహీంద్రా స్పందన వైరల్‌గా మారింది. ఆ వివరాలు…
తాజాగా కొన్ని రోజుల క్రితం ఆనంద్ మహీంద్రా ఓ ఎలక్ట్రిక్‌ కారు గురించి ట్వీట్ చేశారు. దీనిపై గౌతమ్‌ అనే యువకుడు చేసిన ట్వీట్ ప్రస్తుతం నెట్టింట వైరల్‌గా మారింది. గౌతమ్‌ మార్పులు చేపట్టిన ఓ ఎలక్ట్రిక్‌ వాహనం వీడియోను పోస్ట్‌ చేశాడు. దాంతో పాటు ఈ ఎలక్ట్రిక్‌ జీప్‌ ముందు, వెనక చక్రాలను మనం వేర్వేరుగా కంట్రోల్‌ చేయవచ్చు. దయచేసి నాకు ఉద్యోగం ఇవ్వండి సార్‌’’ అంటూ రిక్వెస్ట్‌ చేశాడు.
గౌతమ్‌ చేసిన అభ్యర్థన.. అతడు ట్వీట్ చేసిన వీడియో ఆనంద్ మహీంద్రా దృష్టికి వచ్చింది. ఇది చూసిన ఆయన గౌతమ్‌ టాలెంట్‌కి ముగ్ధుడయ్యాడు. అతడికి ఉద్యోగం ఇవ్వాలని భావించాడు.. వెంటనే గౌతమ్‌ని కలవాల్సిందిగా తన సిబ్బందికి సూచించాడు. అంతేకాక గౌతమ్‌ వీడియోని తన ట్విట్టర్‌లో రీపోస్ట్‌ చేస్తూ.. ‘‘ఇలాంటి ప్రతిభావంతుల కారణంగానే భారత్‌ ఎలక్ట్రిక్‌ వెహికల్స్‌ తయారీలో అగ్రగామిగా నిలుస్తుందని నమ్ముతున్నాను. కార్లు, సాంకేతికతపై ఇష్టం, గ్యారేజ్‌లో చేపట్టే వినూత్న ప్రయోగాల కారణంగానే ఆటోమొబైల్‌ రంగంలో అమెరికా తన అధిపత్యాన్ని చాటింది. గౌతమ్‌తోపాటు.. అలాంటి వ్యక్తులు మరింత ఎత్తుకు ఎదగాలి’’ అంటూ ట్వీట్ చేశారు ఆనంద్ మహీంద్రా.
గౌతమ్‌ వీడియోపై ఆనంద్ మహీంద్రా స్పందన సూచిన జనాలు.. ఆయనపై ప్రశంసలు కురిపిస్తున్నారు. సరికొత్త ఆలోచనలకు మీరు మద్దతిచ్చే విధానం.. మీ వినయానికి నిదర్శనం సార్‌.. దేశం పట్ల మీ విశ్వాసం, ప్రేరణ ఎల్లప్పుడూ యువతకు ఆదర్శనీయం అని ప్రశంసిస్తూ కామెంట్స్‌ చేస్తున్నారు నెటిజనులు. మరి దీనిపై మీ అభిప్రాయాలను కామెంట్స్‌ రూంపలో తెలియజేయండి.
This is why I’m convinced India will be a leader in EVs. I believe America gained dominance in autos because of people’s passion for cars & technology & their innovation through garage ‘tinkering.’ May Gowtham & his ‘tribe’ flourish. @Velu_Mahindra please do reach out to him. https://t.co/xkFg3SX509
— anand mahindra (@anandmahindra) August 20, 2022
