ఫుడ్ డెలివరీ కోసం వచ్చి.. పూల కుండీని పగలగొట్టిన డెలివరీ బాయ్ .. ఆ తరువాత..

నగరాల్లో చాలా మంది యువత ఉద్యోగ వేటలో పడి తగిన ఉద్యోగం దొరక్కపోయేసరికి ఫుడ్ డెలివరీ బాయ్స్ గా బైక్ ట్యాక్సీ డ్రైవర్లుగా మారి ఉపాధి పొందుతున్నారు. అయితే ఈ డెలివరీ బాయ్స్ అతి ప్రవర్తనల వల్ల కస్టమర్లు ఇబ్బందులు పడిన సంఘటనలు చాలానే ఉన్నాయి. కస్టమర్లతో దురుసుగా మాట్లాడటం, ఫుడ్ ఆర్డర్ చేస్తే దానిని తీసుకు వచ్చే సమయంలో మధ్యలోనే తినేయడం వంటి సంఘటనలు వెలుగులోకి వచ్చాయి. అలా అని అందరినీ తప్పు పట్టలేము. ఇక్కడ కూడా ఓ సంస్థకు చెందిన ఫుడ్ డెలివరీ బాయ్ కస్టమర్ కు ఫుడ్ డెలివరీ చేయడానికి వచ్చి ఇంటి ఆవరణలో ఉన్న పూల కుండీలను ప్రమాదవశాత్తు పగలగొట్టాడు. ఆ తరువాత ఆ ఫుడ్ డెలివరీ బాయ్ చేసిన పనికి అందరు ఆశ్యర్యపోయారు.

ఓ కస్టమర్ ఆన్ లైన్ లో ఫుడ్ ఆర్డర్ చేసింది. డెలివరీ బాయ్ ఆ ఫుడ్ ఆర్డర్ ను డెలివరీ చేయడానికి కస్టమర్ ఇంటికి వెళతాడు. ఆ సమయంలో అనుకోకుండా అక్కడే ఉన్న పూల కుండీలపైన పడతాడు. దీంతో అవి పగిలిపోతాయి. ఆ తరువాత డెలివరీ బాయ్ చేసిన పనికి సోషల్ మీడియాలో ప్రశంసల జల్లు కురుస్తుంది. దీనికి సంబందించిన విషయాన్ని ఎలి మెక్ కాన్ అనే వ్యక్తి ట్విట్టర్ లో పోస్ట్ చేశారు. మా ఆయన ఫుడ్ ఆర్డర్ ఇచ్చారు. ఫుడ్ ఆర్డర్ డెలివరీ చేసేందుకు వచ్చిన డెలివరీ బాయ్ ప్రమాదవశాత్తు పూల కుండీలకు తగలడంతో అవి పగిలిపోయాయి. దీంతో తను మా ఆయనకు క్షమాపణలు చెప్పడానికి పిలిచారు. ఆ పగిలిన కుండీలకు డబ్బులు సైతం ఇచ్చేందుకు తయారయ్యాడు.

దీంతో మా వారు ఆ డెలివరీ బాయ్ మంచి మనుసుకు మెచ్చుకుని, డబ్బులివ్వాల్సిన అవసరం లేదని ఆ డెలివరీ బాయ్ ను పంపిచారని ట్విట్టర్ లో పోస్ట్ చేసింది. ఆ తరువాత ఎలి మెక్ కాన్ మరో పోస్ట్ చేసింది. అందులో డెలివరీ బాయ్ కొత్తగా కొని తీసుకొచ్చిన పూలకుండీలతో పాటు స్వయంగా రాసిన లెటర్ కనిపించింది. ఆ డెలివరీ బాయ్ కొత్తగా కొన్న పూల కుండీలను కస్టమర్ ఇంటి ఆవరణలో వదిలేసి వెళ్లాడు. అయితే ఆ డెలివరీ బాయ్ లెటర్ లో ఈ విధంగా రాసారు. నేను మీ ఉబర్ ఈట్స్ డెలివరీ బాయ్ జోర్డాన్. రెండు రోజుల క్రితం అనుకోకుండా మీ ఇంటి ఆవరణలో పూలకుండీలను పగలగొట్టాను. దానికి బదులుగా కొత్తవి ఇచ్చాను. మీ లాంటి సహృదయులకు తిరిగి ఇవ్వాలనిపించింది అని జోర్డాన్ రాశాడు. దీంతో ఎలి మెక్ కాన్ తో పాటు సోషల్ మీడియా వేదికగా డెలివరీ బాయ్ జోర్డాన్ పై ప్రశంసల వర్షం కురుస్తోంది.

The food delivery guy just dropped this off. I caught him as I was pulling up to the house and he was so sweet. I told him I tweeted about the interaction and that it went viral and he got a kick out of that. https://t.co/5TXGdwXMbH pic.twitter.com/qcaMZdXSGE

— Eli McCann (@EliMcCann) May 30, 2023