EPFO e-Nomination: EPFO ఈ-నామినేషన్ తప్పనిసరిగా చేయాలా? లేదంటే డబ్బులు రావా?

ఖాతాదారులందరూ తప్పనిసరిగా ఈ-నామినేషన్ చేసుకోవాలని ఎంప్లాయీస్ ప్రావిడెంట్ ఫండ్ ఆర్గనైజేషన్(ఈపీఎఫ్ఓ) పిలుపునిస్తోంది. నామినీ పూర్తి చేసిన ఉద్యోగుల భవిష్య నిధి (ఈపీఎఫ్‌ ) సభ్యులకు అనేక ప్రయోజనాల్ని అందిస్తోంది. పీఎఫ్‌ ఖాతాదారులు ఇ-నామినేషన్‌ను దాఖలు చేయడం ద్వారా అవాంతరాలు లేని, వేగవంతమైన ఆన్‌లైన్ సేవలు పొందడమే కాకుండా ఉచితంగా రూ.7లక్షల వరకు బీమాను పొందవచ్చు దీని కోసం ఖాతాదారులు కంపెనీని అభ్యర్థించాల్సినవసరం లేదని, నేరుగా ఈపీఎఫ్ఓ యూఏఎన్ పోర్టల్‌లోనే తమ ఈపీఎఫ్ నామినేషన్ చేసుకోవచ్చని పేర్కొంటోంది.

ఈ-నామినేషన్ దాఖలు చేయడం వల్ల కలిగే ప్రయోజనాలు..

• సభ్యుడు మరణించిన తర్వాత ఆన్‌లైన్ లో క్లయిమ్‌ చేసుకోవచ్చు.
• పేపర్‌లెస్, వేగవంతమైన క్లెయిమ్ సెటిల్‌మెంట్.
• పీఎఫ్‌, పెన్షన్ ఆన్‌లైన్ చెల్లింపు.
• అర్హులైన నామినీలకు రూ.7 లక్షల వరకు బీమా.

గమనిక : ప్రావిడెంట్ ఫండ్‌(పీఎఫ్)ను, పెన్షన్‌(ఈపీఎస్)ను, ఇన్సూరెన్స్ ప్రయోజనాలను ఆన్‌లైన్‌గా పొందేందుకు ఈపీఎఫ్ అకౌంట్‌కు నామినేషన్‌ను తప్పనిసరిగా యాడ్ చేసుకోవాలని పేర్కొంది.

Benefits of filing e-Nomination.#EPF #SocialSecurity #eNomination #AmritMahotsav @AmritMahotsav pic.twitter.com/qfUgvofhbd

— EPFO (@socialepfo) May 24, 2022

ఈపీఎఫ్/ఈపీఎస్‌కు ఈ-నామినేషన్‌ను ఆన్ లైన్ లో చేసుకోవడమెలా..

• • అధికారిక ఈపీఎఫ్ఓ వెబ్‌సైట్ epfindia.gov.inలోకి వెళ్లాలి.
  • యూఏఎన్, పాస్‌వర్డ్‌తో లాగిన్ అవ్వాలి.
  • మేనేజ్ ట్యాబ్ కిందనున్న ‘E-nomination’ఎంపిక చేసుకోవాలి.
  • ‘Provide Details’ట్యాబ్‌ను నొక్కి, ‘Save’పై క్లిక్ చేయాలి.
  • ఫ్యామిలీ డిక్లరేషన్ అప్‌డేట్ కోసం యెస్‌ను నొక్కాలి. ఈ-నామినేషన్ చేసే వారి ఆధార్ నెంబర్, పేరు, పుట్టిన తేదీ, జెండర్, రిలేషన్, అడ్రస్, బ్యాంకు అకౌంట్ వివరాలు(ఆప్షనల్), గార్డియన్, పాస్‌పోర్టు సైజు ఫోటో వంటిని నమోదు చేయాలి.
  • ఆ తర్వాత ఒకరి కంటే మరింత మంది నామినీలను యాడ్ చేసుకునేందుకు ‘Add Family Details’ను నొక్కాలి.
  • ‘Nomination Details’పై క్లిక్ చేసి, ‘Save EPF Nomination’పై నొక్కాలి.
  • ఈ-సైన్ కోసం ఆధార్‌తో లింకైన మొబైల్ నెంబర్‌కి ఓటీపీ వస్తుంది.
  • ఓటీపీ ఎంటర్ చేసి మీ ఈ-నామినేషన్‌ ప్రాసెస్ ను కంప్లీట్ చేయొచ్చు.

