కోహ్లీ చేసిన ఆ సెంచరీ నాకు చాలా స్పెషల్: రోహిత్ శర్మ

భారత్, శ్రీలంక టెస్టు మ్యాచ్ ఇది పేరుకు మాత్రమే.. ఇప్పుడు అభిమానుల దృష్టంతా కోహ్లీ 100వ టెస్టు మ్యాచ్ గురుంచే చర్చ. కెరీర్‌లో 100వ టెస్టు ఆడనున్న టీమిండియా మాజీ సారధి విరాట్ కోహ్లీపై పలువురు మాజీ క్రికెటర్లు(సచిన్, గంగూలీ, ద్రావిడ్, సెహ్వాగ్) తమ మనసులో మాటను బయటపెట్టారు. వందో టెస్టులో అరుదైన ‘100’ పరుగుల ఘనతను సాధించాల్సిందిగా అల్ ది బెస్ట్ తెలిపారు. ప్రస్తుత కెప్టెన్ రోహిత్ శర్మ సైతం కోహ్లీపై ప్రశంసల జల్లు కురిపించాడు. టెస్ట్ ఫార్మాట్‌లో భారత జట్టు గొప్ప స్థానంలో నిలబడటానికి విరాట్ కోహ్లీనే కారణమని కొనియాడాడు.

మొహాలీ వేదికగా శ్రీలంకతో జరగనున్న తొలి మ్యాచ్‌తో రోహిత్ శర్మ టెస్ట్ కెప్టెన్సీ బాధ్యతలు చేపట్టనున్నాడు. దీనితో హిట్ మ్యాన్ కి ఇది స్పెషల్ మ్యాచ్‌ కానుండగా.. విరాట్ కోహ్లీకి ఇది కెరీర్‌లో 100వ మ్యాచ్. శ్రీలంక జట్టుకు ఇది 300 టెస్టు మ్యాచ్ కావడం మరో విశేషం. ఇలాంటి ఎన్నో రికార్డుల
నేపథ్యంలో గురువారం మీడియాతో మాట్లాడిన రోహిత్ శర్మ ఆసక్తికర విషయాలు వెల్లడించాడు. ఏ ఆటగాడైనా వంద టెస్టులు ఆడటం మామూలు విషయం కాదని, ఈ విషయంలో అతడు చాలా దూరం పయనించాడని రోహిత్ చెప్పుకొచ్చాడు. ఇదో అద్భుతమైన ప్రయాణమని కొనియాడాడు.ఓ టెస్ట్ టీమ్‌గా ప్రస్తుతం మేం మంచి స్థానంలో ఉన్నాం. ఈ క్రెడిట్ అంతా విరాట్ కోహ్లీదే. కొన్నేళ్లుగా తన సారథ్యంలో జట్టును అద్భుతంగా నడిపించాడు. అతనిలానే నేను జట్టును ముందుకు తీసుకెళ్తాను. వందో టెస్టును అతడికి మరింత ప్రత్యేకంగా చేయాలనుకుంటున్నాం. అందుకోసం ఈ మ్యాచ్ ఐదు రోజుల పాటు పూర్తిగా జరగాలని కోరుకుందాం. 2018లో మేం ఆస్ట్రేలియాలో టెస్టు సిరీస్ గెలిచాం. అదెంతో ప్రత్యేకం. అప్పుడు కోహ్లినే కెప్టెన్ గా ఉన్నాడు. అలాగే ఆటగాడిగా అతడికి మరిచిపోలేని ఇన్నింగ్స్ అంటే 2013 దక్షిణాఫ్రికా పర్యటనలో అతడు సాధించిన శతకమే. కఠిన పరిస్థితుల్లో నిలబడి మూడంకెల స్కోర్ సాధించాడు’ అని రోహిత్ చెప్పుకొచ్చాడు..

💬 💬 We want to make the occassion special for @imVkohli: #TeamIndia Captain @ImRo45 #INDvSL | @Paytm | #VK100 pic.twitter.com/NOxk0bTRr8

— BCCI (@BCCI) March 3, 2022

పరిస్థితులు కఠినమైన సవాళ్లు విసిరినా మోర్కెల్, స్టెయిన్ లాంటి బౌలర్లను తట్టుకొని కోహ్లి నిలబడ్డాడు. ఆ మ్యాచులో అతడు రెండు ఇన్నింగ్స్ ల్లోనూ రాణించాడు. కోహ్లి బ్యాటింగ్ లో నేను గుర్తు పెట్టుకున్న అతిగొప్ప ఇన్నింగ్స్ ల్లో ఆ మ్యాచ్ ఒకటి. నేను నా కెరీర్‌లో 40 మ్యాచ్‌లే ఆడి ఉండవచ్చు. కానీ ఎన్నో ఒడిదొడుకులు ఎదుర్కొన్నాను. మరెన్నో విషయాలను నేర్చుకున్నాను. ఇప్పుడు నా చేతిలో గొప్ప బాధ్యత ఉంది. ఇప్పుడు నా దృష్టంతా దానిపైనే ఉంది. ఒక జట్టుగా టీమ్ ఇండియా ఇప్పుడు మంచి స్థితిలో ఉందని చెప్పాడు. అందుకు విరాట్ కోహ్లినే కారణమన్నాడు.

‘I never thought i’ll play 100 Test matches. It has been a long journey. Grateful that i’ve been able to make it to 100’ – @imVkohli on his landmark Test.

Full interview coming up on https://t.co/Z3MPyesSeZ. Stay tuned! #VK100 pic.twitter.com/SFehIolPwb

— BCCI (@BCCI) March 3, 2022