Members should file e-Nomination today to provide #SocialSecurity to their families. Follow these easy steps to file EPF/EPS nomination #digitally.#SocialSecurity #EPF #PF #EDLI #Pension #ईपीएफओ #ईपीएफ #AmritMahotsav @PMOIndia @byadavbjp @AmritMahotsav https://t.co/JCoRaKWDqq

— EPFO (@socialepfo) April 27, 2022

ఈ-నామినేషన్‌ ఫైలింగ్‌ చేస్తున్నప్పుడు.. మీ అకౌంట్‌ ఫ్రొఫైల్‌ను అప్‌డేట్‌ చేయాల్సి ఉంటుంది. ఫ్రొఫైల్‌ అప్‌డేట్‌ చేయకపోతే ఈ- నామినేషన్‌ పూర్తి చేయలేమనే విషయాల్ని తప్పని సరిగా గుర్తుంచుకోవాలి.

ప్రొఫెల్‌ పిక్చర్‌ ఎలా యాడ్‌ చేయాలంటే!

•  ముందుగా యూఏఎన్‌ మెంబర్‌ ఐడీతో ఈపీఎఫ్‌ఓ అఫీషియల్‌ పోర్టల్‌లో లాగిన్‌ అవ్వాల్సి ఉంటుంది.
• ఆ తర్వాత మెన్యూ సెక్షన్‌లో క్లిక్‌ చేస్తే ప్రొఫైల్‌ ఆప్షన్‌ కనిపిస్తుంది.
• ప్రొఫైల్‌ ఆప్షన్‌పై క్లిక్‌ చేసి వ్యక్తిగత వివరాల్ని ఎంటర్‌ చేయాల్సి ఉంటుంది. మీకు లెప్ట్‌ సైడ్‌లో ప్రొఫైల్‌ ఫోటో ఆప్షన్‌ కనిపిస్తుంది. క్లిక్ చేసి ఫోటోను ఛేంజ్‌ చేయడం లేదంటే, అప్‌లోడ్‌ చేయాలి.
• ప్రొఫైల్‌ ఇమేజ్‌ మీద క్లిక్‌ చేసి ఈపీఎఫ్‌ఓలో మీ ఫోటో అప్‌లోడ్‌ చేయాలి.
• ఫోటో అప్‌లోడ్‌ అవ్వాలంటే మీ పాస్‌ పోర్ట్‌ ఫోటో సైజ్‌ 3.5సెంటీమీటర్లు* 4.5 సెంటీమీటర్లు ఉండేలా చూసుకోవాలి.
• మన రెండు చెవులు కనిపించేలా ఫోటో విజబుల్‌ 80శాతం ఉండేలా చూసుకోవాలి.
• ఆ ఫోటో ఇమేజ్‌ జేపీఈజీ,జేపీజీ,పీఎన్‌జీ ఫార్మాట్‌లో సేవ్‌ చేయాలి.
• ఆ తర్వాత అప్‌లోడ్‌ యువర్‌ ఫోటో మీద క్లిక్‌ చేసి ఓకే అనే ఆప్షన్‌ పై ట్యాప్‌ చేయాలి. దీంతో మీ ఫోటో అప్‌లోడ్‌ అవుతుంది.

ఇది కూడా చదవండి: Bill Gates: పేరుకే ‘మైక్రోసాఫ్ట్ ఫౌండర్’.. వేరే కంపెనీ ఫోన్ వాడుతున్న బిల్ గేట్స్!